大隻鵬 / 玩盡天下，自由自主!

"自由自主" 初八啟市

2012-01-30T14:20:00.004+08:00

今日初八，希望大家都過咗個開心嘅新年，鵬佬就無點放過假，初三晚又要飛咗去耶加達開會，都有啲嘢搞下，遲啲再講；至於上嚟等睇 "鴨評" 啲巴打小弟只可話再近本地同 "鄰近地區" 個鴨市仍然係一潭死水，假相太多 (例如呢個，成日用名模 "金憲奎" 啲相 (上圖)，真係唔知咩人會蠢到上當)，又嚴重缺乏有質素嘅新人，加上成日有巴打話有南下鴨仔偷嘢同老屈，只有等住睇下有無改善，不過近半年都觀察到大陸個鴨市有啲 "結講性" 嘅改變，另外亦有啲喺上面打工嘅老友提過國內啲有錢同志越嚟越多人包養，而且玩得好豪，一有多啲資料再詳細分析下。

咁鵬佬當然仲有好多題目可以寫，唔係一味見鴨，今年會盡量多啲 update。先再祝各位龍年順利，人見人愛，車見車載！

音樂： 80 年代 J-Pop 偶像風

2012-01-20T15:41:00.009+08:00

上星期收到一個喺日本舊同學嘅 email，問鵬佬有無興趣幫佢打緊工本報館出嘅一本雜誌寫文，以外國人身份嘅角度講下日本流行文化對佢地嘅影響，呢位朋友又知道我對 80 年啲女性 "偶像" 有些少研究，所以就叫我不如寫下呢班歌手喺香港嘅普及程度；佢咁睇得起小弟，個 topic 又有趣，當然答應，不過我反而提意如果只係講當年香港歌手點樣係舞台表演、衣箸咁跟日本，又十居其九有大量翻唱 J-Pop "口水歌"，不如集中講下呢班好似松田聖子、中森明菜咁係市場同音樂定位上面有邊樣最成功，而且係當年班華語歌手想跟都跟唔到。

有得鵬佬咁年紀班唔多唔少都會迷過下一、兩個 "idol"，尤其唔知點解我地班基 "仔"，問翻好多都係聖子或明菜迷，之外仲有河合奈保子、柏原芳惠咁都幾紅；由於出道陣仲好後生，所以好多初期啲歌都唱到好鬼差，只係賣 cutie 同包裝，成日比人彈係 "雞仔聲"，不過上到一線或頭二線啲，一定要係無論唱功、才藝上面有表現，先可以 keep 住競爭力同 "入到屋"，要不斷啲歌都上到個榜，只係靠班仔妹買碟就好快死得，因為呢啲偶像一過 21、22 歲以上，就已經係 "老餅"，仲著住啲公主裙扮可愛肯定比人話超齡加老土。

因為咁，要唔想比人淘汰，迫住嫁人或消失，或更可憐到去拍寫真 (柏原芳惠係此一招嘅人版)，就要過到由小女孩變成真係歌手呢個 "成人" 關；大家可能覺得 Akira (中森明菜) 係當時喺呢方面最成功，不過如果要講音樂上嘅突破，鵬佬覺得 Seiko (松田聖子) 同 Naoko (河合奈保子) 先係表表者。Seiko 出道無幾耐就係一線，一直係純情派作表，但係為咗過 "成年" 呢關，喺 1983 年就出過佢喺音樂風格同制作上面最成熟嘅大碟，亦可以話係當年 J-Pop 嘅作表作。

首先係年頭張 "ユートピア" ("Utopia")，開始走啲所謂 "新音樂" 風格，一次過放棄哂之前啲 "兒歌"，入面隻重點細碟 "天国のキッス" ("天國之吻") 仲係揾日本電子音樂班霸 YMO 成員細野晴臣作曲同做監制；到年尾出張 "Canary" (上圖)，更加高調試玩好似電子、迷幻咁唔同風格，而且錄音好用本，用當年最先進嘅技術，明顯係要脫離班中學生 fans 嘅水平；當年鵬佬只係靠聽我大佬買啲 cassettes 先有得聽，要喺好後期先知當年呢隻黑膠嘅日本版，係好多人揾嚟做 Hi-Fi "發燒" 試音碟。

依家聽翻大家可能唔覺得好特別，不過好似上面隻 "Misty"，係首近 30 年前嘅錄音，可以話非常前衛，加上當年大部份買佢碟啲都係啲聽慣一般有小小 "低能" 嘅 pop 嘢同得十幾廾歲嘅 "細路"，所以呢步喺商業性同歌手定位上面係非常冒險；另外隻碟首主題曲，又係 Seiko 首次自己作曲，而且可以有水準到可以同其他幫佢寫歌，好似松任谷正隆咁班大師級一齊有比較，加上同年出過啲細碟，好似 "Sweet Memories"、"瞳はダイアモンド" ("眼睛像礸石") 咁都係為咗擴大 Seiko 嘅成人市場，準備離開偶像市場；雖然之後佢又走返啲無咁大胆嘅 idol pop 路線，仲話自己係永遠少女偶像，不過成 30 年都仲企得住，又係一位全能創作人，呢樣都好靠佢當年 83 年打下嘅基礎。

另外差不多同期要轉營仲有 Naoko，佢就選擇走啲美式 Adult Contemporary 路線，喺 1984 年出咗張 "Daydream Coast"，喺美國錄音，揾咗當年紅監制 David Foster 制作成隻大碟，係佢最好賣嘅大碟之一，成功之後隻 "Nine and a Half" 照版煮碗，仲夠胆主力以美式唱膛唱英文歌做賣點 (下面隻 "Finding Each Other" 最正)，特出自己係班 idols 之中最唱得嗰個，又係順利過到 "成人" 關嘅好例子；之後同 Seiko 一樣都做咗唱作歌手，反而仲喺香港因為隻 "月半小夜曲" 更多人識，玩多咗幾年又攞好多音樂獎先收山。

咁香港呢？唔洗講邊個，睇下隊 "孖生妹"，到變哂中女加裸照都仲係十年如一日扮純情，仲係唱到走哂音，呢樣係日本 30 年前比，出道只玩包裝扮 cute 只可以夠用兩、三年，之後轉慢啲同無咁有水準同實力就死得嚟比較，已經無得比。

不過你問小弟最迷邊個？大家都可能唔識呢個原田知世，"雞仔聲" 代表，呢隻 "天国にいちばん近い島" ("最近天國之島") 到依家都成日 loop 住嚟聽；佢其實係角村揾出嚟，係主力拍戲多過唱歌，嗰陣真係鍾意到以為自己係 "直" (笑)；大家當年又迷邊個？下面留 comments。

PS －呢排大家可能覺得小弟成日離題，不過 "鴨評" 以依家個市咁，真係無乜好寫，下次有機會真係要探討下點解搞到咁悶局。

民調："自由自主" 讀者 "讀年" 分佈

2012-01-20T15:18:00.003+08:00

鵬佬先多謝有 529 位老友上週幫忙投票，等小弟對 "自由自主" 嘅讀者羣有多啲認識，下面先交代下個結果，個題目係大家睇咗個 blog 有幾耐：

一年 / 一年以下：22%
兩年：26%
三年：27%
四年 / 四年以上：24%

其實都幾平均，亦表示四年嚟都有新朋友加入，都係一件好事，再 "針橋" 下各位！

本月假相之最 (20)

2012-01-20T14:55:00.004+08:00

今期假相真係前所未有咁多，以下兩個係有網友提供－呢個 "生命 1 號"，大家咁醒明都知係假，原照係一位叫 Van Kien 嘅越南男模，真人係幾靚仔，順手係下面 share 下；另外呢個 "Jason"，係一個菲律賓男模 (上圖)，跟住呢條 link 有佢啲相。又係嗰句，大家小心小心。

同文化：同志歌手 John Grant 的 "火星" 世外之音

2012-01-18T14:25:00.009+08:00

早排提過一部同志電影 "The Weekend" (舊年個同志電影節有上)，當時無時間去睇，上週未卒之喺 iTunes 揾到，睇完真係好感動，尤其結尾嗰段，真係有啲想喊，下次有機會再寫，今次係想講套戲喺最後 roll credits 陣用咗一隻歌，叫 "I Wanna Go to Marz" ("我要去火星"，呢條 link 有原版 MV)，一聽就好似觸電咁，於是馬上上網揾，原來首歌係收錄喺一位同志歌手 John Grant (見圖) 喺年幾前發行叫 "The Queen of Denmark" 張 CD，於是都比錢 download，而呢兩、三日鵬佬部 iPod 除咗啊 John 之外都無播過其他，一路 loop 住嚟聽。

呢張專隻係佢第一張個人作品，不過 John 之前十幾年係一隊叫 "The Czars" 嘅主音，出過好幾張 CD，不過都係叫好不叫座，解散之前搞到佢好鬼 depressed，又酒又吸毒，不過好彩最後都翻到身，仲讀番書，不過就決定離開樂壇；直到幾年前由於有朋友鼓勵同財政上支持，佢先再入返 studio 錄呢十幾首佢喺人生最低潮嗰陣寫嘅歌 (呢條 link 有佢喺網上嘅一段訪問)；隻碟喺佢老家美國就無乜人注意，不過喺英國就幾好反應，仲比一本好有影響力嘅音樂雜誌 "Mojo" 選為當年最佳大碟。

鵬佬鍾意音樂，而且都幾留意下啲新出嘅好嘢，所以都唔知點解會走漏 "耳"，因為 John Grant 把聲真係好靚同好有感情，風格雖然有啲 "復古"，走翻一啲 70 年代 "唱作歌手" 路線，不過佢寫啲歌同詞都好有 heart，而且都好適合佢想表達嘅心情；成隻碟聽完最有感覺都係呢首 "Where Dreams Go to Die" (下面有個現場鋼琴獨唱版，原 CD 版跟住呢條 link 有得聽)，真係聽到歌者好似掘個心出嚟同人家 "分享" 佢一段無結果嘅戀情，加上知道佢係同志，所以更特別 feel 到啊 John 嘅痛苦，"The Weekend" 個導演識用佢啲歌加入套戲又真係可以話 "神來之筆"。

其實除咗呢張 CD，我仲買咗 "The Czars" 一張精選，主要係收錄隊 band 歷年翻唱過一啲其他人嘅作品，其中從唱 "Simon & Garfunkel" 呢首 "For Emily" (呢條 link 有得聽)，真係正到攞命；過去十年不斷都有啲好似 Rufus Wainwright 同 Antony Hegarty (Antony & the Johnsons) 咁一班好有才華嘅同志唱作人走紅，加上 John Grant，實在係好事，值得大家比錢買碟支持。

同政治︰香港大學生普遍接受同性戀

2012-01-14T15:57:00.006+08:00

早兩日睇到呢單新聞，都幾鼓舞－香港小童群益會同中大學生會喺舊年進行查調，成功訪問咗近千名大學生，發現喺異性戀大學生中，有超過九成學生接受老師或者同學係基，而且有六成半同意同性伴侶應有權結婚，仲有差咗多人數認為政府應該立法禁止性傾向歧視，顯示大學生對同性戀者嘅接納程度很高。

但係其中嘅大學生基督徒就保守得多，有近半數反對同性婚姻 (不過都有 32% 贊成)；由於受訪者入面有近四份一人話自己係基督徒 (唔知包唔包天主教)，計下數亦表示喺無宗教同有其他宗教嘅學生入面有成 75% 接受 gay marriage，呢個數字其實可以話相當高，尤其係本地主流媒體一直都無對同性戀有任何正面嘅關注；中大學生會仲發表聲明，呼籲政府應該為同性戀嘅平等權益上盡快立法，仲支持通過同性婚姻同禁止性傾向歧視。

今次由中大學生會搞呢個調查，仲高調支特 gay rights，其實背後會唔會係有意向班耶教偽道德發難，要証明佢地班反同反到腦殘嘅已經同年輕一代脫咗節？因為如果大家唔善忘，中文學生報因為 "色情版" 喺幾年前比好似 "鳴肛" 社咁嗰班搞過一鑊好甘，而今次呢類調查一般都會掛名係學術研究，由社會科學或社工系做，好少由學生會帶頭，鵬佬有少少覺得係中大學生會有意 "軟性" 挑戰呢班偽道德。

過咗幾日都唔見 "鳴光" 同班耶教偽道德 "攻擊狗" 有任何回應，睇怕都仲要等下先知佢地有無後着；另外發表呢個 survey 又同教宗本篤喺 10 號發表嘅新年文告，怕嚇你唔死咁高調恐同，話同性婚姻會 "毁掉" 人類未來嘅存亡 ("undermine the future of humanity")，所以喺呢個調查嘅發報 timing 上面會唔會只係咁啱，或者後面有高人教路，鵬佬就真係幾好奇；但係無論點，身為同志我地就一定要讚下中大班同學，夠 guts！

同文化：網玩 RPG 的魔幻同志世界

2012-01-10T20:42:00.006+08:00

唔知大家有無玩 online games 或者係好似 Sims 咁啲所謂 role playing games (RPG)，鵬佬已前都有，依家就無時間亦都無咁大興趣，不過上次返美國有個朋友話玩緊 Elder Scrolls (中文叫 "上古天卷")，係其中一個幾多人玩嘅 RPG，已經出到第五代，叫 Skyrim；呢類超現實魔法遊戲外面大把，不過有趣就係由玩家控制個角色，無論係男定女，都可以選擇揾異性或同性伴侶，而且仲可以結婚；自從個 game 出街已後，好多玩家都將自己個角色嘅 gay marriage 錄落嚟，仲放上網比人睇 (最下面有個 video，仲教其他玩家點樣 "求婚")。

咁都唔只，網上仲可以揾到啲由第三方開發嘅 add-on，將入面啲男角全部變成裸體，仲可以由玩家自定造型，要幾肌肉、幾大屌都得；上網揾下啲圖片，啲圖像睇落都幾有實感 (上圖)，有啲更加好似兩個角色喺到開緊波咁 (下圖)，唔知係比人惡搞定真係可以咁玩，如果係就真係要買隻碟返嚟試下。依家啲 CGI 越做越真實，話唔定過幾年都無人只係睇由人拍嘅 AV，而係一個 porn game 由 "玩家" 控制啲角色去做愛都唔定！

同文化："李小兵" 又關我事？

2012-01-09T18:07:00.011+08:00

哈，最近中港台最熱嘅同志新聞肯定係 "名摸" 李小兵段又自打自摸，仲要連 "菊花" 都露嘅網上視頻比人登上網單嘢；最新話係佢比香港某電影導演靠害，當時係為咗要有機會拍片，所以人地叫佢做咩都肯，傻到比人錄咗都唔知。其實段視頻九成九係同另一個同性玩 (鵬佬估就算係腐女都唔會貪睇屁眼卦)，問題到底小兵哥係唔係 gay，段片只係喺網上揾食同人玩 cam 陣比人偷錄，定係有 "商業" 原因，要先 show 啲 "貨版" 比個 "客" 睇就真係要當時人先知。

咁點解又關個呢 blog 事，原因係 blogspot 個網站有幫我地班博主 keep 住啲訪客數字，包括讀者係未通過網上搜查連接去到 "自由自主"，如果係用 Google 咁之類嘅 search engine 揾到又係用乜嘢 "key words"；一般嚟講大部份都係用 "大隻鵬"、"chinaplayer" 之類，所以我都好少去 check，不過早幾日發現喺呢幾個星期就特然多咗人係用 "李小兵" 做關鍵字揾到呢個 blog (下面有個 screen shot)，當時都唔明點解用佢個名會揾到呢到，依家先醒起原來早幾個月喺一個 "假相之最" 嘅 post 入面有提過佢。

依家諗翻轉頭，會唔會唔係有人用假相？(笑)

客籍鴨評︰一隻中熊 + 大隻仔

2012-01-09T17:00:00.010+08:00

過完聖誕新年，農曆年又快到，睇怕無論係南下揾食同長駐深圳班 "哥仔" 好多都要回鄉，以個人經驗一定會有人好等錢過年，所以一般都係多麻煩同蠱惑嘢嘅時候，咁大家要玩都盡量小心；不過有好嘢都要 share 下：

先係另一位長期支持過料嘅大哥話之前喺大陸試過呢個 "大牌爺門" (見上圖) －真人好壯同高大，係東北人，皮膚較白同唔係咁多毛，不過個樣幾 cutie，"爺" 中有啲傻氣；服務就好週到，前戲做到足又夠感情，下面就細咗啲，得 5" 多啲，不過夠硬，做 top 啲功夫都唔差，鐘意主動，大哥話插得佢好舒服，雖然只係叫 "快餐" 而佢跟住又要走下場，但係都交足貨同大哥玩好多姿勢，仲要射完先收工，所以見佢嚟咗香港特別要推一下；當時喺大陸佢收 500 人民幣加車費，南下就唔知收幾多，有興趣可以自己問問。

另外早排比台北料嗰位又係 Big Brother，之前喺香港都同呢個 "林輝" (下圖) 玩過－佢話條仔真人外貌同啲相一樣，身型都好壯好 hot，肌肉又結實；服務都有貨交，肯用口，Brother 話直情 "追住佢嚟含" (笑)，之後佢地都有互插，玩得都幾放同熱情，入佢又好反應，而且好肯配合個客，見佢快出咗先都再摟下抱下，仲主動幫大哥按背，技術都 OK；咁玩全套收 800 港幣 (因為係叫 outcall 上門，所以貴啲，一般好似 5、6 百)，Brother 話抵玩。

Thank you 哂兩位！

同文化：2011 兩部超正基片介紹

2012-01-09T14:30:00.007+08:00

年尾返咗美國灣區 (Bay Area) 過節，做得最多都係睇電影，除咗去戲院，喺鵬佬家姐屋企仲有 Netflix，可以用電視點播，就睇咗兩部喺 2011 年都幾獲好評嘅同志片－首先呢部 "Strapped"，美國獨立片，講一個年輕 "鴨仔" 有晚去接客 (個客都有段故，佢係前軍人，好多年前曾經向另一個軍中好友示愛，但係對方唔接受，仲打佢一身之後絕咗交)，完事之後想走但係座大厦特然變到好似個迷宮咁，係揾緊出路嗰陣就偶到幾個怪往客，先後包括一個成日玩 chem 吸毒嘅中年 "姨媽" 型同志同佢班年青波友，一個結咗婚又好壓抑嘅恐同 "衣櫃男"，一個已步入老年過住隱居生活嘅前同權份子，同最後一個好寂寞但係對愛情仍然好有希望嘅青年作家。

個故事其實好 "魔幻現實" (magical realism)，每個角色都好似係一個 symbol 代表緊某一類現代同志，喺尋找肉體滿足之中，大家都同時揾緊愛情，或係一啲超越性愛、人与人之間嘅一種聯繫；雖然有時啲對白係造作咗啲，不過幾個要角都發揮得好好，做得好生動，鵬佬一邊睇一邊都喺幾個角色身上揾到自己同好多朋友嘅 "影子"，不過更值得讚係睇完之後會去反醒下：自己究竟喺呢個人生階段係喺到揾緊啲咩，得到嘅又係咪自己想要嘅呢？

好似 "深" 咗啲，不過呢部 "Strapped" (下面有片花) 整體都非常可觀，加上個男主角 "Ben Bonenfant" (上圖，呢條 link 有佢一段訪問) 真係好養眼；佢只係 20 出頭，直仔一名，但係都演得好自然，尤其係啲 sex scenes，雖然啊 Ben 唔係鵬佬嗰 type，不過場場 "激情戲" 都睇到好有反應，所以希望佢已後有發圍，可以係其他電影同電視見到佢。

另外又睇咗呢部德國嘅 "Drei" (即係數字 "3"，下片有 trailer)，係大廠片，因為個導演係拍過好似 "Run Lola Run" (中譯好似叫 "暴走羅拉") 咁幾部賣座片個 Tom Tykwer；部片個題裁比較成熟，講一對剛過 40 歲嘅專業 "優皮" 夫婦 Peter 同 Hanna，雖然兩人仍然相愛，但係婚姻生活開始乏味，咁啱兩人又分別偶上一個成功又型仔嘅已離婚雙性戀者 Adam，喺唔知情下兩個都同 Adam 發生咗越軌嘅行為，最後就因為 Hanna 發現自己大咗肚 (不過佢都唔肯定邊個係老豆)，卒之先東窗事發。

個結局係點唔想 spoil，不過睇完又覺得個故事入面對現代婚姻，同點樣先係一種可以叫做滿足到個別需要嘅親密 "伴侶" 關係有好多啟發，對於我地班同年紀特別有意思；唔知喺香港有無 DVD 賣，有的話呢兩套都值得收藏。

客籍鴨評︰台北 / 香港 Spa 比較

2012-01-04T14:02:00.005+08:00

其實開 blog 咁耐，寫得較少嘅台北，因為鵬佬好少去，反正都係個幾鐘飛機，有時間都情願去馬尼拉；最近都有經常過料嘅一位 Big Brother 剛去完台灣，話試咗三間 spa 同外賣鴨店，咁當然要馬上分享下，先 thank you 佢，不過講之前想比較下個人感覺上對港台兩地本土 "技師" 嘅分別。

"大哥" 提過呢間 G-Spa，上網睇下真係幾 impressed －先係所有按摩師有哂露面相，個個都整整齊齊，水準都平均咁正，由廾鬆啲嘅大隻仔到 30 後壯爺型都有 (好似呢個 "啊 Ken"，上圖，有啲似原往民，真係流哂口水)，同大陸啲造假相真係無得比，更重要係一睇落去啲客要叫都有信心啲，唔洗擔心十次有八次貨不對版；另外呢間 Royal Spa，之前都 review 過，除咗有相，仲有列出個技師嘅 "經驗值"，即係佢合共出過幾多個鍾，比客多啲資料選擇。

比起香港本土啲 spa，無論係會所定係私人按摩，基本上全部唔會有相睇，就算有都好少露面，去到先知有咩 "師夫"，如果唔係多得 "阿守" 兄個 blog 介推，真係無得比較；其實台灣嗰邊啲法例鵬佬唔太清楚，不過喺香港經營一間骨場確實係有風險，因為大家都心照好多時啲客上去都唔單止要求出 "骨火"，如果喺一間會所入面有性交易就係犯法，過去喺男骨場都發生過比差佬 "放蛇"，所以唔放相上網係有一定道理，不過始終都係覺得啲本地 "哥仔" 咁就往就住，真係好難同班大陸南下鴨競爭。

今次大哥就喺 G-Spa 叫咗呢個 "啊 Jack" (下圖)，如果係 in-call，佢話個老細會先約個客喺一間酒店等，再帶上去一幢舊樓嘅獨立 "套房"，條仔同大哥講佢地有四個單位，每個大約有 200 呎，有獨立浴室，所以點玩都夠哂私隱；啊 Jack 就唔算高大，不過好 fit 有肌肉，而且夠哂 "反應"，做完仲同個客一齊沖涼，大哥就好滿意，價錢係間 spa 收 1,800 新台幣 (480 港幣咁上下)，再比條仔多 1,000 貼士 (大哥唔知公價，係比多咗定差唔多佢唔清楚，不過啊 Jack 話 OK)，加起嚟都係 700 港銀多啲，咁玩法同啲技師嘅水平就相當抵。

另外喺 Royal Spa 大哥就試咗 "阿弘" 同 "小禹" (link 唔去個別技師嗰頁，大家要上返個 site 自己揾)，間店喺紅樓後面，裝修同服務都唔錯，收費就較同行高，如果旨在按摩都係一個好選擇；呢兩間 spa 都可以叫外賣上酒店，另外再提下應該都係台北最大嘅外賣網站 Hotman，雖然只係 body 相無樣睇，不過就好多 choices，咩類型都有，價錢一般 3,000 新台幣 (唔洗 800 港幣)。

講開啲本地薑，最後幫大哥問下呢間 "男湯" －呢間早排提過下，印象唔太好，出過警報；除咗班南下鴨之外 (其實都過別有自己廣告)，確實係有好多香港土炮，不過叫價一般都過千，有無邊位巴打試過？有就通知聲。

本月假相之最 (19)

2012-01-04T13:11:00.006+08:00

都好耐無開欄睇下啲假相，不過呢排真係特別多，所以一次過 "清算" 下；呢個 "啊諾"，入面啲相全部係大陸一個叫 "朱曉輝" 嘅男模 (上圖，第一排左)，好似都幾紅，又做過內褲牌子嘅代言人，會唔會開哂樣喺香港啲套房散賣？另外呢個 "啊昆"，啲相係一個叫 "趙天輝" (上圖，第一排右) 嘅 personal trainer；第三個叫 "一陽"，網上 searched 到係一個住喺澳洲嘅印尼籍 model (上圖，第二排左)，最後當然唔小得比大陸 (無水平) 騙子偷用得多嘅 "閆振興" (上圖，第二排左)，今次叫 "啊龍"。

可能快要過農曆新年啲人等錢洗，以上都只係啲揾得到源頭，有名有姓，仲有好多疑似個案，大家自己小心。

壯男圖︰12 個靚仔神父陪足你一年

2012-01-03T16:41:00.004+08:00

哈，呢兩、三年都喺網上見到呢啲 "靚仔神父月歷" 嘅圖片，不過就唔知係真唔係由梵蒂岡官方正式發行，又或者入面啲所謂神父係未 A 貨，你問我鵬佬估係真嘅機會唔大；唔係話神職人員無靚人，只係覺得有幾個啲髮型比較 "yeah" 咗少少 (見上圖)，唔夠純樸。咁當然無肉睇，要睇大家可以揾下啲外國 AV，要幾靚幾大隻都有，不過就係人扮囉 (笑)；不過如果邊位有戀 "父" 狂，用 10 蚊歐羅就可以個個月有靚到好似下圖嗰幾個神父睇，抵啦。

同政治︰香港 ~ 同性戀唔再係 "心理病"

2012-01-03T14:26:00.004+08:00

最近喺網上特然好多人傳緊一份由 "香港精神科醫學院" 喺舊年 11 月發嘅 "Position Statement"，內容係話學院唔再認為同性戀係一種心理病，亦無科學同臨床証據支持用任何方法去嘗試改變性取向會帶嚟好處，最後仲加句話一位精神科醫生喺提供 "護理" (care) 嗰陣要尊重受護人嘅 "特殊背境"；呢單料好似先喺 Fridae 有個報告，不過鵬佬好快咁上去學院個網站睇下，都揾唔到呢份公告，亦無喺其他傳媒見到有相關報導，所以小心起見，今朝都先發咗個 email 去學院個諮詢信箱問下，依家仲等緊佢地回覆 (追加，下午有回信，証實有喺 11 月發過聲明)。

如果呢單料係真，確實係香港一個進步，雖然比起歐美都慢咗成 40 年，就算係大陸都喺 10 年前將同性戀 declassified 咗；其實係唔係要繼續界定同性戀係一種 "病症" (disorder)，住住係出於政治考慮多過科學証據，同時又觸動到啲所謂社會道德倫理，睇翻好似世衛 (WHO)，都要等到 1992 年先將同性戀喺精神病名冊中除落嚟，原因係一直受到好多受宗教影響力比較大嘅國家反對。

不過大家唔好以為咁樣就表示喺香港唔再可以提供 "變直治療" 同輔導，亦唔表示所有精神科醫生都要贊成學院呢個決定，就算喺美國，大家都知仲有好多醫生同組織 (當然全部都有宗教背境) 仍然向一班無論係自願或者被迫要改變性向嘅人提供啲所謂 "reparative" 治療，其實都不外乎係用辦法將同性性衝動壓抑，好似一面迫你睇鹹相一面要你用橡筋箍打手，或一諗起同同性做愛就去沖凍水涼之類。

呢啲 "治療" 一啲效用都無已經喺醫學界係一個共識，而且為害可以好大，輕者有短期抑鬱，重者搞到一生有情緒病同自殺，早排都寫過；咁依家 "香港精神科醫學院" 發咗呢個聲明，係唔係表示佢地會更進一步公開發言反駁好似 "鳴肛社" 咁啲繼續話同性戀係病態，或公開譴責 "康貴華" 嗰班耶教恐同份子提供緊嘅治療同輔導，其實先至係重點。咁到底係點，就真係要放長雙眼等下，不過呢個 statement 肯定係打咗呢班耶教偽道德一把，亦係一個最少喺專業界入面一個進步。

下面係引 Fridae 登出嚟嘅學院聲明全文：

"Position Statement of The Hong Kong College of Psychiatrists on Sexual Orientation

The Hong Kong College of Psychiatrists opines that homosexuality is not a psychiatric disorder.

The American Psychiatric Association removed homosexuality from the diagnostic glossary of mental disorder (DSM) in 1973. The International Classification of Disease of the World Health Organization followed the same decision in 1992.

The Hong Kong College of Psychiatrists adheres firmly to the practice of scientifically proven and evidence-based treatment. Psychiatric treatments have to be provided according to well established principles and practice available at the time. There is, at present, no sound scientific and clinical evidence supporting the benefits of attempts to alter sexual orientation.

A psychiatrist should provide care with no discrimination and maintain a high level of sensitivity to the needs of people from diverse backgrounds."

新年快樂！2012 自求多福年

2012-01-03T12:40:00.003+08:00

探完親友返到香港，先祝各位兄弟新年快樂，"長玩長有"，咁玩咩呢，你自己喜歡啦。(笑)

不過點睇 2012 都會係多變嘅一年，大環境經濟同政治都唔明朗，而且可以話十分高危，所以喺 "作樂" 之餘，大家對身邊啲事都要多啲關心下，如果真係有乜 "依郁"，都唔洗後知後覺，走慢人一步，不過會唔會真係世界未日咁大鑊，睇怕都無咁易；點都好，鵬佬覺得今年肯定會有啲唔 "老例"，只希望今年各位巴打都有福星高照，繼續 "自由自主"。

電影：真正感受 3D ~ "Pina"

2011-12-30T13:59:00.008+08:00

先補祝各位聖誕快樂－鵬佬照例返咗三藩市探親，呢幾日除咗食同睇戲之外，都無做過啲咩，原本諗住去 Big Sur，不過就 book 唔到位去 Esalen 小住，幾可惜；不過最緊要都係見下家人同朋友，尤其係啲 "下一代"，真係每年都係呢啲過時過節先知啲日子過得幾快；今年個姪仔同姪女，一個已經讀大一，另一個高中，都各自帶 "朋友" 返我家姐屋企過節，先特然覺得自己真係老，諗都係時候開始學下 "持老賣老" (笑)。

講開睇電影，今年有幾套大節片都好想睇，例如部真人動漫 "Tintin" 同 Martin Scorsese 套 "Hugo" 都一次過睇哂，兩套都係 3D，不過如果真係要講立體感嘅震撼力，都唔夠呢套一啲電腦效果都無用過，叫 "Pina" 嘅 "記錄片" (上圖) －部片個主角係過身無耐嘅德國現代舞蹈家 Pina Bausch，導演係另一位同鄉大師 Wim Wenders (拍過好似 "柏林蒼穹下" (Wings of Desire) 咁幾套得獎大片)，開拍嗰陣佢仲在生，原本係想透過佢本人自白同訪問，加插由佢編嘅幾部大小型舞蹈片段，作為向 Pina 一生成就嘅致敬，可惜中途佢就離世，原本 Wenders 都諗住再拍唔落去，不過最後得到佢啲家人同佢舞社嘅支持先可以完成。

鵬佬對現代舞一啲都唔識，不過好多 reviews 都話套片拍得正，3D 版又只喺灣區映幾場，去到立刻買飛；部電影有九成以上係舞蹈表演，有大部份係喺舞台拍，有啲喺外境，一邊睇一邊就越覺得如果真係由個好似 Wenders 咁嘅級數導演去拍，呢種現場 3D 感真係好過睇 live，尤其係其中幾段叫 "Wet" 嘅舞台表演 (下面有片段，套片個片花跟住呢條 link 有得睇)，啲舞蹈者喺個有一浸水嘅台上跳，捹起啲水花真係好似飛向啲觀眾塊面，加上啲女角個個有有把靚到可以拍廣告嘅長髮，配合上啲舞步，真係好似連人帶 "髮" 成個人喺你同個銀幕中間啲空氣裡面跳緊舞咁。

另外每段舞蹈用啲音樂都好得，有部份係原創，由一位鵬佬超鐘意，專做電影配樂嘅音樂人三宅純負責，包括下面段片個配樂，有機會再同大家介紹下佢。

同文化："1Q84" 同戀迷思

2011-12-21T16:11:00.015+08:00

近兩年喺日本以至華文小說界最有話題性嘅作品肯定非 "川上春樹" 本 (或三本) "1Q84" 莫屬－其實日文學得比較深入嘅巴打都會同意，川上啲書係比其他日本戰後作家易讀 (古典啲更多難明)，用語同句子結構都比較 "西化"，而近十幾年佢又喺英語世界非常受到重視，啲書又賣得，有啲日本評論家直情質疑佢係未重視點比人翻譯過真係創作日語文學；另外佢啲小說一直都好多 "西洋" 普及文化 references，所以對啲唔太認識日本嘅外國讀者係睇翻譯版嗰陣都唔會好幸苦。

唔少本地巴打都係 "川上迷"，本台譯中文版又出得快，鵬佬估好多人都已經睇完本書，老實講，前年睇完三冊日文 "1Q84" 係有些少失望 (只因當時本書喺日本太 overhyped，加上個故事太神奇，不過最大 "唔滿意" 係都唔明 "1Q84" 同 George Orwell 本 "1984" 有咩關連，唔通啲 "リトル・ピープル - Little People" 就係 "Big Brothers" 嘅反面？)，不過早個月見到英文版開始有得賣，個封面又靚 (見圖)，都忍唔住買咗又讀多次，真係好感覺到本英文翻譯版係好過日文，尤其係啲有時 "懶" 深奧嘅對白，用英文寫出嚟反而無咁 "作狀"。

而成本書最多呢類 "作狀" 式亦虛亦實 dialogue 嘅人物應該都係 "マダム - 緒方静恵" 個基佬保標 "田丸健一" －作為同志，鵬佬對 Tamaru 當然特別有興趣，尤其係佢同時係一名好忠心嘅前精英自衛隊員，冷靜又好泠血，可以殺人唔䁪眼，但係同時又對佢信任嘅人十分憐愛，非常咁 "俠骨柔情"，雖然川上對佢嘅形容唔太多，自己都一邊幻想呢個田丸會係咩嘢樣，最後都覺得後生翻啲個 "北野武" 最接近 (最 fit 係喺 "Violent Cop / その男、凶暴につき" 個造型，下左圖)。

雖然 Tamaru 係川上咁多年嚟喺小說入面第一個男同志要角，不過佢始終都係個男性中心主議同迷戀女色嘅直人，寫女同志都仲得，今次呢個角色其實係唔係基都唔太重要，因為佢其他身世同背境 (生父母喺受盡歧視嘅韓籍僑民，自少喺孤兒院食唔飽同比人 bully 咁長大) 都已經夠交代到佢點解咁孤僻同冷傲，不過又由於作者無喺佢嘅同志生活、愛情上有任何落筆，所以由頭到尾都有啲 "條條 fling" 咁，好釣癮。

另外個男主角 "天吾" 亦好少有咁 homoerotic －咁當然只係個人觀感，不過川上就寫到 Tengo 係個高高大大、身型健壯嘅柔道高手，雖然唔算係一般人認為嘅靚仔，但係自細就從來都有好多 "識貨" 嘅女人向佢投懷送抱，加上喺性愛方面對佢喺故事入面個 partner 又千依百順 (當然只因為佢唔 "愛" 呢個女人，同佢好只因為對方有老公，見面開被只係互相滿足性需要)；鵬佬又自己幻想代入，啊 Tengo 應該會似日本奧運柔道冠軍運動員 "井上康生" 咁正 (上右圖)，咁先可以配得起個女主角 "青豆"。

有時一路睇小說一面自己做 casting，用啲真實人物代入小說角色都幾好玩；無論點，如果未睇，真係建議大家揾本英譯版 "1Q84"。

壯男圖：泰國 "賣肉" 健身男

2011-12-21T14:44:00.005+08:00

哈，最近有人 send 咗條 Youtube 片比鵬佬，係泰國健身比賽國家隊啲宣傳片，個 friend 仲問咗句有幾多個喺曼谷間出名 "肉餅外賣" 吧 Tawan 見過，或者更加有無出過鍾 (笑)；鵬佬都話好耐無喺 Tawan 叫過仔，去睇下 show 都仲可以，不過喺呢條片又確實認到人，喺有哂號碼可以出街啲，咁諗落泰國個健身協會都幾開放。

早排有批 Tawan 大隻佬幫人影咗批相 (上圖，其他會喺 Twitter 發)，有人舊年發過比鵬佬，原本好似話係私人收藏，不過依家上網一 search 就揾到，通哂天，加上都無特別露肉，所以依家同大家 share 下都無謂啦。咁去開同近期去過 Tawan 啲巴打又認得出幾多個？下面留個 comment 分享下。

壯男圖︰新加坡健美冠軍陳偉德

2011-12-20T16:51:00.005+08:00

最近呢位坡佬健美冠軍陳偉德做咗大陸有本健身雜誌封面，即時做咗國內同志圈中萬人迷，批相喺各大少討論區同博客正在熱傳中；咁又唔怪得，因為除咗超正嘅身型同 man 都震個 chok 樣，下面底褲包住袋嘢都好似非常可觀。另外啊陳生都係一位專業攝影師，自己有間公司幫啲品牌做 commercial projects 同出過書，都得過下啲國際攝影獎，可以話多才多藝。

有時諗，呢個世界係未真係波大就無腦 (笑)。其他啲相鵬佬會用 Twitter 發放，引下大家同我一齊玩下 "小鳥叫"。

遊記：初秋歐遊 (3) ~ 玩玩倫敦鴨 (2) 之 "黑白黃 3P"

2011-12-20T15:21:00.001+08:00

之前提過一啲新 "玩點" 同叫咗一隻以色列鴨，最後要提下喺 London 最後一單淫蕩嘢 (笑)；其實一去到都先揾咗個 "老雙好" 啊 Sam ，佢雖然已過 50，不過身型狀態依然係極品，加上條真係足 10" 嘅大粗屌，每次都比佢插到入心入肺，加上人又體貼，鵬佬除咗每次去都會幫襯下之外，我地間唔中都有 emails 往來。今次都唔例外，原本講好個價 (人家始終要揾銀) 陪食飯加開波，去到 call 佢佢問有無興趣嚟個 "雙飛"，因為佢有個巴西同行咁啱到境，會留一段時間喺倫敦賣，之後會再去歐洲揾食。

其實同啊 Sam 一個都夠玩 (佢個廣告喺 Gaydar)，因為次次都比佢質到虛脫，不過佢明益比個優惠價 (150 磅)，點好意思 "say no" －呢個啊 Raul (見圖) 喺 GayRomeo 有個 profile 叫 "Brazilianfor_men"，同好多南美鴨一樣成日去歐洲揾食，啊 Sam 話係喺 Rio 識佢，同我講佢喺老家只做舞男唔賣身，不過每年總有三、四個出境做 escorts；真人就同相一樣咁男人，左胸有大片紋身，啲肌肉真係又脹又實，不過年紀應該唔止 30，不過咁仲好，鵬佬一向鍾意啲成熟型。

一入到房啊 Sam 就先嚟個大熊抱，再推我落床就開始又摟又惜，啊 Raul 就喺旁邊自摸，硬咗都好巨，有 7" 以上，不過比起 Sam 哥仲差咗一節；之後我地用口玩咗成十幾分鐘，有幾下比佢地兩個口對口咁吹都差啲忍唔到射咗出嚟，不過最 happy 都係有兩條黑白大香腸喺我面前，含完左再含下右 (笑)。

到戲肉我先坐上啊 Raul 條大 J，一邊自己上下搖再睇住佢地好有 feel 咁嘴惜嘴，之後再轉身比啊 Sam 入，雖然都 "鬆" 咁啲不過都要佢慢慢插先入得哂，加上佢成 200 幾磅實肉壓落嚟，雖然鵬佬都有啲磅數，不過嗰種比男人全完包圍同 "征服" 嘅快感真係好難形容；啊 Raul 見到我忘哂型咁，都只喺旁邊摸下惜下，好似好 enjoy 個表演咁一面自己打飛機。

我地前後玩咗成粒幾鐘，啊 Raul 因為仲有 job 就走先，我就再同啊 Sam 開多鑊，之後仲出去間 B&B 附近啲酒吧飲杯啤酒先走；佢話依家多數只做熟客，加上佢自己年紀較大，新入行啲 part timers 又多，加上歐洲經濟真係好差，而倫敦始終都比較多客源，原本喺好似法國、西班牙同意大利揾開食啲地頭蟲都會去下英國。

今次 10 月頭去咗幾日倫敦都算好玩，跟住第二日就飛咗去布拉格會班老友開始東歐行！

一般時事：年尾死得人多 ~ 東歐民主之父 + 非洲赤腳天后

2011-12-19T15:25:00.006+08:00

呢四、五個月寫咗同登咗好幾篇有關同志文化同政治嘅文章，啲點擊率都好鬼低，睇怕大家都係對啲 "色慾" 題材有興趣啲 (笑)，無法，都係自己當年開到個咁 "豪" 嘅主題叫 "玩盡天下男兒" 同以鴨評做紹來；不過玩時玩，有時都要 "正經" 下，鵬佬諗依家平均每月有 10 萬個 page views，只要有些少上嚟嘅巴打讀咗啲 "宗教霸權" 等題目嘅文章，因為咁而產生興趣，小弟都算有少少 "功德"，唔洗成日比人話只識教人去嫖。

上兩日寫咗 "同權之友" Christopher Hitchens 離世，今日又睇到捷克民主之父 "哈維爾" (Václav Havel) 過身嘅新聞，好感傷，因為鵬佬咁大個人唯一一次同一個國家領袖有親身一面之緣，就係喺一個活動見佢幾分鐘；咁當然唔係咩嘢咁特別 "高層" 嘅活動，只係 93 年夏天小弟去咗布拉格幫一間顧問公司做 intern 同報讀咗當地一間大學嘅 Summer Course，當時個國會會請我地班研究生同其他外企嘅人去參觀；嗰三個幾月係東歐 "遊學" 小住可以話係鵬佬後生陣最開心嘅一段時間，詳細到寫 10 月東歐之行再同大家 share。

另外非洲天后 Cesária Évora 又係前日過身－呢位有 "赤腳" diva 之稱嘅歌手係嚟自東非島國 Cape Verde，又係孤兒一名，好細個就喺啲酒吧賣唱為生，直到近 40 先比啲歐洲唱片公司發現幫佢出碟，之後好多隻碟都成為鐘意 "世界音樂" 同 Jazz 嘅樂迷家中必定收藏品；鵬佬最愛係 99 年出隻 "Café Atlantico" (見圖，下面有其中一首歌 "Desilusão dum amdjer")，雖然唔係完全一樣，Évora 啲風格 "Morna" 同葡萄牙啲民族音樂 "法朵" ("Fado") 有好多相似，亦因為開始聽佢鵬佬先識開始揾呢兩類音樂嚟聽。

最後係金正日，不過呢個狂魔就提都無謂。

客籍鴨評︰上海大隻東北仔

2011-12-19T13:45:00.004+08:00

好高興收到國內一位老友 "黑子兄" 比料，佢話自從大陸全面封殺 Blogspot 之後要 "越牆" 先睇到 "自由自主" 好麻煩，呢點鵬佬真係愛莫能助，不過自從早兩年個 blog 比人登咗上一個國內人流超多嘅討論區，跟住被 "圍觀" 咗一次搞到要封 blog，小弟覺得大陸睇唔到都係好事，對於一向仲有追開啲國內朋友，只可以講句 sorry，希望諒解。

黑子兄係想推介呢個早排喺 "上海精英會所" 掛單喺東北仔，不過鵬佬上去都揾唔翻，只係 check 到佢依家喺北京，不過啲仔嘅流動性咁高，一啲都唔出其；黑兄話呢個大隻仔真人同照片差不多吧，網上啲數字資料基本都無做假，只差啲係真人比相稍微瘦咗啲，肌肉綫條無咁明顯，但係整體算唔錯，畢竟始終係體育學院出身。

另外佢條 JJ 就真係大，大概有 18 cm 長，有女仔啲手腕咁粗，好易硬，服務都夠爽快同客气，典型北方人性格，做嗰陣都好賣力，不過佢話自己好少會射出嚟，所以有啲失望；鐘意大牌啲朋友可以試下，另外佢喺 "肌肉王牌" 個網站都有掛單，不過就唔建議大家用佢地揾仔，因為一般都叫得比其他鴨站貴，經好似 "精英" 4、5 百人民幣加車費有交易，"王牌" 就叫到 8 百到一千。

多謝哂，最後啊黑子兄話有邊位睇完試過好記住同呢個囝囝講係 "黑子" 介紹喎 (笑)。

同文化：人間又少了一個良知 ~ Christopher Hitchens 離世

2011-12-16T17:33:00.006+08:00

一寫完篇關於 Jean Genet 嘅文章，就睇到呢個壞消息，知名作家同 "公共知識份子" Christopher Hitchens 今日因癌病過身；Hitchens 一直都大力反對宗教霸權，早幾年前佢出本 "God Is Not Great" 肯定係近年歐美興起嘅 "無神論" ("Atheism") 運動嘅天書之一，而且佢十分支持同權，可以話係同志運動嘅忠實戰友，最出名嘅公眾辯論之一係佢早幾年喺英國同出名係 gay 嘅知名 BBC 節目主持人同演員 Stephen Fry，為同志權益激辯天主教代表，而且經由現場觀衆投票大獲全勝 (可以喺 Youtube 睇得到)。

有跟開佢同另外幾位科學家 / 作家好似 Richard Dawkins 同 Sam Harris 咁，對 Hitchens 嘅作品同作風都唔會陌生，而論口才同 courage，佢可以算係呢班知識份子之首，依家先走，而且都係得 60 歲多啲，真係好可惜。對佢唔太認識，可以睇下梁文道呢篇介紹。

同文化：同志性啟蒙先峯 Jean Genet "101" 冥誕

2011-12-16T13:56:00.008+08:00

呢幾日多翻啲時間，都知之前開落有啲 topics，好似十月東歐遊同日本 AV 文化都未有寫完，不過都要完成呢篇，因為呢位法國作家同社運人仕 Jean Genet (見圖) 對鵬佬嘅少年生路歷程有好大影響，而 12 月 19 日又係佢一百零一歲冥誕，好想寫篇長文介紹同記念下。

Genet 一生傳奇，啊媽係個妓女，出世無耐就比人收養，雖然養父母對佢都唔差，讀書成績又好，不過自細就反叛，15 歲嗰年就因為愉錢加上幾次犯事記錄就被送咗入少年犯罪院，直到成年要參軍先放出嚟，不過當咗一陣兵就因為同人有同性性行為被 discharge，之後喺歐洲各地游手好閑咗幾年，靠行蠱惑、做小偷同 "鴨仔" 為生，不過佢同時開始寫作，以詩同小說為主，等到二次世界大戰結束後佢自己主動聯絡當年法國 (又或者係全歐) 就有影響力嘅同志藝術家 Jean Cocteau (下次有機會寫下佢)。

讀過佢啲作品之後 Cocteau 非常恩賞，幫 Genet 出書又介紹佢比當時一班巴黎文化精英，包括哲學家沙特 ("Jean-Paul Sartre"，依家唔知係未要跟大陸叫 "薩特") 同晝家畢加索 ("Pablo Picasso")，不過佢當年始終 "賊性" 難改，仍然鐘意同班蠱惑仔鬼混，最後因為有多次犯罪記錄比人判終身監禁，最後要成班喺法國嘅文化精英同佢向政府求情先放返出嚟。之後 Genet 減少寫作，不過仍然有創作舞台戲，而佢早年嘅作品亦慢慢傳向英語世界，直致 1960 之後嘅 "火紅" 年代佢又再度活躍，而且非常激進同反建制，一直到佢喺 1986 年過身為止。

鵬佬之所以認識 Genet，就因為當時年少，十四、五歲嗰陣碰正佢去世，喺好多主流媒體都有報導，而佢當年出過嘅小說由於太大胆，有大量好 "露骨" 嘅同性性愛描寫，啲英文版都喺嗰幾年先解禁，而由於當時又比人賣猪仔送咗去多倫多之後反而無王管，有機開始接觸到同志文化，第一部睇到嘅 gay 片就係德國同志導演法斯賓達 ("Rainer Fassbinder") 喺 80 年代初，以 Genet 最出名嘅一本小說改篇嘅電影 "Querelle" (中文好似譯做 "霧港水手" －部片個男主角係當年幾出名個美國演員 Brad Davis (下圖)，一路有傳佢係 gay，後來更係死於愛滋病)；呢套片可以話係同志片嘅 classic，年紀大啲同鐘意睇電影班巴打一定睇過。

當年無話可以上網，一個香港仔喺多倫多啲 suburb，日頭返學，下午同週未要去寄住個伯娘間餐館做企堂，夜晚又要做功課無街去，唯一好彩有間圖書館，喺上大學之前鵬佬嘅 (同) 性啟蒙差唔多係全部靠 Genet 嗰幾本小說；另外小弟到依家都有一個讀書嘅習慣，同對語言嘅觸覺，都係嗰陣養成，而好多對歐美文化、文學同哲學嘅根基都係當時追住同 Genet 有關嘅人物打成，好似上面提過個 Cocteau 同沙特，加上後期啲嘅福柯 ("Michel Foucault") 同德里達 ("Jacques Derrida") 咁一班戰後思想家，所以如果唔係 Genet，鵬佬嘅文化生活肯定無咁豐盛。

依家後生班上網咩都揾到，要相要 AV 幾 "鹹" 都隨時 download 到，好難想像我地呢一代係靠睇文字嚟打飛機 (笑)；Genet 最出名嘅小說除咗上面提過本 "Querelle of Brest"，仲有本叫 "Our Lady of the Flowers" (有台版中文翻譯，叫 "繁花聖母")，都可以話係同志文學中嘅 "金瓶梅"，另外本半自傳 "The Theft Journal" ("竊賊日記") 都好應該讀 (講開真係要多得台灣時報出版，無咗佢地同 "遠境"，邊有咁多現代外語文學作品有中譯版)，不過講到 "出位" 同多性場面，仲有呢本 "Funeral Rites，入面有幾場係 Genet 幻想希特拉係同志，而且同書入面一個主角個細路 (叫 Paulo) 係一對情人。

另外提下 Genet 都做過導演，拍過一套黑白短片叫 "Un chant d'amour" ("愛之歌")，可能係第一套見到男性全裸仲有起哂機 JJ 嘅電影；喺 Youtube 有人上載哂，有無 cut 到嗰 part 就唔知，有興趣可以跟住呢條 link 睇下。

音樂：鵬佬嘅 "開心音樂" (4) ~ Adele 年 + "國寶" Manic Street Preachers

2011-12-15T15:45:00.018+08:00

前兩日行過書店見到幾本外國音樂 magazines 年尾嗰期都係 Adele 做封面，如果舊年係 Lady Gaga 年，今年呢個肥妹肯定係風頭躉，就連 Billboard 都話 2011 係 "The Year of Adele" (見圖)；不過鵬佬到依家都對佢隻 "21" 興趣唔大，買咗隻黑膠都好少聽，不過上網睇個上英國版蔡康永 "Graham Norton" 個 talk show 啲訪問，返而對佢感覺幾好，雖然今年特然紅透半邊天，都無乜霸氣，後生女都只係大笑 "姑娘" 一名，非常可愛。

咁到年尾當然又係各大 artists 狂出精選揾粉絲錢嘅 shopping season，今年鵬佬都買咗幾隻，都係啲比較老餅，想介紹下其中我個心頭好，尤其係未乜點聽過啲巴打－呢隊英國威爾斯樂隊 Manic Street Preachers 組成都有成廾年，好記得第一次接觸到佢地啲音樂係喺東京，早期啲風格走 "後崩" (post punk)，其中一個成員 Richey Edwards 又鐘意 "雙性" 打份 (下左圖，前面黑頭髮嗰個)，加上幾靚仔，似足啲少女漫畫入面啲男主角，所以當年未算大紅喺日本都有啲名氣；佢地 92 咁上下去過東京表演，千幾人啲細場着咗八成係女 fans，當 Richey 一出場班女就狂叫佢個名 "リッチー"，真係記憶猶新。

Richey 一直都有啲比人 "喪喪地" 嘅感覺，原來佢又係由細都有 depression，最後喺 95 年就特然人間蒸發，架車比人發現停咗喺一條出名多人跳嘅大橋附近，到依家到底係生定自殺死咗都未有定案，不過其餘三個成員就一路繼續出碟，而且喺 90 年代中後期越嚟越紅，都依家喺英國都算係 "殿堂" 級大 band；依家都仲有啲 "死硬派" 好迷戀 Richey，不過鵬佬就鐘意個主音 James Dean Bradfield (上右圖)，佢後生陣大隻又 man，到依家雖然有啲走樣，不過我仍然好記得佢當年裸住上身喺台上個雄姿。

呢幾年佢地啲聲勢係弱咗啲，不過啲歌一樣咁正，好似呢隻 "It's not war"，個 MV 仲有同鄉演員 Michael Sheen (演 Frost/Nixon 大獲好評嗰個) 做主角，一流！未識依家去買呢隻雙 CD 精選 "National Treasures" 都未遲。

Housekeeping："大隻鵬" Twitter 正式開通！

2011-12-15T15:14:00.004+08:00

一直都想學下人玩 Twitter，不過無咩機會，不如就先用大隻鵬個 "朵" 試下，有興趣一齊加各位可以喺 Twitter 揾 "TaijackPang"。

客籍鴨評︰鬍子壯態 + 師夫級山東熊

2011-12-15T14:14:00.005+08:00

老友陳兄都好耐無聯絡，早個月再喺網上 chat 先知原來佢身體有事，要做咗一生第一次 "通波仔"；老陳唔大得鵬佬好多，好彩依家康復得好快，不過對我地班過咗 40 有時真係要小心 check 住，唔好以為仲係後生陣咁打不死。停咗一排，陳兄話對個 "鴨市" 依然覺得悶，不過心癮起早兩個星期都有北上開下飯，都有啲驚喜，要推介下。

呢個 "憨厚中年" 之前喺上海，嚟咗深圳有一、兩個月，真人同相一樣壯同熊 "優"，完全係陳兄嗰 type，只係唔算高，得 5' 7"，多毛之外 (不過下面啲毛有修剪，有分加) 上身都好結實，個樣就真係幾有 G-Men 相，條 J 就有 5" 多啲，唔太粗；服務就好主動，肯吹肯 kiss，而且一邊做一邊又 (淫) 笑住口，好似都好享受咁，交足戲，做 top 都唔差，雖然一路都 keep 住硬，不過精力就唔太夠；整體感覺幾好玩，如果鐘意呢類可以放心試，公價 500 人民幣加車費。

另外陳兄經介紹又試咗呢個 "山東魁梧" (下圖)，年紀就大咗啲，不過都算壯實，條 J 就都係 5" 咁上下，主要買點係真係師夫級中醫按摩師，上到房先同個客做咗個全按，夠力同手勢都好專業，之後又可以玩全套，基本上 01 都可以，而且係大色鬼一名，玩得都好放，價錢同上就真係幾抵玩；陳兄又提如果真係想揾佢按，先同個鴨頭講聲叫佢帶定按摩同藥油，比佢又按又插陳兄話之後爽哂喎 (笑)。

釘橋哂老陳，有興趣大家可以參考下，另外祝佢早日 100% 康復。

同文化："午夜藍" 期刊

2011-12-14T18:09:00.009+08:00

大家都可能知道本地有個叫 "午夜藍" 嘅組織，係專幫係本地揾食嘅男性性工作者，所以鵬佬估計大部份受惠者都係南下啲鴨鴨。其實早排都有同個會接觸過，想知多啲佢地個情況，尤其係喺安全性教育方面，因為呢項工作其係好有價值，應該支持下；後來知道佢地有出開期刊派比啲 "哥哥仔"，好其揾咗一排最後卒之有個網友好好人 scan 咗之後再發電郵比小弟，真係要再多謝佢。

其實男男之間嘅性交易無咁多包袱，一買一賣比較 "平等"，無話好似女性咁會 (或者少之又少) 有 "迫良為娼"，無選擇、唔自願咁比人 "賣" 落 "火坑" 又無能力離開，比客欺凌同虐待嘅情況當然亦唔會比 "男女" 間嘅交易多，不過當然會有比人放飛機、老屈、食霸王餐，更可能會比人愉嘢同有暴力事件咁，而本刊物就有成 10 頁係呢啲個案 (見圖)，先知原來真係有客會衰到喺飲品落藥啲咁誇張嘅情況，有個組織幫下喺好事，最少可以交換下 "情報" 。

不過睇完之後，鵬佬有啲意見都忍咗一段時間，想講又唔想講之間，最後都決定要提下午夜藍嘅朋友，因為就算本書仔係只 (可能) 派比 "會員"，始終都係一份向公眾 ("public") 提供嘅出刊物，有啲嘢要小心－首先，係有無必要連嗰啲 "濺客" 嘅手機號都登呢？小弟會覺得登咗都未必有用，如果係要存心搞啲仔，可以出去買張 sim card，用完就算，我個 blog 都會叫人開張新嘅用嚟聯絡，因為已前唔識都試過有仔將我個大陸號碼週圍傳；咁就算要登，都可以用個 "X" 代其中一個數字，因為呢啲始終都係個人私隱，比個事主見到可能會引起啲不必要嘅麻煩。

另外眼見有好大量都只係啲無聊滋擾電話，雖然鵬佬都知會影響啲仔接客，不過醒目嘅我諗接過一、兩次都識自己避，咁都登哂個號碼似乎有啲嚴重咗啲丫；其實要賣廣告公開一個電話，就預咗有班無聊友會滋擾，与其登成十幾廾個電話，不如教下點處理會唔會更幫到佢地係未？小弟一邊睇一邊諗，玩電話嘅人本身可能有都係有 "問題"，又或者只係一時發傻，我喺到想像會唔會有一、兩個係結咗婚嘅 "衣櫃男"，只係有幾晚無聊又無得發洩就做錯事，傻傻地打咗幾十個電話去煩人，咁就比人登咗個可以 identify 到佢嘅號碼，仲要 on 哂 record，咁樣會唔會係 "懲罰" 同 "過錯" 唔成比例呢？

鵬佬唔想太多事，只係我都係管理緊呢個 "平台"，明白當中好多嘢要攞個 balance，開 blog 之後都已經知道每一個 "鴨評" 都會對人有影響，係好嘅分享下當然無傷大雅，另外除非真係本人或由可靠嘅 sources 提供，如果寫得太衰，或投訴有仔手腳唔乾淨等 "大件事"，小弟都會先了解清楚先決定登唔登，好似有次有人喺 comment 留言話有個鴨仔做做下 top 半途自己除咗個套，小弟都先 delete，叫個網客再發 email 比多啲資料再算，所以咁多年嚟都唔知 ban 咗幾多呢啲我自己無法作實嘅 "報料"。

其實 "防人之心不可無"，性交易始終都係 "偏門"，雙方都咩人都有，所以鵬佬都間唔中登啲 "安全守則"，只要自己醒目，好多不必要嘅麻煩都可以避免，不過咁樣一個個 "衰客" cases 連電話咁個人資料都登哂出嚟，會唔會都只係為咗出啖氣呢？不過 "出" 還 "出"，都可以小心啲應付，無謂比人揾到借口攻擊。

呢啲都係個人意見，有咩得罪請見諒。

同文化：論 "九龍公園淫樂園"

2011-12-13T17:25:00.008+08:00

最近大家都可能睇過 "數字" 週刊一篇叫 "九龍公園淫樂園" 嘅文章，仲有張相 (見圖) 影到個啊伯同個似係印巴籍嘅鬍鬚佬打飛機，都幾樣衰；九公出名多同志 cruise 就係人都知，不過原來直人一樣咁玩就真係 "長見識"。對於喺公園同公廁揾人呢家嘢實在好敏感，只可以話 "各有所好"，喺圈子入面都係只有人做，但係好少有人提，會認去魚塘嘅人就更少；鵬佬自己咁大個人都只係試過兩、三次，係喺日本同有次喺蘇梅島打野戰，就我見到同聽人講翻香港個情況，東京出名嗰幾個魚塘嘅大胆程度肯定誇張好多。

不過睇完篇文返而諗起一個西人老友，佢都返咗歐洲成十年，於是喺 FB 留個言問佢可唔可以寫下佢啲往事－呢位 C 君真係好特別，原先都係經介紹食過一、兩次飯識得，因為大家有個共同興趣 (唔好諗歪，只係潛水)，後來做咗朋友；C 君自認唔鐘意香港個 gay scene，對唐人又無性趣，因為已前喺中東打過工，養成佢只好食啲皮膚黑，好似中南亞同黑人；基本上呢啲喺個 scene 已經好難揾，當年又無話咁易上網同用 apps 識人，誤打誤撞就開始去魚塘，特別係雪廠街同九公，因為嗰兩到南亞人較多。

好記得 C 君話佢會專揀 weekday 工作天大清早五、六點去雪廠街，真係唔講都估唔到佢個 "橋妙"，原來係中環各商場商厦好多做保安都係南亞裔，尤其係多退咗出嚟嘅啹喀兵 (Gurkha)，嗰段時間就開始交間，"有需要" 班都會開始喺嗰頭釣魚；佢話當年有唔少識途老馬，多數都係 expats 專揾呢班玩，最旺可以喺一、兩個鐘，開始有人流返工之前有三、四十人出入。由於文化背境，呢班南亞人好多都有家室，加上收入唔多，好少會喺酒吧同桑拿出現，所以大部份會去魚塘揾 "快餐"。

啊 C 君最初都只喺入面有時幫人打下飛機，知道可以揾到佢鐘意啲 types 之後就直情揸架車去，拍喺附近，如果遇到個正又係落咗班，就直情車佢返屋企，玩完先返工；久而久之，佢就識落一班 fuck buddies，而且越玩越大胆，仲垮區去咗九公，因為佢聽人講話嗰邊除咗有南亞裔，仲有開始喺重慶大厦大批出現嘅非洲水客同難民。不過嗰班黑人就無中環啲咁 "純品"，見到佢係鬼佬，有啲主動話自己唔係基，不過只要肯比錢就可以比 C 君含或插佢 (當然上附近啲時鍾或返佢屋企)。

因為都識落咗班，有時佢地仲會介紹啲 "等錢洗" 嘅同鄉，最 "高峯" 時 C 君會喺尖咀啲酒店開定房，一晚可以玩七、八個，一個接一個；錢當然洗唔少，不過當年 C 君花得起，不過佢都同我講話怕自己變咗個 sex addict，加上同呢班 "重慶居民" 玩得太密都有危險，卒之有次有個上到房都己經醉咗一半，玩玩下正情動粗打佢，差唔多要報警，搞到咁佢先識得停。

呢啲都係十年前嘅事，依加係點，或者當年係未 C 君咁講鵬佬都無從考究，不過喺呢個 Grindr 嘅年代，基本上全世界都係個大魚塘，仲有無需要去啲公眾地方冒險，就大家自己 "酌情"。

安全貼士：再談大陸 / 香港叫鴨

2011-12-13T14:32:00.003+08:00

個 blog 都開咗一段時間，可能都有啲新朋友都係最近先發現同睇 "自由自主"，其實莫講話叫鴨呢樣嘢道唔道德 (鵬佬都見過有啲網上討論話小弟教人去嫖唔負責)，有時自已諗下會唔會真係寫得太 "刺激"，比讀者有個感覺係去比錢玩好 "過癮"；最近就收到個 email，應該係新讀者，佢話 "見到你個 blog 寫到有啲鴨仔鴨佬又正，服務又好，都好想試下"，但係 "又未試過叫，好驚會遇人不淑"，叫鵬佬比啲意見咁話。

所以睇怕都係時間再提下點解小弟開呢個 blog，同對去 "嫖鴨" 嘅睇法；以下係綜合抄翻好早期寫過啲叫鴨守則，同一啲個人認為做 "客" 應有嘅態度同要注意嘅行為：

鵬佬一直想揾個機會同大家講下我對叫鴨喺一啲睇法－其實最初只係想通過個 blog 同啲有叫開嘅朋友交流情報，互相推介下啲正鴨，或公開一啲揾老襯同古惑嘢，但係睇返已前啲文章同有時收到啲 emails，就覺得可能會比一啲無乜經驗嘅朋友一個錯嘅印像係叫鴨好好玩、好刺激，好似鼓勵緊大家去叫咁。其實除咗啲安全性行為同人生安全守則以外，大家有無諗過自己係未適合做 "玩家" 呢？

點解咁問，唔係話出嚟玩一定要乜特別技能，不過要真正享受同玩得開心放心，首先大家要多啲去明白一下啲大陸鴨仔同鴨頭嘅心態，點解好似特別多麻煩嘢，最主要係個社會未開放，無乜法治可言，加上資訊唔流通，整體貧富不均，好多人有啲所謂 "心理不平衡"，結果係社會入面有唔少人成日諗住走"精面"，想不勞而獲，而且攞到着數又唔會有罪惡感，所以對於啲社會經驗唔多夠嘅巴打，喺去玩之前有無諗過萬一真係遇人不淑，自己有無能力應付。

依家好似喺 GayHK 睇下啲廣告仲好多假相，佢地放廣告無乜成本，最怕無人 call，所以話，係咁嘅環境下喺本地叫南下鴨係有一定風險，要減低風險就要睇下大家本身嘅基本識別能力；不過有啲 "基本功" 就可以再提下大家：

(一) 揀仔要醒目，切記啲相越正越多做手腳就要小心，經驗多咗再試吓其他都未遲。

(二) 有疑問就先叫條仔係公衆地方等 (地鐵站等)，佢唔知你乜樣，見到對板先雙認。

(三) 用手機聯絡唔好用或比出街自己常用個號碼，可以買定幾張 sim cards，用完即棄。

(四) 如果用酒店房或叫上門，先將所有可以認到你身份嘅任何例如証件、卡片等收好，再想穩陣啲就手機、銀包都收起。

(五) 上啲鴨仔套房身上唔好帶多錢，講好收幾多肉金，頂多再留多二、三百喺身預比貼士就得，同時要小心其他財物。

(六) 千萬唔好比佢玩 "自拍"，要拍都係由你自己控制，唔比隻鴨仔一份，就算係一般相，只要見到你個樣都唔比得佢影你。

(七) 切記自己帶套同潤滑油 (lube)，自己要識點套 (唔係講笑，有啲人用咗十幾年都未必真係識)，要佢做 1 都最好由你幫佢笠。

(八) 自己要有個 "勢"，唔好見到靚仔就軟哂，成個老襯咁樣，一開始要比佢知你係老細，比佢 "食" 翻住就麻煩。

(九) 唔洗同任何鴨仔玩到 "交心"，亦無需要留戀，只要你一日有經濟條件做 "客"，成個森林都係樹，唔洗為咗一棵而勞心。

(十) 切記錢喺你袋，買唔買比幾多由你决定。

其實點解仲有咁多假相同間唔中有人話被老屈同偷錢等，都係啲客比咗機會佢地，而南下班有唔少人都好 "敬業" (好似上圖個 "東北大牌"，呢排喺香港，有另一個巴比問開，已前有客籍評過話好得)，鵬佬比較鐘意推介啲好嘢，而雖然人家都只係為咗揾錢，都要對人有應有嘅禮貌，唔好以為比幾百做客就大哂，只要雙方 "你儂我儂"，有好多麻煩可以唔洗發生。

Banana 專欄：新加坡同志 "重慶 sauna 森林"

2011-12-09T17:20:00.000+08:00

已前都有提過好多國產同胞鴨去新加坡揾食，具體情況鵬佬唔多清楚，反正去親係揾仔都只揾印尼或馬拉仔；最近同一位係馬來西亞華人嘅老友喺網上 chat 開，係早排介紹過一個叫 "The Banana Gallery" 嘅 blog 主，佢間唔中會去下新加坡，話都見唔少大陸鴨喺嗰邊又上網又用好似 Grindr 同 Scruff 咁啲 apps 放廣告，而且好多時會成班喺牛車水間 "麥記" 聚集，好易認出。

住方面原來好多去咗呢間叫 The Queen Resident，入面係點啊 Banana 兄最近喺佢個 blog 有介紹，經佢同意同加上小弟些少 editing，以下係全文：

"今次落新加坡之前就聽過位超级出名嘅熊哥哥介绍我呢間 "酒店"，係專門接男同志，佢話入面好多靚人帥哥，房又平，佢一晚就搞咗幾輪，連其他桑拿 area 都唔洗去。當時我聽完不知幾興奮，即便網上連連惡評，都好想去睇下係咩回事。呢間 Queen Resident 其實好就腳，MRT 一出嚟就係，而且行路都可以到同志酒吧同桑拿。當我一入到走，就有一個非常英俊而且好身材，似係華人印度人混血做前台。間酒店最基本房價錢由 35 坡幣起，最貴成 170，如果你喺網站先註冊，而且 upload 自己相片就可以攞到 5 蚊折扣；由於我有 discount 就比咗 40 坡幣要咗個 "Super Single Room"。

從入口上去個過程中就覺得呢到整個環境就似係貧民區，到處都有啲破爛，然後好多人嘅衫褲到處掛；去到三樓我個房，一打開門嘅感覺係... "好細哦"，同桑拿一般比人搞嘢啲房仔差唔多，床同被褥啲素質好普通，有個小櫥櫃比你放嘢，裡面就放咗兩條好似有血跡，但 (好彩) 其係只係圖案嘅 cheapy 毛巾；都算，房間夠哂失望，去外面個共用廁所睇下，果然同網上所講一樣，非常邋遢，我都唔敢用，再去同一層周圍睇下其他情況－呢到啲房間係分區，沖涼房都係公家用，仲喺正走廊旁邊，其他好多房間門都開住，一睇就知大部份係大陸嚟班按摩男。之後我上四同五樓，呢兩層比較乾淨，五樓就全部高級房間，有自己獨立廁所。

之後返去間房，一開門就有個肌肉黑人走過嚟，瞄咗我一眼，然後再去隔壁啲房望，明顯喺到 cruising 揾人玩，過咗一陣佢就只係著住內褲走過嚟問我有無安全套，之後又問我係唔係 money boys，我都好有禮貌答話 "no la" (雖然只係誤會，但係我都有啲暗地裡開心)，佢又再問我要唔要玩三人行，我就同佢講不如先問下同佢一齊，已經搭上咗個印度仔想唔想 "share" 先，因為佢似乎好想獨食喎，之後佢地就返房搞。然後成晚，除咗呢個黑人最 "美味" 之外，其他走過 "考察" 啲唔係印度人就係老人家，就算見到有幾個肌肉男都係按摩男，我就唔想花錢係佢地身上 (鵬佬註：去到新加坡啲祖國貨一般叫到 150 坡幣，成 900 港紙，比啲印尼鴨貴，可以睇翻呢個問呢個 reviews)。

跟住成晚都無覺好瞓，因為裡面啲隔音非常差，你會不斷聽到啲人嘅做愛同開門關門聲音，然後啲大陸 MB 又鍾意開住門大呼小叫，咩嘢 "我今天好累啊，做了 4 個你知道沒有" .. 而且仲包送馬拉搖滾音樂，真係煩到命都無。至於第一層個桑拿部分，不提也罷，只可以話十分噁心，我繞咗個圈都馬上返房。"

Banana 兄篇文好精彩，全文喺呢到；鵬佬再做下 research，知道呢間專做印巴同黑人生意，有啲似基版小型重慶大厦，我估當地啲華人都唔會點去，不過可能吸引到班好 "冒險" 同對南亞、非洲人有性趣啲巴打，雖然個衛生情況唔太理想，下次去開鵬佬都會去望望，又話唔定會碰翻已前北上叫過啲鴨佬都唔定 (笑)。

電影：人生不寂寞 ~ "開心鬼上身"

2011-12-08T14:19:00.010+08:00

最近有朋友借咗隻 DVD 比鵬佬，係套韓片，叫 "開心鬼上身"，話係近排佢最有感動嘅電影，仲叫我一定要由頭睇到尾；讀下個盒上面啲介紹，只係識個男主角 "車太鉉"，個故事講一個有抑鬱症嘅宅男，經常自殺但係每次都好似硬係有啲嘢 "阻住" 死唔去，卒之有次跳海搞到真係心臟停止咗幾分鍾，救翻之後就開始見鬼，一共係四隻，而為咗要打發佢地走，個男主角唯有應承幫每個實現一個死前遺願。

讀完只覺得個故事好 weak，又有啲似係抄早兩年英國喜劇演員 Ricky Gervais 套 "Ghost Town"，唔明點解個 friend 咁推介，不過早幾晚無聊開嚟睇下－前部份啲鬼上身笑料都幾 OK，又帶少少温情，但係都有少少悶，所以都跳住嚟睇，但係到差唔多結尾，劇情嚟個好大震撼嘅反轉，先知之前所有細節都有玄機，而班鬼喺佢身邊出現都係有原有果，睇完一次之後要每返上前面補翻；咁到低係咩 "反轉"，只可以話個劇本真係絕頂聰明，開頭大半部嘅 "平淡" 實在係故意；唔想比大家一個 spoiler，不過要睇記住準備紙巾。

想睇就自已揾下張 DVD，不過去呢到都得 (笑)；另外想提下一個發現，演其中一隻鬼有個壯熊性格演員 "高昌錫"，喺呢部片個造型就比較 "騎呢"，不過真人都幾有型 (下圖)，做古裝都唔差；口味係重咗啲，不過有好多追熊友肯得好 likie 佢。

同文化：歐洲邊到多 "大鳥"

2011-12-08T11:41:00.002+08:00

近排又有個 "賓州" 鬥大調查，今次主要只喺歐洲做，個結果 (上圖) 可以話同一般人嘅睇法差唔多，唯一有啲出其係居然法國排第二，唔知係未近幾十年多咗啲由非洲舊殖民地去咗定居班新移民拉高咗，因為感覺上法國啲白人一向偏細；另外德國都只係排 19、土耳奇又排得 24 位就直係有啲跌眼鏡。雖然唔知佢地用乜 methodology，唔知係未好似鵬佬喺個 blog 做過啲民調咁，不過匈牙利同捷克係第一同三，個人經驗就真係實至名歸 (笑)。

客籍鴨評︰高壯內蒙仔

2011-12-08T10:40:00.007+08:00

都話鵬佬最近基本上停咗北上玩仔，除咗忙同覺得無乜新意外，其實仲有一個好大嘅原因，遲下再講，不過都好在有巴打仲 keep 住比料，對於一直支持個 blog 同想睇 "鴨評" 嘅老友都要有啲交代；有位好耐無聯絡嘅 B 兄最幾日就玩到件正嘢，情況如下：

"留意咗呢個 "黑壯型男" (見圖，由 B 兄私人醒) 有一個月，原本喺 "一品壯熊" 個網站 (不過依家無喺嗰到掛牌)，我係經由佢地叫上酒店；真人比相仲正，有 5' 9" 咁上下，雖然唔算好肌肉型，不過明顯有操 gym，對胸好凸又夠厚，對手臂都好粗，整個 body 個 shape 都好靚，最合我心意係佢啲毛唔密，皮膚又好滑，個樣就有啲傻氣，好男人。

一開波就好主動，可以 kiss 得，摟咗一陣佢就自動轉身同我玩 69，吹幾下佢條大屌就起咗機，有近 7" 而且好粗，夠硬又直，算係少見咁正嘅靚牌；我哋用口都玩咗或十幾分鐘，我一路吹一路用手指玩佢個屁眼，見到個咁滑同無毛嘅股窟真係好想插佢，可惜佢只個 top，咁我再托起自已下身比佢入。

技術方面算 OK，又肯自己轉姿勢，我唔係咁做零都比佢插得好舒服，不過可能用口含得佢太興奮，唔洗 5 分鐘佢就忍唔住射咗少少，我以為佢再硬唔翻，點知過咗一陣佢又話可以再操，卒之再比佢住插多半粒鍾；中途我都有啲頂唔順，不過佢仲好似 high 過我咁，叫都叫唔停，真係咁大個人都未試過比人質餐咁勁。

價錢例牌 500 人民幣加車費，依家佢自己放廣告就唔知收幾多；呢個我強烈推介，可以比夠 4.5 分。"

多謝哂 B 兄！呢個睇落係幾 sexy，佢個廣告入面啲相都好得，順手 post 過嚟分享下。

多明尼克專欄：戰場上的快樂聖誔

2011-11-30T14:55:00.011+08:00

要提下大家，12 月 1 日係全球愛滋病日 ("World AIDS Day")，喺本地就唔係咁多活動，不過有新聞話聽晚喺尖咀個舊鍾樓同灣仔演藝學院都會用打紅燈以作記念；鵬佬就提意大家喺 Facebook 上面個人頭像換上 WAD 個紅絲帶標誌 (見圖)，或加條 link 去政府個 "紅絲帶中心" 、AIDS Foundation 或者 AIDS Concern 個網頁都可以。另外老友多明尼克都有感而發，有篇文同大家分享下：

"雖然聖誔未到，但喺靈感先到－每大約三個月，大家總會喺新聞上邊聽到今季又有幾多個基佬 "中招"，而且感染數字越嚟越高，咁你身邊有無識到一啲感染者 (PHA) 呢？喺我去某個非政府組織做嘢之前，我喺從來都無識過任何感染者，我只喺對呢個議題有住個唔合理嘅關注，所以先去嗰到做 part time。

同一時間入職之中，我覺得一位 J 先生同其他有分別；我之前會諗所有基佬根本上就唔想知，亦唔想關心社群裡邊喺有人已經受到愛滋病病毒感染，講得難聽啲就喺 "咋唔知"，不過 J 就好明白，同我個 "頻道" 一樣，雖然佢都得廾五、六歲，但係就好似好明白啲 "病友" 唔單止受到社會歧視，即使喺同志社群裡邊亦有極大嘅偏見。

往後嘅日子，J 便成為我其中一個好要好嘅工作伙伴，有時言談中佢提到自己之所以咁關心，係因為佢有一個朋友喺感染者。後來有一次我哋將會有機會去九龍灣診所參觀，由於我從來未去過，所以表現得有啲興奮，當時我喺電話同 J 講，呢次會喺一個好有趣嘅經驗，但係唔知點解，J 就表現得好激動，同我提返佢第一次陪個 friend 去診所，驚到六神無主，入到電梯成身震。

由於事出突然，佢平時又好講得笑，我都唔知點反應，所以只好同佢解釋話我無惡意，亦唔係因為自己無病但係又可以去 HIV 專科參觀而覺得好玩；跟住佢明白咗我唔係有意，先同我 "come out" 話其實佢都係 HIV+，於是我先明白點解佢對啲病友嘅感受好似親身經歷。自從佢向我表白後，我同 J 嘅友誼反而更上一層，直情好似情侶咁，因為佢會覺得我明白佢同其他病友面對緊嘅情況，而我亦十分開心佢肯講多啲佢喺感染後嘅心路歴程比我聽啦，仲介紹好多其他 PHA 比我識。

去到某一年嘅聖誔節，J 叫我陪佢去九龍灣診所個聖誔派對，大家好似返團契咁，啲醫生同護士都會一齊玩遊戲，特然覺得呢個世界都有返少少温暖。我記得一入到門口有個護士問我嗰 number 喺幾號，後來先知佢係問我個覆診卡號碼；個 party 有大人亦有小朋友，有男有女，有直有攣，亦有班病友嘅家人同朋友，如果有外人唔知見到都只會諗係一個普通聖誔聯歡。

而當晚我就成為咗呢個小眾 (HIV+) 入面中嘅小眾 (HIV -)；對我嚟講嗰次真係一個好好嘅經驗，因為發現到雖然自己一直好關心 HIV 同班病友，但係喺一班 PHA 當中，又驚比人望到我四圍咁望，誤解我 "關心" 只係為滿足自已嘅好奇心。有時聽到自己班朋友成日八八卦卦話啊邊個有 HIV、咩水又 "中頭奬"，語氣中有時有啲幸災樂禍，而我只係想講，有無被感染住住只係差一線，大家之間無乜分別，所以請各位多多關心一下，而唔喺將班 PHA 拼棄出社群。

多明尼克
前非政府組織社員，今周間最想念的是我得不到的 Tom 叔叔。"

同文化：George Michael "病危"？

2011-11-30T13:56:00.003+08:00

最近 George Michael 因為感染到肺炎病危呢單新聞喺英國炒得好利害，佢個公關就話啊佐治哥已開始對藥物有反應，正喺到康復，不過佢成家人，包括佢 70 幾歲個老豆都飛咗去奧地利陪佢 (佢係喺歐洲開緊演唱會陣病發)，有報導話見到啲親人個個都好緊張，可能係因為怕佢就快 "唔得" 咁話；鵬佬係佢大粉絲，希望佢吉人天相，大步檻過，不過佢個情況，尤其係佢會唔會都係 HIV+ 就幾令人擔心。

鵬佬當然唔係話因為佢係 gay 就一有病就同 HIV 有關，不過好多人都記得佢第一個同志情人就係因為 AIDS 過身 ("Jesus to a Child" 就係寫比佢)，而且喺幾年前佢喺同英國 "國寶級" 同志電視人同作家 Stephen Fry 一次訪問入面，話自己有成三年都未做過 HIV test；段訪問原本會放入 Fry 為 BBC 拍緊一特輯叫 "HIV and Me" 嘅記錄片入面，不過後來佐治哥喺節目出街前要求將所有訪問片段剪走，加上佢又比人捉過喺啲公眾地方 "開野戰"，點講都係高危一族，大家咁擔心唔可以話全無道理。

其實 80 年代走紅同公開自己係同志身份就有兩個係 HIV+，Erasure 個 Andy Bell 同 Frankie Goes to Hollywood 個 Holly Johnson，前者依然活躍，又出碟又做 tour，後者就好低調但係都算健康；呢代好多人都可能係未清楚 HIV 係咩之前都已經被傳染，只希望佐治哥真係好似佢個公關咁講正在康復中。

壯男圖︰"無兄弟不健美"

2011-11-28T16:21:00.006+08:00

鵬佬呢個月真係忙到叫救忙，連接幾個週未，除咗生日嗰個 "鼠" 咗去馬尼垃玩之外都要返工，所以 update 唔到個 blog，睇怕聖誕之前都唔會鬆得幾多，不過都會盡量寫翻啲文，最少要登有三位巴打比料小弟，同完成嗰幾篇十月東歐遊記。

講開比料，間唔中都有老友介紹啲國內嘅網站同博客，其中呢個 "無兄弟不健美" 幾值得提下－呢個 blog 主要講健身，不過係明顯有同志角度，有好多圖文介紹一啲喺大陸出名嘅 bodybuilders 同運動員 (見上圖)，好多都非常 "養眼"，而且有啲相仲係個博主自己去拍，尤其係啲健身比賽現場實況 (好似下面安徽個比賽冠軍)。

話咗都有最少二、三億成年男性人口，有些少百分比開始健下身，點到揾到啲超正嘅壯男。

壯男圖︰夏威夷大隻佬跳土風舞

2011-11-17T13:31:00.003+08:00

早幾日有朋友喺 Facebook 分享咗下面個 video (下面)，係一班夏威夷壯男表演土著島民嘅土風舞 (hula)，真係睇到流哂鼻血！表演隊全男班叫 Ke Kai O Kahiki，再揾下資料，佢地喺當地好出名，贏過好多比賽；班 "舞男" 個個大大隻，樣又夠 man，著住條 T 字內褲上身半裸咁扭扭下都一啲都唔 "婛"，尤其係個 video 開頭著白褲帶舞嗰個 (下圖)，點睇都似亞洲人，有可能係啲日本移民後代。

睇翻啲資料話每年有個大比賽叫 Merrie Monarch Festival，四月中咁上下，睇嚟明年有時間要去一次，因為咁大個人一次都未去過，就算無得 "食"，啲咁正嘅 "肉餅" 真係睇下都好滿足 (笑)。

舊文從温：土耳其遊記 (一) 至 (二)

2011-11-15T12:56:00.009+08:00

08 年個夏天鵬佬去咗土耳奇遊行，可以話係近幾年玩得最 "險" 同開心嘅假期，以下係當時個遊記，從温下亦加翻啲當年影啲相：

"廾分鐘由歐洲坐船去亞洲

今次去土耳其首先去咗東邊山區一個叫 Kars 的小城市，目的主要係去行一個叫 Ani 的廢墟 (見上圖，為城外的圍牆，睇相唔係好覺，但係有六、七層樓咁高)。簡介下啲歷史－ Ani 係中世紀亞美尼亞王國首都，絲路上面一個貿易重鎮，人口有二十萬，繁榮程度係當時同其他好似開羅、君士坦丁堡 (即係前伊斯坦堡) 啲中東大城市有得揮，但係佢地可謂命途多舛，到咗十一世紀被土耳其塞爾柱帝國入侵，將全城人殺哂，跟住嗰二百幾年主權不斷轉手，中間都算返過下身，直到蒙古人殺到嚟就被完全打殘。加上不時有地震，其後嗰幾百年人口慢慢流失，整個城市差不多係歷史中煙未。

地理上 Ani 係正土耳其同亞美尼亞邊境，佢兩國可謂世仇，早十幾年前重有邊境沖突，所以哩咁個重要歷史遺跡到咗前幾年先開放，如果係前年去重要先攞 permit，不過依家唔洗。大隻鵬一直對中東歷史好有興趣，加上 Ani 啲早期君主同原居民係最早一批基督徒，所以入面有好多拜占庭式 (Byzantine) 建築，雖然日久失修，入面重有二間教堂保存得幾好 (下圖)，重有個型睇得到。土耳其一路都唔重視喱個地方，但係依家 Ani 已經成為聯合國世界文明遺跡，要重點保護同發掘。

另外 Kars 都係千年古城，上世紀初被當時蘇聯统治過，雖然依家人口得幾萬，但係啲俄國人留落整個城市規劃就好 grand，啲街好闊 (下圖)，過兩三個 blocks 又有銅像又有水池，可惜依家就好破爛。Kars 近年又再出名，原因係多咗人去 Ani 之外，土耳其藉諾貝爾文學獎得主作家 Orhan Pamuk 最出名一本小說 Snow (或 "Kar"，土耳其文指雪) 就係以 Kars 做背境；不過去到 Kars 就唔好提本書，因為個題裁好 depressing，有興趣自己睇下。

去完 Ani 就向黑海方向進發，目的係去行有差不多四千米咁高嗰 Kackar 山脈；先坐車去另一個小鎮 Yusufeli，一定要提下喱個地方，因為佢可能好快會係地圖消失，原因係土耳其政府近年大興土木，起咗好多水壩，喱區係正下個目標地點，如果真係要起不單止 Yusufeli (下圖第一排)，再入啲啲小鎮全部都要搬，因為成個山谷就係壩底。不過 Yusufeli 只係路過，去到馬上租車去先睇另一間過千年聖母教堂，下午再開車去 Kacker 山脚一個聚脚點 Barhal，住咗一晚第二日就自己上山，不過唔係行過主峰，因為一定唔夠時間，加上年紀大囉，要自量下。改行西邊個 Karatas 峰，都有三千三米，來回兩日 OK，加上可以睇全土耳其最高個瀑布 (下圖第二排)。

(後加：Kacker 係其中一個傳係 "挪亞方舟" 喺大洪水之後 "上岸" 嘅地方之一，香港班福音使團班神棍話揾到方舟 "木結構" 係亞拉臘山 ("Mt. Ararat"，就喺西南邊)；另外仲有單好 "窩心" 嘅小插曲－記得由 Yusufeli 去 Erzurum 坐巴士要轉車，去到個大站揾唔到架車，週圍問咗幾個人都唔識英文，最後有位啊叔好心，雖然講唔通，都揾咗個讀緊高中會講基本英文嘅 "細路" 嚟幫我；大家都要等車佢就同我傾咗一陣，問我邊到嚟同幾多歲之類，當我話佢知我成 37，佢就眼都特哂，話我最大似 25！之後發現去到啲唔係咁多亞洲人出現嘅地方，佢地真係唔識睇我地嘅年紀。)

回程先經東邊一個比較大城 Erzurum，無乜嘢睇馬上等二日提早飛返伊斯坦堡玩多日。個題目當然佢指伊斯坦堡橫貫歐亞洲，由歐洲嗰邊市中心海傍 (Eminonu) 坐船 20 分鐘去 Uskudar 區，就叫到咗亞洲！咁大隻鵬有無揾到鴨仔玩呢？咁當然無乜嘢難到小弟啲好其心，去到伊斯坦堡第一晚過境就揾到間鴨仔 sauna，全場唔係土耳其仔，而係庫德人 (Kurdish)。

伊斯坦堡之庫德鴨店戰記

講伊斯坦堡最出名間鴨店之前，要先提下啲當地啲"基"本情况－雖然係好西化同開放，尤其係西邊啲大城市同旅遊區，土耳其始終都係回教國家，所以對同性戀好禁忌，而且喱幾年由回教政黨執權，個局回重越嚟越收緊，當地人同大隻鵬講多咗女人帶面紗出街，最近重有一單係 honor killing，話一個好 open 啲 gay activist 比佢家人買凶殺咗，話佢太出位影衰成家，要滅口，情况可想言之。

但係越壓迫，某啲位又好其怪地開放，例如男人之間身體接觸好隨便，佢地又好鐘意去啲傳统浴場 hamami，大家去開土耳其一定要去試試；入面係開放式，中間一定有個多角型石臺，有蒸氣 keep 住高温，周邊有啲小水池有冷同熱水喉比人沖身。如果係"自助"式客人可以自己用毛巾一邊蒸一邊洗身，或者比錢揾入面啲帥夫同你擦身加係個熱石臺上面按摩；大隻鵬到咗伊斯坦堡，第一日行完啲境點 5 點幾就去咗歷史最久間 Cagaloglu Hamami，叫咗個"全餐"。

蒸咗一輪就有個 40 歲左右大大嚿土耳其熟男師夫行過嚟，佢先用塊好似沙紙咁粗啲布先全身係咁擦，先「卒」哂啲老泥出嚟，然後再用布加沐浴露全身同我洗，真係連個屁眼都抹到，佢就好似若無其事咁，有幾下都覺佢特登將佢條 J 壓落我個身；成個過程大隻鵬都係一絲不掛係個開放式沐場比佢舞，得條圍巾遮住個細佬，雖然個師夫都有圍住條巾，不過濕咗就成個 J 型都凸咗出嚟。所以啲人話中東人唔幹淨係好有侮辱性－咁樣比人擦一擭真係乜老泥同死皮都清哂。

另外雖然話做基係禁忌，但係好神奇地佢地又覺得只要唔係鐘意做 0 比人插，或係好女人型，同男人有 sex 佢地又可以唔認係基；所以今次去到伊斯坦堡，行咗兩晚啲夜場，都覺得真係唔怕出咗櫃班土耳其基民大部份都好 sissy，係好明顯係基嗰隻。大隻鵬個樣比較麻甩，所以無另一種經驗－早兩年我有個坡仔 friend 同佢男友去伊斯坦堡玩，佢兩隻都 camp camp 地，加上佢細細粒又白淨，就成人去到邊都比人撩，有次重比個的士司機摸屁股。

講返個鴨場，叫 Aquarius，同大部份基場都係 Taksim 區； Taksim 其實即係旺角差唔多，條主街叫 Istaklal，一到傍晚成條街重旺過銅鑼灣崇光出面。Istaklal 兩邊當然都係商店食市，但係啲精彩嘢就係啲橫街，Aquarius 就係一條叫 Sadir Alisik Sokak，如果要揾條街入口有間好大 Swatch 專買店。頭一次膽粗粗入去，入場費都要 30 Lire，200 港幣咁上下，幾貴。佢地個玩法同巴西啲鴨仔 saunas 一樣，即係啲客只能揾場入面啲仔玩，見到合心水又講好價就上房。

入到去打咗一特，因為感覺個場好殘，又唔太幹淨，落到地庫個泳池又有陣濕味；第一晚去到係星期五九點幾，居然得兩、三個客，可能係大部分人都去咗威。一入到去沖完涼未睇定已經有條仔 mark 實我，好彩佢都算正，好壯好有肉，留咗 goatee 個樣好 man，最緊要佢唔係成身毛，算講得下英文；傾咗一陣佢話成場啲仔都係 Kurdish 庫德人，唔係 Turkish。大家有留意新聞都知啲 Kurds 一直想獨立，係東西部更有分離分子組織，週不時有放炸彈等啲恐怖活動，所以啲庫德人係土耳其主流社會係好受岐視。

講講下佢就叫我上房，話要收 150 Lire，成千銀，當然還價，最後講到 120 Lire；啲 sex 算 OK，只能講件件都好大袋，前後兩晚玩咗 3 條仔，個個都有 8" 以上，而且都係吹幾下就硬哂，做 top 就無得彈，但係頭一晚玩嗰兩個都好直，一入到房都要將啲燈較暗，同要玩狗仔式先好起勁咁插；洗完錢過咗癮原本都無諗住返去，最後果晚都忍唔住去多一次，係去完山區一星期後個週六下午，當時就多咗好多客，但係都好彩叫到個有相放係佢地個網站啲"陳列貨" (下圖)。

喱位 Aziz 哥哥有健身，係中東樣中我覺得有啲似希臘人，好 man 好黑實，個身又無毛 (大家都可能知大隻鵬唔愛食"鬼"主要係怕多體毛)，最好係佢自己走嚟撩大隻鵬玩先；入到房摸佢幾下就起哂機，條 J 又長又粗就不在話下，但係我見咁多雀當中喱隻真係極品－又硬又直，成條鋼柱咁，同佢係床邊吹完入好套就坐上去，上上落落爽死，點知佢頂頂上將大隻鵬成個抱起，咁我都有成 170 磅，佢頂多 150，再轉身放我落床，一隻手撐起我一隻腳，另一隻按住個胸就好猛咁插咗十幾分鍾，完全係男人力的表現，真係 high 到大隻鵬叫救命。

咁如果大家有機會去伊斯坦堡，又夠膽粗，應該去開開眼界。

舊文從温：大隻鵬大陸叫鴨歷史檔案 (一) 至 (三)

2011-11-14T14:43:00.004+08:00

以下三篇係 08 年開 blog 嗰陣寫嘅 "回憶錄" 系列，比照下當時同依家鵬佬對個大陸鴨市嘅諗法都幾有趣：

"北京初試蒙古壯男

鵬佬有幾個老友都經常過羅湖叫鴨，自己初初都係舊年 (2007 年) 經其中一個介紹先知深圳咁 "多姿多采"，網上鴨店開到成行成市，在 "肉市" 同曼谷開始有得揮；其實都好順理成章，原因係大陸改革開放以來，人肉市場肯定係 "先富起來" 嘅龍頭行業之一，好多鄉下地方起屋買田都係靠啲女喺大城市賣身，加上網絡發展快，啲大陸同志網站好似雨後春筍 "標" 到週圍都係，喺網上賣肉係自然發展過程。

最先見到啲 MB (即係 "Money Boys"，MB 係大陸叫法) 廣告同 "貼子" 係喺北京，當年 2001 年咁上下有過叫 "鴨鴨之家" 嘅網上留言板，活躍咗一輪但係好快又比人掃咗，另外 Gay China 個網站入面個 "交友區" 都好多話明係出嚟賣；當時喺北京見到都覺得啲留言好好笑，放啲相又亂咁嚟，最勁又印像深係經常有人用黎明同金城武啲相話係自己。

雖然明知風險好大，有次見到嗰貼覺得好奇，咁就第一次係北京叫鴨－嗰位哥哥係內蒙人，早一、兩年都重有賣 (註：到依家都仲有，上圖，呢排又喺香港出現)。鵬佬當時住 service apartment，怕出事所以叫佢先喺另一座個大堂等，仲要早到過佢，喺個暗角先望清楚係乜樣，要先確定啲相係佢本人；佢真人雖然細粒咗啲，個樣都好男人，係真係有健身，我先走去同佢相認。由於佢都好似無再做鴨，同佢啲細節唔講；其後 3、4 年間叫咗佢幾次，好似比 300 人仔，最後一次係 HK Stud 見到佢，打去問個鴨頭話要 1,000，去到北京打比佢問下做咩特然咁貴，佢答話其實有一半係比個網站抽水，佢自己都係收 4、5 百喎。

同時有個都好回味，雖然唔可以話佢係全職鴨；應該都係 03 年咁上下，喺已經無咗個 Gay China 網站見到有條四川仔話要揾錢找卡數，講明佢都係 0 仔，只賣 Pat Pat，見到啲相真係好正，心諗唔方係真，但係又想見下先死心，咁又用上次嗰招，先約係一個公眾到方，見到對路先叫佢返房。喱位果然係上菜，有練 gym，個胸練得好靚，個樣黑黑地又好 sweet，讀緊另名牌大學外文系 (有 show 學生証比我睇)。

其實開頭都有啲唔想要，因為大隻鵬唔多做 top，佢又講明急住還卡數，開口要 1,000，最後有啲心軟加上又急色，咁未上咗佢；最好笑佢真係寫返張 IOU 比我，咁但係當然佢無再提過會還錢。最後我倆做咗年幾 "朋友"，而且重開過好多次波，雖然大隻鵬知道佢重有出嚟做賺錢還 "卡數"，但係我都無再比佢錢，佢亦無問，咁應該算係著數咗。

上海做搶同志公安朋友擺平

喺北京開始叫鴨食到啲甜頭，咁未有的胆粗粗，留意下其地經常要去出差啲大陸城市係網上有無境；講故之前，先提下啲背境 - 大隻鵬當年有個美籍馬拉佬朋友，住係舊金山，叫佢 M 君，佢後來都成日去大陸出差，尤其係上海；出事之前有次自己去上海，同幾個老死去 Eddy's，識咗其中一個仕應生，傾傾吓佢無神神攞張好靚嘅卡片比我地睇，問我地知唔知個卡主係美國邊個城市住。一睇，原來將卡片係阿 M 君，早兩晚溝咗呢條 waiter，咁大隻鵬馬上未發個輪比佢，約好第二晚食飯。

講下阿 M 君，佢係做出入口生意，所以好識做人，好易結交朋友，嗰晚佢就帶咗三個人出嚟一齊食飯，有兩個仔仔好明顯係比佢食過，另一個三十幾中等身裁，個樣就有啲其怪，食食吓阿 M 就拉我出房用英文同我講唔好問個中男做乜；點解？原來佢係公安小頭目，同阿 M 有啲"生意來往"，早排離婚先開始出嚟玩。當時阿公安唔係好想又唔夠胆出嚟玩，所以跟往阿 M，要佢介紹啲佢先肯上；當中好似又有啲嘢，反正大家無提過，食完去飲酒唱 K 佢貓咗啲先自己噏出嚟，玩玩下佢可能覺得大隻鵬都 OK，之後就交換電話號碼，算係做咗朋友。之後佢去北京又揾過我，我去上海又同佢去玩，帶過佢去啲夜店又幫佢比過錢叫鴨；咁有次佢同我講，話如果係上海有麻煩，大隻鵬可以揾佢咁話。點解要講呢位公安阿哥，以下分解。

咁嗰次去上海，04 年咁上下，開始見到啲鴨仔網上廣告，有晚無聊卒之叫咗個；大隻鵬好記得佢無相，唔知點解又無話先叫佢係大堂等，佢上到房都無乜動作，重馬上脫光，走咗去沖涼，之後光住個身走出嚟，跳上床好似等我咁；講開都好神其，咁我走去床邊摩佢，佢就笑住同我講：「你被搶了。」大隻鵬知出事，馬上跳起身準備打電話去酒店前台，佢就推開我叫我唔好亂嚟，因為佢認功夫，一嘢可以打昏我咁話。

佢話要哂大隻鵬個銀包入面啲人仔，港幣美金唔要，咁情况下我知都無解救，咁就比佢攞哂大約兩千幾人民幣，但係我都大咗佢一嘢，同佢講話可以比幾嚿水佢算，當無事發生過算，但係佢要搶大隻鵬，我一定會攪佢，啲錢當晚就攞得返；其實咁講都係要大佢，佢信唔信我唔知，但係攞咗錢就猛咁道歉，話佢有病要開力先迫不得已去搶，叫大隻鵬當幫下人。

其實當時都無諗住做啲乜，點知佢走咗一陣阿公安小頭目就 call 我，問我嗰晚出唔出去玩；最初都無諗住同佢講，因為又唔係真係好熟，怕欠佢人情，但最後都忍唔住，佢聽完笑咗一下，問大隻鵬想唔想攞返啲錢，咁我話算啦，係自己唔小心，阿公安就話佢自己都好憎啲人屈同志啲錢，叫大隻鵬比條友個手機號碼過佢，佢會處理。

結果點？當晚出嚟食飯，佢一坐低就攞個電話開張相出嚟叫大隻鵬睇下認唔認得條友，一睇，真係，跟住佢係袋攞咗成嚿錢出嚟話今晚食飯飲酒有洗用啦。我問條友依家點，佢就笑住答話打咗一身之後放佢走；原來條友真係有啲驚，被拉嗰陣係去緊車站想買車票去蘇州。阿公安知道大隻鵬聽完有啲忐忑不安，笑住話大家係朋友，啲小幫忙唔洗掛心，請食飯就可以...

咁事後大隻鵬當然無再問當中喺被搶後到同佢食飯嗰三、四粒鐘發生過啲乜，之後都無再提起，不過大家都有經常出嚟玩；一直到年幾前佢話唔想再做公安，大隻鵬重幫佢揾工，介紹咗幾間相熟嘅調查公司比佢，做咗幾個月就自己返咗東北老家話自己做生意，到依家都無再聯絡。之後大隻鵬直到舊年先係上海再試叫鴨，見過鬼怕黑。

上海再笙歌

之後有一段時間無喺大陸揾鴨玩，直致有一次見到一個叫 "梁沖" 嘅留言貼，相中人唔係好有型靚仔但係鵬佬就覺得好正，跟住去睇下佢個網上 profile，最特別係由個網站已經確認相中人係佢真人；原來因為係大陸好多人用假照片，有啲交友網站會為啲願意比多幾十蚊啲户用確定身份，做法係先約好時間，雙方用 QQ 或 MSN 等網上視像交談，見到係真人後，個網站會係個 profile加個確認身份標誌。

咁忍唔就見咗佢；真人同照片差唔多，一嚟到房比大隻鵬啲感覺係好成熟好定，雖然當時佢應該未到三十歲；身裁算 fit，大慨 5'8" 多啲，雖然無乜肌肉但係好實，手瓜同條腿都好粗，係壯男一名；條J唔算大，記憶中有 5"，OK 粗。呢位哥哥個買點係夠主動，一開波就摟住同鵬佬大玩 foreplay，個口同兩隻手週圍遊，好有做愛 feel，等佢硬哂我地就互吹，然後大隻鵬就及個身將佢壓住，再"引蛇入洞"，坐落佢條 J。

佢插鵬佬都插到好 high，可能當晚我係飲頭啖湯，轉個身我倆再嚟傳道人式面貼面，佢技術就真係一流，識睇住大隻鵬啲反應玩加快減慢；叫床又有感情，交哂戲有凸；其實大隻鵬最鐘意聽啲仔插我嗰陣叫 "寶貝" 同 "老婆"，好鬼頂癮。咁第一次交易大隻鵬就比佢插足成粒鐘，佢出一次我就少有地射完一次再一次，佢絕對有專業服務水準。其實依家係大陸最難揾就係喱類比較成熟同識諗啲鴨仔 - 知道自己係提供服務，唔會成日心理唔平衡，只要交到功課啲客自然會回頭，有一批熟客粉絲就自然揾到食，又唔洗靠皮條比人抽水。"

其實早排同啲網友傾開，問鵬佬近十年喺大陸叫過咁多鴨仔 / 佬邊個最有 "感覺"、最好 feel，呢個 "梁沖" 肯定係頭三名；佢依家仲有做，仲好似越成熟越正 (下面啲相話係今年年中嗰陣影)，有返開上海都要揾下佢。

同文化︰Tom Ford "露 J"？

2011-10-31T10:10:00.007+08:00

同志界有追 fashion 啲 "潮人" 巴打睇拍無乜邊個唔迷 Tom Ford －啊湯哥有才華、有錢仲有型有款，又基得出位，宣傳佢自家品牌啲廣告經常大賣 "男色" (最勁係舊年出隻 cologne 個 campaign，見上圖)，又鐘意同成班裸男一齊上鏡，不過佢自己就好錫身，最多心口開多機粒紐。

佢唔肯露唔緊要，唔會影響啲人對佢嘅幻想，最近有本雜誌 Horst 就請咗德國一個好出各嘅插畫師 Bendix Bauer，以同志性愛漫畫開山祖師 "Tom of Finland" 個 style 劃咗一特插圖，除咗佢仲有其他好似 Marc Jacobs 同 Dsquared2 對 Caten 孖仔嘅 designers，就連 Lagerfeld 都一身皮革，非常玩嘢。

啊湯哥有無咁大屌就唔知，加上好多傳聞話佢都係 "大零樂" 一名，可能畫佢好似上面個廣告咁露股可能更合適 (笑)。

遊記：初秋歐遊 (2) ~ 玩玩倫敦鴨 (1) 之 "皮革韆鞦" 篇

2011-10-27T12:30:00.010+08:00

月頭去咗倫敦，之前寫咗去過啲浦點，今期寫下叫過啲 "鴨佬"，不過先提下住嗰到－去過玩啲巴打都知倫敦市中心啲酒店可以好貴，雖然近排經濟差，就算十月唔算太旺都好難揾平房，原本出差公司數住嗰間喺 Holborn，好 basic 商務酒店，房又細又乜都無都收到成 140 磅一晚，所以今次特登先揾下啲 B&B；去之前問好哂，最後訂咗呢間 Griffin House。

佢地嚴格啲講唔算係 B&B，因為唔 serve 早餐，只可以話係 "渡假屋"，地點又遠咗啲，喺西南邊近 Stockwell 地鐵站，附近都係民居，對於唔太熟地頭啲遊客係有難度，因為如果喺好似 Soho 咁玩得夜無地鐵就只可以坐巴士或搭的士，前者要等車又要行大段路先返到去，打的又成廾幾磅，咁不如住返喺市中心；不過好處就係百零磅你可以住個有成 700 尺嘅 apartment，其中鵬佬住嗰個喺地下，有獨立門口，又對住個花園 (公用，不過只係同屋主加樓上另一個出借嘅渡假啲屋客人 share)，加上兩個屋主係對 gay couple，只要唔太張揚喺入面搞乜都得。不過，呢類渡假屋同 B&B 比較適合一對以上或一個家庭 (個 host 之一啊 Ben 同講我住嗰間夠 6 個成人)，今次試過 OK，但係下次去如果都係 "一條冷" 都會揾返酒店。

個鴨市方面，已前都提過下，倫敦可以話係 "人才濟濟"，乜都有得玩，除咗本地薑 (其實唔只白人，"本地" 英國人當然包括黑人、其他歐洲人種等等)，近年仲特別多 "東歐" 同 "南美" 幫外勞，加上經濟差，入行人多咗、客又少咗又唔肯洗錢，今次都留意到啲肉金比上次平，平均 120 磅 (1,500 港幣) 上門快餐，要佢返你房加多 30 磅，就算啲真係好正又可能拍過 G 片啲小 (電影) 明星都係咁嘅價位有交易，已前就分分鐘要 200 磅以上。

去之前都諗住今次玩大啲，試下揾啲未玩過又好好奇嘅 (笑)，不過叫咗兩個個結果都唔係咁理想；先練嗰幾個包括呢個 Eric (上圖，喺 GayRomeo)，有興趣係因為佢話有個私人 "玩嘢房" (play room)，入面乜嘢玩具、皮革等都有，而且有個 "韆鞦"，所以特然好想試下比人掛起嚟質一餐；大家交換咗幾個電郵 (有發見樣相，不過佢叫唔好登上網)，講好只係試下掛我上個 sling 玩一個 session，其他啲唔需要太過 "狂野" (個廣告寫明佢可以 "VERY WILD")。

佢真人唔算好高大，5' 8" 咁上下，啲肌肉練得好實好靚，成個格鬥士咁，雖然個廣告話佢係以色列人，不過應該係中東唔係猶太人 (因為有包皮！)；旁晚去到佢喺 Westminster 間 apartment，佢己經準備好，著住條 jockstrap 同皮缽等我，仲比條皮短褲 (係屁股開寵嗰隻) 叫鵬佬試下啱唔啱著；對於 leather 小弟唔好亦唔抗拒，已前喺日本都玩過，不過當時係有小小擔心，因為啊 Eric 肯定係玩慣 hardcore，一路又笑淫淫 (不過都好 sexy) 咁望住鵬佬，最後都先去沖身，胆粗粗換好套 "制服"，出嚟都見到 Eric 條屌 (有成 7"，粗) 硬哂咁叫我瞓上個韆鞦。

大家都知一瞓上去要大字型咁掛實對腳，下身基本上無得點郁動，咁鵬佬上咗去都未揾好個姿勢啊 Eric 就已經跪低咗，向前成塊面貼住我條股罅開始玩吻肛，之後幾分鐘比佢係咁 rim 已經好 high；跟住 "出事" 係比佢連手都綁住，完全郁唔到，之後嗰十幾分鐘佢就用口好大力唔啜鵬佬對奶，又用手指 "通櫃"，雖然都好刺激，不過有幾下都比佢搞到幾痛，最後佢入好套就開始好猛就插，一路當然好多 dirty talks，原本應該係好高潮，不過啊 Eric 就成日上下左右咁搖個 sling，鵬佬未真係玩過就比佢越 fing 越暈，佢開 "行" 咗又唔洗停咁，完事之後企返落地都仲天旋地轉，自己都覺得機搞笑。

啊 Eric 返而就好似玩得好放，原本佢話個快餐唔一定包射，最後都有出，仲叫到鬼咁大聲，好似仲 enjoy 過我；如果真係好玩 SM 同 leather，呢個肯定係專家，只不過係鵬佬 "道行" 未夠，有啲頂唔順，算係用 120 磅買個經驗 (笑)。

壯男圖︰摔角手比人壓到射精？

2011-10-26T14:29:00.005+08:00

哈，網絡虛擬－最近有張相傳通街，話有個國內選手嘅摔交比賽中被對手壓住，下身磨地太刺激，最後磨到射，搞到成褲都濕哂；睇相有幾真，就視乎閣下嘅想像力，不過是真是假，都走唔甩 Google 個 "Image Search" (笑)，其就其在邊有得啲人咁鬼無聊，好彩個摔角手又幾正，有無啲白色液體都無所謂。

同文化︰1030 台北 Gay Pride ~ 求特約 "記者"

2011-10-26T13:05:00.004+08:00

嚟緊個週末睇怕好多人會去咗台灣，因為 30 號係今年個 Taiwan Gay Pride 遊行；鵬佬好想好想去襯下熱鬧，可惜有事在身，如果有邊位巴打會去，可唔可以幫下小弟，做 "自由自主" 個特約 "記者"，拍下相同寫個遊記喺個 blog 貼堂！可以就請發個 email 比我。

壯男圖︰壯男正 Site (1) Legend Fighters

2011-10-26T12:29:00.010+08:00

近兩、三個月大家都應該見過呢個叫 "Legend Fighting" (武林傳其) 喺廣告，尤其喺地鐵站，另外喺網上就連好似 Fridae 咁啲基佬網站都有投放；最初都唔太有興趣，不過早幾晚上去佢地個 site 望下，發現有幾個格鬥選手真係正，身材好唔在講，連個樣都型過好多明星－其中最得之一有呢個韓國選手 "裴明聕" (下第一排左圖)，唔單止超嗦 (成 6 呎高，係八嚿腹肌！)，仲非常好打，依家四戰四勝，另外下面呢幾個都非常養眼 (點照片就可以跳去選手個介紹網頁)。

已前去曼谷都會去睇下泰拳，而喺日本自由格鬥係大 show，幾個出名 "打手" 都係基界偶像，好多同志鐘意買飛去睇比賽 (或 "睇肉"，笑)，喺香港個 market 就唔係好大，所以都本地啲搞手多啲針對我哋做宣傳都係好事。

客籍鴨評︰兩個東北壯爺

2011-10-25T14:49:00.003+08:00

最近收到啲老友鴨評，諗住慢慢用，點知依排啲鴨仔好似轉得特別密，一陣就唔見咗人，所以都係快手啲登；呢個紋身 Jason (上圖) 嚟自蒙古，喺深圳 (喺 "亞克西" 揾到) 同其他到方就做咗有兩、三年，呢排成日嚟香港，有巴打早排叫過，仲食過番尋味，同佢玩過幾次－老友話佢身材係好 fit，有 5' 8"、160 磅咁上下，30 出頭，相入面啲肌肉無經添加，夠厚又黑實，雙腿又多毛，加上個樣有啲 "蠱惑" feel，好性感，雖然係有啲曳仔樣，真人奇實幾有禮貌。

唯一有些少不足係條 J 只係中等尺碼，5 吋半多啲，不過就勁硬，而且唔會中途放軟，服務又主動，做 top 一流，夠猛又多姿勢，玩 "傳道人" 式嗰陣又會笑淫淫咁望住佢，只係有時真係冲得勁過頭，又唔太會就下個客，對於啲無咁 "大零樂" 嘅巴打可能會咁慣比人咁質；不過老友就比佢插得好爽，仲 time 到一齊出，射到佢成身都係精，之後仲開多鑊先放佢走。當時比咗 800 人民幣加車費，嚟到香港收幾多就要問過先知。

另外老友陳兄早兩個星期北上試咗呢個 "樸實漢子" (下圖)，話係河北人，經 "壯爺門" 叫，都未登個報告條佬就南下咗嚟香港；陳兄 "品" 鴨多年，都幾難令到佢有啲心動，不過呢個漢子就搞到佢呢排都有啲 "心掛掛" (笑) －陳兄話首先真人比相後生 (30 左右)，個樣好 cute，笑得可愛，有幾份少見嘅 "傻氣" (真唔真係純品就唔知)，剪個鮑魚刷頭又有個 "美人啄"，迷死人；身材方面就唔算 gym fit，5' 6"、140 磅咁上下，不過好壯，有少少實肚腩，雙腿同腳瓜又粗又多毛，皮膚就又白又滑，夠哂摩手。

差少少又係牌比較細，5 吋普通粗，但係又好易硬，一上到床都好主動，反應好夠，仲成日含情脈脈咁睇住啊陳；做一方面又係好猛，陳兄就比佢拉到床邊，大字型比佢企喺到插咗十幾分鐘，出嗰下仲射到佢心口，好滿足。之後又摟住傾咗一陣，都無話急住走人，真係有啲 "boyfriend experience"，價錢就 500 人民幣加車費，咁依家佢喺香港，有興趣如果又無比陳兄 "包咗" (笑) 可以試下。

同文化︰"Weekend" ~ 一生一世的週未愛人

2011-10-24T15:56:00.007+08:00

近期呢套英國新基片 "Weekend" 好受注目，內容係講兩個陌生人週未喺酒吧萍水相逢，一夜情之後雙方都好有感覺，可惜其中一個星期一就要離開去美國長住，但係都無阻佢地渡過咗一個又浪漫又真實，而且令雙方一世都忘記唔到嘅週未；其實一直都想有套真係唔洗又死人又悲慘 ("Brokeback Mountain" 同早排套 "Contracorrient") 都可以感動到人嘅同志愛情故事，加上個導演 Andrew Haigh 上一部 "Greek Pete"，拍一個喺倫敦 "伴遊" 賣肉生活嘅半記錄片都機好睇，所以對呢套新片都好有期望，希望唔洗等 DVD 啦。

追加：經多明尼克兄提下，下個月個香港同志電影節已排咗期，呢套 "Weekend" 同早排寫過部 "The Beginners" 都有！有興趣上網睇下，仲要手快啲買飛，好片好快爆。

同政治︰"基" 界選特首，"恐同" 派選委起底

2011-10-24T13:35:00.015+08:00

最近選首之戰已開始到雙方亂開 "期票" 嘅階段，雖然鵬佬估計有跟開呢個 blog 都唔會有巴打可以直接投票，不過 "間接" 參與都仲有啲機會，因為某啲選委會委員嘅界別係通過 "圍內" 推選產生；今次特首將會由呢 1,200 名委員投票選出，其中有 60 名屬於所謂 "宗教界別"，當中又有 10 個分咗比 "基督教界別"，經香港基督教協進會提名。有估計話全港基督徒有 48 萬，而要成為選民只需 "年滿 18 歲已接受洗禮或已加入教會的基督徒，持有香港永久居民身份證者"，原則上只要洗咗禮，依家仲有無返教會都唔會影響資格，不過佢哋喺 30 號 (10 月) 就會選，有資格又未登記 (其實洗唔洗登記？) 會唔會遲咗啲就真係唔清楚。

呢啲咁嘅界區選舉睇真啲都十分兒戲，不過今次 "雙英" 之爭勢必激烈，兩個候選人分分鐘都係一票都唔輸得，對於啲想抽政治油水嘅神棍，理所當然要爭返張凳仔；今次呢 10 個位有 42 個人爭，出其地好多 "星級" 傳道同" 教友"，雖然好似恩福堂個蘇穎智同話啊神叫佢 "挺唐" 個容永棋都無參加，會唔會只係後面做 "造王者" 就不得而知，不過當中仲有好多係班耶教社會 (偽) 道德保守派，而且有分析話佢地贏面十分大。

同 "鳴肛" 有直接關係最少有呢幾個，頭兩個都係以個人名義參選－首先有呢個 "林海盛"，佢係現任主席，又係 "基督徒關注色情文化聯委會" 發起人，另外有個 "陳一華"，係副主席，曾經喺 05 年搞過簽名運動，大力反對過性傾向歧視立法，到依家都經常出現啲反同性婚姻同 "變直治療" 研討會，再加個聖公會嘅 "區玉君"，係顧問之一，全部都係以恐同嚟抽政治油水偽道德嘅人版。

其他有參政背境又同 "鳴肛" 有關連重仲有呢個 "基督教城市使命教會"，有成 6 個人，其中包括呢個 "劉志雄"，係 "性文化學會" 嘅 "同工"，本地耶教反同頭號打手之一，其他例如民主黨入面極端恐同份子黃成智個老婆 "黃靜嫺" 同佢辦事處個主管 "黃智雄"，再加個唔知乜水個樣又好 camp 嘅後生仔 "李子程" (支持過政府全面收緊及監控網絡資訊有佢份)。

其他有 "名望"、有機會跑出又出名恐同，特別要提下呢個 "陳世強" －啊 "陳長老" 本身係律師，鄉事派出身，又係基教保皇團體 "中國商人團契創會" 會長，梁美芬嘅支持者；咁佢有幾恐同？又係一味靠嚇，將同性戀硬拉上亂倫、獸交之類：

"人們以人權、自由為理由爭取「多元性愛」，陳律師表示，「不同理念必須尊重，但不等於認同。」如有人有偷竊、犯罪的傾向，是否要認同，給予法例通過？若果將來亂倫、人獸交也合法化的話，這個世界將變爲怎樣？他提醒大家這些假設不是不可能發生，.."

另外仲有財雄勢大嘅 "香港華人基督教聯會" 個主席 "胡明添" －啊胡牧就係早前畀人報話交 form 無簽名，過咗期先補返又得嗰個，可見 "江湖" 地位十分夠，又一本地耶教保皇忠堅份子；對於同志，胡牧同 "華基聯" 一向鐘意用所多瑪蛾摩拉懲罰論，即係人如果犯罪，啊神就會從天上降下災難：

"創世記第十八章和猶大書都有記述羅得時代的人特別放縱肉體的情慾，逆性而行，.. 所以神就定規，要從天上降下火和硫磺把他們毀滅。"

仲要提下呢個 "維護家庭聯盟"，成員包括 "鳴肛" 個蔡志森，都係由啲比較 "老字號" 嘅教會領導組成，由 04 年開始一直反同性婚姻，個副主席、循道衛理個 "吳思源" 都有份參選；較新同 "激進" 又一定要提下呢班 "反對居所暴力大聯盟"，原本都係公民黨嘅會員，不過就兩年前因為家暴條例單嘢同黨班支持同志嘅立法局議員反面，仲拉隊到黨總部示威，點名批評湯家驊漠視黨內基督徒的意見。

佢地當年個 position 都幾有趣，因為佢地 (話) 其實同志關係應受保護，但係唔應該將同性戀 couples 介定為 "家庭"，所以要求政府另外訂立 "居所" 暴力條例，避免變相認受同性婚姻咁話；班人當時包括呢個 "陳家明"，依家由一個叫 "青年基督徒學會" 提名，其怪就在於個學會係少數當年支持盡快通過家暴條例嘅基教組織，真係佢地唔知搞咩傢伙。

而名單當中又有班反 "建制" 嘅教徒，由 "快必" "譚得志" 同 "自由傳道" 同網台節目主持人 "林子健" (上圖) 領軍嘅 "基督路小教會"，不過對住班有錢有政治勢力嘅教會明星，睇怕機會就真係無咩，但係話時話，上次個 "基界" 選委會委員選舉唔夠 5% 人投票，即係得兩萬幾票，選 10 友出嚟真係分分鐘幾百到一千都入到，就算入唔到，搞 "寸" 班偽道德神棍個 party 就幾好玩，所以有邊位巴打有票，真係要考慮下點投，有 "資格" 但係又未知點投，就要馬上去問下點先可以參加，無謂等嗰班道德塔利班越坐越大。

同政治︰台灣走得前 ~ 同志婚姻立法

2011-10-21T12:55:00.002+08:00

網上有關報導話台灣政府開始 "著手研議同性婚姻、同居伴侶等相關立法"，如果係真就非常可喜可賀，但係喺香港仲停留喺同性伴侶應唔應列入家暴保障，加上依家又由個自命堅貞嘅耶教 "公公" 做政務司司長，我哋都好難跟得到；咁當然希望台灣班同運朋友們可以成功，為大中華地區嘅同志爭光！

一講到同性婚姻，就預咗班耶教偽道德好出嚟吠，不過最鬼異係嘈得最大聲之一有個唔係台灣人，而係韓國 "汝矣島純福音教會" (下稱 "汝矣島") 個創辦人趙鏞基；有留意嘅巴打都知南韓係全亞洲最多基督徒嘅國家，有好多本地 "超級教會"，啲信徒又出名瘋狂，更加出過個被公認為邪教嘅 "統一教會" (外國人叫佢地做 Moonies)；汝矣島本身屬於五旬節派神召會，現今唔單止喺韓國，同時係全球最大嘅教會會堂，全球有成過百萬信眾，喺首爾個 "聖殿" 可以坐近三萬人，真係大過紅館 (見上圖)。

咁大間教會，汝矣島當然財財雄勢大，旗下 "生意" 包括報館同私立大學，而姓趙同佢全家都生活富貴，不過近排就不斷有醜聞，首先係一路都有人指責佢當正個教會係私人企業，由 "傳道" 到人事、財務要職全部比哂佢老婆同啲親屬打骰；又由於年紀都好大，加上一直比人話佢 "公器私用"，趙鏞基原本答應今年年尾退休，將堂主職務交比另一個經教會管理層同意嘅牧師，又話佢全家唔會再涉手個教會嘅運作，點知佢到期又突然反口，卒之搞到上個月有班長老報警，指控佢老婆侵吞成億幾港幣 (二千萬美元) 公款。

咁佢成家當然唔認，不過單嘢就越炒越大，加上姓趙呢位又成日先知上身，噏得就噏，早排就得罪哂全日本話大地震係上帝顯靈，要懲罰啲日本人唔信耶和華，所以呢單醜聞就成為世界頭條，連好似 The Economist 同 BBC 都有大幅報導；趙鏞基近年經常去台灣傳道，仲成立咗個信徒協會，對近排當地同權運動又指指點點，唔知喺台灣班耶教反同 "地頭蟲"，好似台灣基督長老教會個前議長陳宇全 (台灣反同志遊行發起人之一)，見到佢地啲名連上趙鏞基唔知有乜感覺。

壯男圖︰壯男正 Blog (3) 國產靚人網站

2011-10-20T18:14:00.013+08:00

早排已經由一位網友發現呢個叫 "美空" 嘅大陸網站，一直都醒唔起同各位分享下；個 site 大致係一個畀人開博客嘅平台，主要係針對媒體業，所以入面可以揾到好多模特、攝影師、經理人公司之類，另外電視電影明星加歌手都有啲，不過睇落都唔係特別多紅人，反而做平面傳媒同廣告班就幾有 "睇頭"。咁係美空入面可以揾到就好似有呢個男模 "閆振興"：

就算唔識個名，都會見過佢啲相，因為成日比啲鴨站同騙徒偷嚟用；另外又可以揾到呢個大隻男模 / 演員 "高杰"：

唔係太清楚佢係乜水，不過就好養眼；同以上兩個都有連帶係呢個攝影師 "劉大"，會唔會係同志唔多知，但係佢好多作品都係拍啲大大隻 G-Men 系壯男 "肉餅"，非常 homoerotic，好似下面個專業比賽 bodybuilder "郭藝勇"：

阿勇哥喺自已個 blog 都有好多相，不過都影得佢好鬼 "薯"，但係經過劉大個鏡頭就完全兩個睇法。只隨便舉以上三個，大家有時間可以上去遊一遊。

音樂：鵬佬嘅 "開心音樂" (3)

2011-10-20T13:43:00.010+08:00

最近發現兩隊台灣樂隊，唔可以話新晉，因為都出道咗成兩、三年，出過幾張碟，依家先識係有啲後知後覺；首先係呢隊 Matzka，組員都係原住民，風格方面主要玩 "雷鬼" (reggae)，加上啲民謠同搖滾，喺台灣都已經打出名堂，攞過唔少獎，仲去過南美做 tour (雖然語言唔通，喺 youtube 見到啲片段入面啲現場反應都唔錯)。佢地第一張同名 CD 係鵬佬個 iPod 常客，特別下面首 "I Love You Nohaha"，勁正，個主音把聲有八成似現代 reggae 祖師級歌手 Horace Andy。

另外同期出碟仲有呢隊 Monkey Pilot ("猴子飛行員")，玩重型搖滾，成員大部份都係多年 bands 友，技術可以話係鵬佬聽過喺大中華區中最得，尤其係佢兩個結他手真係超哂班；個主音叫 Tony Wang，把聲就夠哂雄壯，係小數真係唱到 rock 嘅華人歌手 (不過好似係混血兒)，加上個樣爺到不得了，係隊 band 一大賣點；Tony 已前係張震嶽隊 "Free 9" 樂隊嘅原主音，佢離隊先由阿嶽頂上，依家除係呢隊嘅主音之外又係 "縱貫線" 隊 backing band 嘅成員之一 (彈 bass)。音樂方面絕對有國際水平，唯一係啲歌詞真係麻麻，仲咩鬼 "搖滾是我生命、自由" 之類，真係老土咗啲。

呢類音樂喺香港生存唔到，好彩台灣都仲有班有水準嘅 musicians，又有獨立公司肯投資，華語音樂仲有少少希望。

鴨評：回顧舊好 ~ "中古" 鴨仔之 "你在何方" 篇

2011-10-19T16:27:00.012+08:00

呢排無聊上 GayHK 睇下，南下班真係有開始做爛個市嘅趨勢，成村五、六十人有新有舊，係就係多咗啲所謂 "生活照"，不過有無咁多正菜喺到接散客，大家心中有數，按專打假阿加洲兄個 blog 就十居其九都有可疑，總之小心。不過見到啲 "舊好"，突然諗起已前自已或係其他老友叫過又好玩啲仲有無做，仲有做班又去咗邊呢？以下有幾個仲揾得番，不如做個回顧。

唔計啲所謂 "援交"，鵬佬喺大陸第一次明買明賣係叫呢個 "蒙古黑馬" (上左圖)，記憶中都有成十年前，當時喺大陸做嘢，北京短住過一段時間，咁當年無話有乜會所，只有個好出名嘅網上留言板叫 "鴨鴨之家"，純文字廣告，風險又非常大，經常有客話比人搶，不過當時太好奇，胆粗粗就試叫咗佢；有叫開呢類比較年長嘅壯爺，都知大部份都話自己有家室，賣身都係某啲原因所以 "迫不得已"，黑馬當年都唔例外，不過人哋啲私人嘢無謂再提，只可以話今時今日都仲見到佢做，而且深圳 (依家喺亞克西)、上海、香港週圍飛，又幫過杜達雄做 model，真係感覺到大陸同入面啲同胞喺呢十年內可以有幾大變化。

另外係呢個阿 Jay (偉仔，上右圖)，係 "阿根" (個 website 仍然 down 緊) 早期第一批紅牌之一，跟住就開始經常南下，鵬佬四年幾前玩過一次都幾回味；依家唔多見佢有喺大陸啲網站上架，只係每兩、三個月就係香港揾食，啲廣告相又最少都用咗幾年，依家有無走樣或仲正咗就唔清楚，如果有邊位巴打近期叫過記住通知吓。

壯熊系比較印象深有呢個 "中年胖熊" (下左圖)，係由老友 MS 君提供，原本登完後鵬佬都想跟住試下，不過記得之後好快唔見咗人，好似喺北京某會所 "呆" 過一排，近期以自由户喺深圳揾食，依家睇佢個 blog 啲近照都無走樣，可能真係要揾次北上試下；另外呢個單眼皮 "大牌爺門" (下右圖) 都係 MS 兄喺開 blog 早期比料，出道都有四、五年，鵬佬跟住係北京見到都玩過一次，都係比可推，依家原來仲有做，喺四川。

另外呢個 "大牌壯爺" 就從未寫過 (下左圖)，因為五年幾前喺深圳叫嗰次都仲未開 blog，後來喺其他網站都見過，最近發現喺北京再現身；呢個真人比相好好多 (當年係，依家唔知)，肌肉實又成 7" 勁硬嘅大 J，個人又幾實在，印象好好。最後係呢個近期最多巴打私下用 email 提起同問嘅 "我最大" (下右圖)，基本叫過嘅都對佢有讚無彈 (跟住 links 去返第一個同第二個 reviews)；早幾個月佢似乎港、深加廣州三地週圍走，跟住又失踪咗一排，依家喺深圳跟咗間新熊店叫 "頂好"，咁就腳睇怕返去揾佢嘅舊客都唔少。

有時咁回顧下特然都感啲時間過得好快 ....

安全貼士：零仔 / 佬 "衛生" 貼士

2011-10-19T14:16:00.005+08:00

早排收到一位巴打嘅 email，話佢做開 top，不過男友最近提出想試下做 1，問點樣可以確保 "衛生"，鵬佬即時反應，點解唔先問下自己個 boyfriend 點 keep 得乾淨，未仲直接 (笑)。其實好早期提過 "洗肛" 呢個話題，可以跟住呢條 link 再温習下，另外想多提一下－無論點洗，啲細菌同病毒都無辦法完全清除，另外都唔可以保證喺過程中絕對唔會碰唔到 "汙物"，所以仍然要正確用安全套。

對於啲唔慣做零，又想有個 "美滿" 同衛生喺第一次，事前係要準備多啲 (先比個 warning －如果你準備食或啱啱食完飯，最好未讀落去)；首先最好唔好喺行事前食啲有刺激性，好似魚生、咖哩啲容易引起肚屙嘅食物，同盡跟喺一個小時前去廁所，將可以排嘅都排出嚟，另外去完用啲比較柔軟嘅廁紙，有啲話用濕紙巾更好 (不過當然唔好用啲有酒精之類)，避免先整損肛門；如果係用洗肛袋，都最少係半個鐘前完成，等有充足時間確保啲水完全排哂出嚟。

不過洗唔洗用到洗肛袋 / 泵，視乎個人要求 (呢條英文 link 有正確點用洗腸產品嘅方法介紹)，唔慣用嘅巴打可能會覺得唔舒服，另一個方法係用啲所謂 "浣腸" 劑－呢類產品通常比啲有便秘嘅人用嚟幫助排便，一般藥房買得到，不過由於有輕量瀉藥 (laxative，常用隻叫 Monobasic Sodium Phosphate)，用之前要有心理準備會有少少屙同唔舒服，另外當然係唔好常用，或者揾啲無用或用極少量瀉藥嘅牌子，呢類專比人喺肛交前做浣腸嘅產品日本好易買到，香港有無就唔知，而佢地一般會以甘油 (Glycerol) 代替瀉藥。

其實要有幾清潔，好睇你自己同對手，唔係一定要用到洗肛 / 腸袋同洗腸劑，一般如果之前 (兩、三個鐘) 有正常排便，直腸同肛門之間唔會黐住太多汙物，只要事前 "張開" 啲洗下，加上用套，以亞洲人 size 唔插得咁入，衛生問題唔會好大，如果過程中發現 "有啲嘢" 同異味，或者痛、有唔舒服同 "想去廁所" 嘅感覺，就要馬上叫停，唔好為咗就個 boyfriend 或對手忍住。

希望嗰位巴打有個美好嘅 "處女航" (笑)。

遊記: 初秋歐遊 (1) ~ 倫敦 Indian Summer

2011-10-14T13:10:00.014+08:00

上兩週要去倫敦開會，順便攞假去咗東歐幾日，見返好多老友，又可以舊地從遊布達佩斯同布拉格，真係幾開心；東歐遲下咗講，先介紹下倫敦幾個鵬佬好鐘意去 "浦" 嘅熱 / 基點－週五晚做完哂嘢，約好成班去咗文華 (Mandarin) 酒店間 "Dinner" 食飯；呢間餐廳個大廚叫 Heston Blumenthal，喺英國好出名，仲有自己嘅電視節目，特別係用好多其特嘅食材同煮嘢手法，而呢間個特色係用翻啲好舊嘅 recipe (由幾十到三、四百年前都有)，照住 "古法" 去做菜；咁有個星級名廚做招來，間 Dinner 由開張開始都好難 book，好彩係有同事識人先執到隻死雞 (仲要六點半前入座，八點清枱)。鵬佬唔識講食經，不過以一位消費最少百幾磅嘅高級餐廳，只可以話算唔錯。

食飽就搭地鐵上返 Piccadilly Circus，同一個移咗民好多年嘅朋友去 Soho 間 Village 飲嘢聚下舊－去過倫敦啲巴打都應該會去過呢間，係除咗 Kudos (本地人叫 "Chinese take-away"，不過原來已經執咗，改咗做餐廳) 之外最多亞洲人去嘅基吧，一到週未就人山人海；鵬佬去到通常走咗上二樓個 lounge 區，貪佢靜啲可以傾到偈，想識人可以喺地下嗰層 cruise，而地廬仲有舞跳，夜啲仲有舞男表演，喺個場玩一晚都夠節目，不過就唔係鵬佬個 scene。

到差咁多 11 點再行路上返 Holborn 嗰邊，去近大英博物館嗰間 The Den 每週五都搞嘅 Popstarz 派對，再 meet 另一班本地老友－呢個定期 party 都最少搞咗十幾年，鵬佬去倫敦嘅第一間基場 (其實都幾 mix)，出名專打啲 80 年代 "地下" 同 "新浪漫" 音樂，對於我地班過四張嘅特別有親切感 (笑)，不過除咗呢個場，睇怕都無其他地方你可以見到成班由 20 頭到 40 幾、有男有女咁跟住 "Duran Duran" 首 "Rio" 嘅到跳到忘哂形。其他啲 G.A.Y. 咁鵬佬呢幾年都少去，因為實在太多人啪嘢 (加上玩得夜出返 The Strand 揾車總係無乜安全覺)，返而 Popstarz 感覺啲人友善啲，加上啲 drinks 又平，未去過又去開倫敦有機會真係要去玩玩。

第二日原本想早啲去大英博物館行下 (因為住得近)，不過 jetlag 失眠搞到起唔到身，中午仲要返公司見人，夜晚先再出動，同班玩得嚟嘅同事去咗睇 "棟篤笑" －幽默係英國文化好重要嘅部份，尤其係 standup comedy，出色又出名班棟篤笑演員本地都係大名星，而好多未大紅前都要先喺啲 clubs 同酒吧咁嘅小型場地 "磨練" 一段時間，鵬佬週六晚就同一個朋友去呢間叫 "The Grand" (喺 Clapham Junction 嗰邊) 睇咗一場；上台嗰幾個雖然唔識，不過都幾好氣氛，真係可以感受下英式地道文化。跟住由於 "約咗人" (笑)，無再直落，下期再講。

週日就預咗去行街買嘢－鵬佬唔算好貪靚，名牌更加唔好 (除咗 McQueen)，不過去開倫敦都總會出下血，所以週日食完早餐就馬上去喺 Liverpool Street (Shoreditch High Street 個站都得) 地鐵附近個 Spitalfields Market，除咗行入面商場之外，喺外面仲有個開放市場，由二手時裝到精品乜都有得賣；最大發現係呢間 Conquer，特買啲跟量版手繪絲網印 t-shirts，另外又有間叫 Oscar Milo，啲衫比較大方，返得工又幾醒目，行咗個轉都有啲收獲。

跟住再行落 Brick Lane (上圖，一個街頭賣藝者)，即係倫敦版 "摩囉街" 加 "女人街"，本地人叫 Banglatown，行到附近中午食晏時間成街都有好香咖哩味，一個人隨便揾間食飽再週圍行下，加上天氣超好，真係幾舒服；走之前再行去好出名間 Rough Trade 唱片舖，原本都無諗住買嘢，最後都忍唔住手買咗套從新混音，包括 The Smiths 出過所有大碟嘅 CD boxset，雖然有打節，都覺得有啲敗家 (因為其實張張都已經有)。

最後一晚節目最豐富，係陪個朋友去 Barbican 聽古典音樂，倫敦交響樂團加內田光子 (Mitsuko Uchida) 彈貝多芬第 3 鋼琴協奏曲；咁 LSO 一定好正，只可惜指揮唔係鵬佬個天字第一號偶像指揮家 Valery Gergiev，不過用 20 磅多啲執到平飛都算唔錯。

今次去倫敦感覺幾好，無原先想像佢地暴動後、加上話經濟差咁壞，又或者只可能係嗰幾日天氣返常地咁好，出哂太陽，仲熱到成 27、8 度，啲人心情都靚啲。其他 "活動" 先買個關子，遲下再寫。

同文化︰歐州最 "姣" ~ Azis 有新歌

2011-10-13T17:22:00.005+08:00

早排提過 drug queen 表演者 Arisa，當時都立即諗呢个睇怕都係佢個 "師母" － Azis (上圖) 係保加利亞歌手，十幾年前出道開始就一身易裝，喺歐州相對保守嘅 Bulgaria 可以話非常大胆；初期走啲叫 chalga 嘅民族音樂路線，聽落好有中東味，跟住仲加入好多跳舞 club music，大熱就唔算，不過因為佢啲 music videos 入面用好多大大隻超男人嘅肉餅壯男 / 熊做 dancers，喺 Youtube 好 hit (尤其呢個比人叫 "Gay Bear" 嘅 MV)，多咗人為咗睇靚熊而認識佢嘅音樂。

Azis 無出碟成 5、6 年，原因係早幾年前去咗參政，不過可惜選唔到做議員，依家卒之有新歌；佢啲 CD 睇怕本地都買唔到，不過都係要加上啲 "人肉橫流" 嘅 MV 可能先夠給引 (笑)。

客籍鴨評︰兩隻壯鴨短評 + 深圳會所兩問

2011-10-13T16:06:00.005+08:00

近來大家好似又活躍翻啲，鵬佬收落唔少短評，怕啲鴨仔上架下架轉得太快，都係快手啲登出嚟同大家分享下：呢個 "狂野持久" (力推，上左圖) 早排由老友 "老馬" 兄提供，不過未登就喺原本個網站唔見唔影，原來轉會跟咗 "亞克西" －一睇張相係修得幾緊要，不過老馬兄話真人都唔差，30 歲左右，身高有 6 呎以上，中等身材，肌肉都算結實，人都幾成熟穩重，服務都全面，開始啲前戲夠主動，可以接吻，又抱又攬得，肯幫客吹，但係技術有待改善，仲有條 J 同身高不成比例，得 5 吋，不過好在快硬，做一又好落力，如果喜歡高壯型可以考慮，老馬兄玩包夜比咗 800 人民幣。

"態系" 方面就試咗呢個 "大牌中年" (可試，上右圖)，山東人，40 出頭，身材唔算高大，5' 7" 咁上下，有肚腩，賣點可能係個樣，非常男人，加上成面好手嘅鬚根，都幾殺食；牌就真係偏細，比夠 4.5 吋，但係服務交足貨，肯吹又 kiss 得，做 top 都唔懶同有耐力；老馬兄提話佢應該都可以做零，不過要試最好先問清楚，價錢照例 500 人民幣加車費。

另外深圳老店 "啊根" 個網站 down 咗幾日，一直上唔到，有無高人知道咩事？單純八卦，因為佢地呢一、兩年都開始唔係咁得，真係好正嘅 "獨家" 賣少見少，客服更加好多投訴；另外收到料，好多本地 "愛熊" 一族經常去按摩間 "香江明珠"，呢幾日班壯熊技師全部無返工，有巴打話佢地因為唔滿意個場啲管理，正在罷工中，唔知係未真料。

同政治︰美國同權先驅 Frank Kameny 離世

2011-10-13T14:36:00.010+08:00

今日喺香港，算係個受西方文明同人權思想影響，相對自由，雖然未算太理想，我哋班同志社羣亦有一定生活空間，或多或少都係享受緊歐美近四、五十年喺 "同權" 運動方面嘅成果，而其中一項最大嘅進步係喺 1973 年，美國心理學協會 (APA) 將同性戀喺精神病分類名單中正式除落嚟，呢個決定同之後好多國家同地方 (包括香港) 將同性性行為非刑事或合法化，有好大嘅推動作用，而首先提出要改革就係早幾日 86 歲過身喺呢位 Frank Kameny (見圖)。

Kameny 老先生可以話係美國 (西方) "同權" 運動之父，大半生投入；青年時佢入伍，去歐州打過第二次世界大戰，之後以一名天文學家喺專業資格為軍隊服務，但就喺 50 年代被發現係基後被開除，咁亦觸發佢投入同運嘅熱誠；被炒之後佢向美軍提出訴訟，仲唔用律師，自己上庭代表自己，打到上最高法院，咁雖然敗訴收場，佢亦成為史上首位喺美國以公開係同性戀者身份嘅原告，向政府提出民權訴訟，開創先例。

之後 Kameny 又受到 60 年代黑人民運影響，喺白宮同好多政府機構前面組織和平示威，比美國人首次見到有同性戀者唔怕公開身份，以示威向政府同社會表達訴求，又係同時開始遊說 APA 唔再將 "homosexuality" 介定為精神病。不過 Kameny 生前接受訪問陣就話，覺得自己對同運最大嘅功勞都唔係以上講啲，而係諗出 "Gay is Good" 呢個口號 (上圖)，成為當年所有行動嘅一個中心思想：

"("Gay is Good") epitomizes really my entire approach to all the issues. You have to take an affirmative approach on these things. In other words, if I may expound for a moment — people tend almost automatically, since we are under attack, and we are under criticism, they tend to respond defensively and reactively. Around then, taking the next step and responding on the offensive and proactively. In other words, the tendency — we’re told that homosexuality is bad in all sorts of different ways so the response tends to be "It’s not bad". You have to take the next step and say, "Not really, it’s not bad. It’s good.""

呢句同背後嘅思想放於依家好似同志婚姻一樣有用，因為好多反對嘅人 (尤其以宗教為理由)，本身存在好多偏見，如果只係不斷回應佢地啲有抹黑成份嘅所謂理由，只會越描越負面，前題係平等，基唔單止無錯，而且係 "好"，最少係 "同你一樣咁好"，"as good as everybody else"。特別係好多同志本身對自己嘅身份都唔認同，一樣睇得好負面，用 "敵人" 把秤量自己同自己人，呢句 "Gay is Good" 可以提醒大家 "同志" 仍需努力。

壯男圖︰壯男正 Blog (2) 泰文靚仔圖 blog

2011-10-10T13:33:00.004+08:00

最近發現一個好有正相叫 "LANLAMAN" 嘅泰文 blog －有靚仔壯男相當然無乜特別，好其在於入面有好多係大陸同胞，有啲明顯係 studio 影、擺哂 post 嘅模特照，再加上有啲 "生活照"，有啲仲露哂肉，而當中好似有啲係有名氣，唔知係未只係 blog 主喺網上隨便收集，鵬佬唔識泰文，有無邊位巴打可以幫下忙？

雖然入面啲多數係年青啲，有啲仲幾 twinky，不過都有啲好得 (如下)，無聊上去睇下都無防。

客籍鴨評︰兩個短評 + 遊記預告

2011-10-10T11:38:00.005+08:00

無 update 成個幾星期，原因係鵬佬 "十一" 前去咗倫敦開會，跟住放幾日假去咗東歐，主要係布達佩斯同布垃格；上次去匈牙利都成十八年前，嗰陣仲係做學生，正係喺布拉格同某家投資銀行做 summer intern，住咗兩個幾月，一到週未就週圍 "拱"，不過最難忘又最鐘意都係 Hungary，今次有機會同幾個當年喺東歐相偶、到依家都仲係好 friend 嘅老友返去玩玩都無失望，遲下會有遊記同大家 report。

外遊期間都有收到啲鴨評，鵬佬萬分感謝；首先係新朋友 JF 兄，佢話試咗呢個 "俊朗壯中年" (上圖)，話佢真人同相相差唔大，皮膚好滑，係靚佬一名，條屌就 OK 粗，5、6" 咁上下，不過好夠硬；同佢一入房沖完涼就埋牙，好識做，服務方面就乜都肯做，亦柔亦剛，肯吹又肯肛吻，做 top "仲隊到好入" 咁話，全程喪插冇停過，仲好多 dirty talks。不達唯一美中不足係好多電話，似乎好好生意，不過 JF 兄話下次都應該會再幫襯。

另外老友陳兄又揾呢個 "阿沖" (下圖) 試鐘，話佢確實係夠大夠硬，有成 8" 以上，又粗又直，不過張相就舊咗啲，真人個樣依家老咗啲，服務方面係好專業，只係唔會太多驚喜，收港幣 800 算係貴些少；其實呢個阿沖都最少有 4、5 年鴨齡，應該係比較早嗰班經常南下揾食之一，已前都有巴打 review 過，大家有興趣可以參考下。

客籍鴨評︰深圳北京短評

2011-09-30T13:14:00.023+08:00

近兩、三年因為工作有些少改動，北京同上海都少去咗，唯有靠啲巴打 update；同位喺大陸住嘅老朋友 "高生" 傾開，佢話喺北京都玩到啲可以推介下 (上海都有，下次再講)，不過啲新情況要提下︰

"個人經驗係北京個 "鴨市" 選擇仍然少，黑店又特別多，啲價錢又有啲開始兩極化，鵬兄你都知北京最多亂洗錢嘅有錢人，比得起又唔介意嘅比其他地方都多，所以比較好條件嘅都成日亂開價；另外係近排多咗好多 "自由戶"，唔再經中介，其實都係好事，但係要注意提防假相，盡可能先用 QQ 咁用視頻見到真人先叫上房。

會所方面，一路都可靠仍然只有好似 "小城故事" 咁兩、三間；小城啲相雖然都有用 photoshop 修過，但係大部份係真人，未試過見有假相；早個月叫過呢個 "小虎" ("力推"，見上圖)，係矮細咗啲，不過啲肌肉好實，個股都好靚，條尻硬哂有 5" 多啲；服務方面到位，而且好爛玩，鐘意揾個後生壯零質一鑊可以推介下。另一間 "同樂緣"，啲仔都係比較後生，上架啲仔同 "小城" 有重複，可能好多都係所謂兼職，入面呢個 "小超" ("力推"，下左圖) 就玩過兩次，真人有 5' 8"，身材肌肉就無乜，不過個樣幾趣緻，皮膚好滑淨，又係小色鬼一名，好啱想玩啲後生爽零嘅巴打。

講開黑店，大家一定要小心呢間 "北京魅力先生" ("警報")，同深圳原本間係兩回事，個網站只係抄 "啊根"，入面都係偷其他啲鴨仔相；另外呢間 "亞太男模" ("警報") 就亂收費，有次我一個坡仔朋友打上去要成千二人民幣，但係啲仔全部只係 part time，邊間中介有 call 都接，去其他 5 至 7 百一般都有交易有餘 (上面提啲都係 500)；同樣情況間老店 "東方男模" 都係，呢個 "大牌健將" (上右圖) 年頭玩過一次 (唔想太影響人地揾食，只可以話 "no comment"，無乜特別)，打上去叫要 800，我哦咗下佢又話 700 都得，咁就上當，因為之後再喺 "亞西克" 見到，居然 400 加車費都出得，吹脹。"

多謝 "高生" 咁多料，尤其鵬佬成日比人話推嚟推去都只係一味大嚿熊，有人評下班後生 twinky 啲零仔都好；不過都要提下啲 "恐龍"，因為長期 "照顧" 住供料鵬佬位巴打 "老馬" 兄上週試個呢個 "北方金剛" ("力推"，下右圖) 話幾得︰"老馬" 兄話佢真人比個廣告後生，30 中咁上下，身材真係北方 supersize，有成 6 呎近 200 磅，腳夠粗又多毛，上身同對胸就好滑手，條 J 就有些少唔成比例，不過都有 6"，加上個 "冬菇" 頭都算收得貨；個人幾成熟有禮，服務就基本 "上山下海"，可以接吻又肯同客吹同吻肛，而且做上下都得。

老馬兄玩包夜 (600 人民幣)，一共開咗佢三鑊，第一次就比啊金剛插咗成點鐘，加上佢又多 dirty talk，大家都玩得好 high，最 "驚人" 係金剛射完後成半點鐘都未識 "落旗"，一路堅硬，第二朝放人前仲玩多次先放人，咁以老馬兄咁 "大零樂" 肯定好滿足。另外要多謝一位 "老伍" 兄，對之前提過個 "華雄" (下左圖) 有以下回應︰

" "華雄" ("可試") 真人比相仲正，喺香港叫價錢按摩 (港幣) 300、全套 600，我約佢先喺旺角等，見到真人對版先上樓；佢係有個私人地方，環境夠大整潔，應該本身係個按摩場；個按摩係全祼，雖然佢條 J 係軟，不過都幾有睇頭。老實講個按摩一般，無咩用力，到推油都要我主動叫佢先用全身，而且幾敷衍，不過我都比佢推幾下就硬咗 (與他無關，是我個人極度horny)。

佢問我要唔要全套，我就答只係同佢玩 69，又或者只係 "6"，因為由頭到尾我幫佢吹，過程中佢有同我輕輕濕吻，不過一啲都唔主動同投入，要我出聲先啜下我我乳頭；佢就好似幾 enjoy 咁 (係我比錢佢享受)，整個過程佢都係想草草收場咁，最後我自己打出嚟了事。整體評語係想做個按摩加出火都仲合格 (比 6 out of 10)，只係欠缺咗啲 "成熟爺們" 應有種細心，要做全套就要小心考慮。"

同文化︰台灣同胞壯爺日本大熱

2011-09-30T12:17:00.004+08:00

上次返東京去個 Muscle Beach Party 其實仲有啲經歷未寫完，不過見返啲當地老友好多都對台北個 gay scene 好有興趣，因為近年實在好多雜誌都去咗台灣揾男模，而且揀到啲真係正到令人流口水流到失禁 (笑)；就好似九月號本 G-Men (見圖) 個封面男模 "Honger" (應該係姓李)，後知後覺早幾日先喺網上揾到連書送張 DVD 入面拍影過程部份片段，睇到鵬佬流哂鼻血，真係要問句邊到揾到呢個絕頂天菜。

再上網 search 下先知 Honger 有做 gogo dancer，八月尾嗰陣喺台北一個叫 BEARadise 嘅場 (或者係 party？) 表演過；唔知有邊位去過，又或者有多啲關於 Honger 嘅資料，可唔可以比啲料小弟，解救下我呢個 "飢渴" 中嘅小粉絲呢？ (笑)

同文化︰同志亦凡人 ~ "Gay in America" 相集

2011-09-28T13:42:00.005+08:00

最近美國有位攝影司 Scott Pasfield (見圖)，佢用咗兩年時間喺美國各地揾咗百幾位同志，唔單止同佢地影人像，仲記錄咗每人嘅生活同故事，成果就係呢本啱啱出版嘅 "Gay in America"；個 project 嘅靈感阿 Scott 咁講︰

"People always tell you to shoot what you love. You have to start with yourself. The epiphany came one night at home. I was surfing the web and realized what a powerful tool it had become for connecting gay men across the country, from all over, and it just dawned on me. I decided that I would meet men from every state, and photograph them in the hopes that I could do a book that would change opinions and educate. And that started with shooting who I was and what my passions were."

下面有本書入面啲相嘅 slideshow，唔知本地幾時有人肯試下搞本？

壯男圖︰壯男正 Blog (1) 張國政

2011-09-23T17:43:00.010+08:00

近排有位國內 "越牆" (基本所有 Blogspot 喺大陸都上唔到) 巴打介紹咗幾個正 blog 畀鵬佬；依家上面基本係人都有玩 blog，莫講啲名星名人，有啲由運動員、玩健身班開啲都幾養，依下慢慢逐一介紹－呢位張國政 (上圖)，係奧運舉重冠軍，身材正個樣又幾 cute，個博客啲相又露得大方，仲有幾張係大班壯男去泡溫泉，下面有得睇。

客籍鴨評︰幾個壯鴨短評

2011-09-23T14:37:00.014+08:00

呢幾日鵬佬其實喺耶加達出差，迫住聽咗個兩日嘅無聊 conference，好彩旁邊啲無個識中文，先可以寫下 blog 解悶 (笑)；晚上除咗要見客，好彩都有時間出去玩下，仲有叫到啲又平又正嘅印尼鴨外賣，遲下再講；先要 share 咗呢幾個，因為都收到老友 "老馬"、陳兄咁報料二、三個星期，有個自己上兩週都路經深圳玩過。

首先係呢個 "多毛壯爺" (上圖)，鵬佬同 "老馬" 兄都試過 (又做咗 "老舉"，笑)，依家去咗廣州掛牌，早過月先入行；張相影得佢好正，真人其實有些少失望，得 5' 6" 多啲，身型係壯實但係無乜 shape 可言，個樣就真係幾 cute，小啤熊一隻，不過啲皮膚就麻麻，較粗；入到房唔太自然，可能之前畀人退過貨，上到床玩咗陣，知我 likie 佢先放鬆啲，跟住就好放同就得人，kiss 得又肯吹，條 J 就 5 吋多啲，夠硬夠直，第一鑊都插得鵬佬好爽。

完事之後又幾好傾，抱下惜下佢又開始扯旗，未叫佢留夜，跟住又波咗成粒鐘，鵬佬幾次比佢插到差啲 "無手自射"，好 high，第二朝再搞多次先放佢走，比咗 800 人仔，算非常抵玩，比個力推； "老馬" 兄都係包夜，評語都唔差，只係差咗少少熱情；如果係你嗰 type 又上開廣州不防試下，有時呢啲新出道，襯佢地仲幾純品先好玩 (笑)。不過先要向 "老馬" 兄道個歉，因為佢另外又好有心機寫咗個 review 推 "星語" 一個新人，不過今日 check 過都無再上架，唯有再見到先再補。

另外陳兄早排叫過呢個經常南下嘅 "Tiger" (下左圖，又叫 "華雄")，佢話係有朋友推介，話按摩手勢好；個地方喺住家，唔係一般套房，可能係條仔識開本地啲技師合用個架步；之前講好只做按摩，收 300，真人就同相一樣，好壯夠肉，做推油係全祼，不過無硬所以唔知實際有幾大，整個 course 都算交足貨，陳兄話如果唔係自己太攰，一定會出手搞佢；如果有其他巴打玩過，記住留個 comment。

最後早排簡單提過呢個 "王松" (上右圖)，有位無名老友就喺留言區寫咗一段同佢喺深圳嘅 "艷偶"，非常有趣，要喺到貼堂同大家再 share︰

"尋晚响深圳 "陽剛" sauna 見到 "王松"，真人 5 '7" 倒，右膊一大片紋身，左臂一條龍，膚色比相黝黑，没有相中的腹肌，但頗扎實，留着胡子，肚臍下一條蜈蚣很性感，我同佢講我見過佢 D 相，佢笑笑，問要唔要聊聊，後尾入咗房，佢問要唔要做，我話冇帶錢，唔知价，佢話人仔 100 打飛機，200 全套，咁抵，我梗制啦，我話只需100 服務，跟住攬攬錫錫，舌吻，交換口水，賴勻全身，玩到起，佢話要入我，照收 100，我唔制。最終飛機了事，佢 JJ 大約5吋，不過勁硬，個人仲算好純，事關完事後我話出去拎錢，佢話响房等我，俾 D 老手，惊死你走咗，實跟住你 !"

多謝幾位老友比料﹗

同文化︰"TW" 有感

2011-09-22T10:15:00.016+08:00

前日有位老友將鵬佬早排篇 "基督國教主義" 登咗上本地個 "TW" 論壇，首先，只要比返個 credit 同加條 link 連返去個 blog，小弟唔會介意文章被轉載；提呢單嘢係想講都有好長時間無去 "TW"，今次上去望下，只覺得可惜，因為呢個係本地最早嘅同志 forum，已前都叫有啲有趣嘅題目同友善嘅討論，依家情況大家有眼見，心中有數，唔想多講。

有感係睇到一個講 HIV 嘅題目，主題又係 HIV+ 嘅病友係未有責任係同陌生人有 sex 之前要 "表明身份"，同佢地應唔應該去 sauna 玩；鵬佬後生陣喺加拿大同日本都做過義工，去 clubs 同桑拿派套之外又做個 "同輩輔導"，學過好多同 AIDS 有關嘅知識，朋友間都有唔少係病友，好體會到佢地生活上要面對嘅種種困難。

就以病友係未有 "絕對" 責任事前通知，鵬佬個人想法係從來都係無必要，出得嚟同陌生人玩，我嘅假定係遇到邊個佢都有可能係 HIV+，而對手係唔係亦對我無影響，因為有或無我都係咁做 (玩)，一入就要用套，無得例外，所以講唔講無分別；亦有人會駁話咁樣會令到佢地無選擇 (即係話佢有權選擇唔同 HIV+ 嘅人玩)，對於我個人，選擇不在於因為對方係 HIV+ 拒唔拒絕，而係我點選擇同佢做咩，反正如果對方要 "生掘"，佢話無我都唔信，就算嚟個超正夢中情人，我絕對會 "選擇" say no 走頭。

另外堅持對方有責任通知，經常都係基於對 HIV 點傳播有誤解，例如喺 "TW" 個討論就有人咁講︰

"你口交時用套嗎？床上地下有精液你會避到嗎？"

前面個問題鵬佬同好多做醫護嘅朋友傾過－從 HIV 角度，口交喺 "理論" 上係有可能感染，因為佢地係無辦法去証實係完全無可能，所以無人會同你講口交係絕對 "安全"，而現實係好多硏究都係靠病友被感染後自己記憶，而呢類事後報告又因為好多唔同嘅原因，例如 "內疚"、"羞恥" 或根本係記錯造成唔太可靠；鵬佬喺日本做 counseling 就遇過幾個結咗婚嘅男人，最初情愿同人話去叫雞同打針吸毒都唔認係經同性性行為得病，見得多就會朋白。

所以鵬佬就比較信一啲硏究所調 "正負" couples 嘅報告，例如呢個嘅西班牙跟進百幾對呢類一個有 HIV、一個無，同時有穩定關係嘅異性戀 couples，當中記錄咗萬幾次口交，而由女方同男方做又有 30 幾個巴先有口射，結果係 10 年內無一個被感染個案；另外精同血液同皮膚接觸，更加無機會，除非有人喺你啱啱爆哂皮、仲流緊血又好大個破口嘅傷口上面射精。

當然大家可以話我唔 buy，因為都唔夠 conclusive，咁如果覺得咁大風險，你係可以選擇將自己條底線提高，口交都用套，唔去 sauna 唔玩一夜情，點解要因為你個人要求 "絕對" 無風險，而一律唔理佢地點玩，做足安全又或者只係 "手手腳腳" 摸下都唔比 HIV+ 嘅病友去 sauna；就算佢地全部唔去，你又點避啲唔知自己已經帶菌嘅人呢？係未要入場前個個先篤手指，做過 rapid test 驗明無先入得？

另外如果真係囗交又大風險，連踩到精都會嘢到 HIV，傳染度咁高，即係話每個 sexually active 嘅人都有機會無意中咗，係負責任嘅好應該經常去驗；唔敢講今次喺 "TW" 個討論嘅人無，以鵬佬接觸過好多有呢類諗法嘅巴打，大部份又唔覺自己有需要經常去做 test，咁係未即係對人地要負責就要求高，對自己可能已經中咗又唔知，會嘢到其他人要負嘅責任又唔洗咁高？

咁講唔係無道理，因為好多人其實係對自己無信心，守唔到應有嘅安全底線，睇翻 "TW" 同一個 post 嘅流言就知︰

"有人會話我會用套安全性行為就得，但去到 sauna 見到個大隻靚仔，你還會記得個套嗎？"

咁即係話自己失控就得，人家就要對你放縱嘅行為絕對負責？咁係未一種 "自私" 嘅行為？鵬佬唔敢講我嘅睇法全對，只係人長大咗，成熟啲睇好多嘢都比較 "立體"，對於某啲人認為係非黑即白嘅所謂 "責任"、"道德"，現實又往往無咁簡單可以分得咁開。

更重要係作為一個被打壓嘅社羣，同志之間都咁唔諒解，又點可以齊心對外，因為對於一啲將 HIV 等同 (男) 同性戀嘅人，佢地係唔會同你分有邊啲基佬係 "負責任" 同 "唔負責任"；大家依家無事，同有事班病友往往只係差咗一個錯誤決定，而問心嗰句，有幾多人可以話自己從來都百分百安全，無做過啲 "錯事"，莫講話保証以後，啲 virus 又無思想，唔會識去揀啲 "唔負責" 嘅人嚟感染。

喺 "TW" 個 post 又有人針對某啲被人話係 HIV+，但係仲揾人玩 bareback、chem sex 唔 "負責任" 嘅病友；具體係點鵬佬唔知，亦唔需要知，因為問題只係呢班批評仲要 out 人開名嘅巴打，有無諗過就係因為呢類咁主觀批判嘅 "圍觀" 同敵視嘅心態，就正係點解好多 HIV+ 病友咁怕同陌生人表白嘅原因；喺個 post 有人咁講︰

"我有朋友都係 HIV+，生活得好開心，.. 但係佢地尊重自已之餘亦會尊重其他人，同人發生關係前會講明自已係 HIV+。"

咁肯講係個人選擇，但係反過嚟要要求對方 "尊重" 人，有 "責任" 比人選擇，咁又有邊個可以保証佢嘅私隱，唔會畀人拒絕後仲第二日嘅網上見到有人 out 佢，仲要登哂相？呢樣佢無得 "選擇"，亦無人向佢 "負責"。試想下呢位巴打有日見到有人 out 咗佢啲 friends，話 "嗰個 XX，自己有 HIV 都去 sauna 害人，咁唔負責"，佢又會點諗。以心比心，其實又有幾難去諒解啲已經不幸染病同志嘅困局。

除非真係插插下對方除套，不過呢個情況又另作別論，同 HIV+ 病友上唔上 sauna 同要否事前通知無關；當然亦有啲 HIV+ 嘅病友仲放縱緊自己，如果佢地唔理對方係正定負都 "生掘"，當然係對人對己都非常不負責，不過佢要傳到比其他人，都要揾到個對手同樣咁不負責、唔理自己安全都照玩；到最後，保護自己鵬佬認為始終都係個人責任，就 HIV 而言，無人幫到自己，亦無人害到自己。

總知萬事留一線，放過別人亦係放過自己呢。

同文化︰日本基界最有性趣嘅名人 (2) －藝人

2011-09-21T13:56:00.011+08:00

哈，早排寫過日本啲 "女性" 同八卦雜志選啲所謂最嗦男性名人，話過除咗上次寫啲運動員，早排都發現一個日本同志最想上嘅藝人名單 ("ゲイが選ぶ「sеxしたい男性芸能人」")，其實都唔知個出處，不過有靚仔 / 佬介紹，鵬佬估大家都唔介意 (笑)。

第一位係 "照英" (上圖) －唔知乜水？佢原名高橋照英，讀大學陣就已經係國家級田徑運動員，咁當然高大威猛，之後做咗 model，幫 Armeni 做過一個好出名嘅硬照 campaign，跟住做咗演員又成日上啲綜藝節目，比較多人記得係幾年前參加過 TBS 一個長壽體能徑賽節目 "スポーツマン No.1 決定戦" ("スポーツマン" 直譯 "Sportsmen")，得過冠軍。依家結哂婚，又少咗上電視，不過日本班同志仍然對佢好有性趣，係未咁正大家決定。

第二係大家應該幾熟，演過 "海猿" 同 "白色巨塔" 個 "伊藤英明" (下右圖) －伊藤一路比人傳係基，又話未紅前做過鴨又比一個叫大澤一治嘅政客包養過，鵬佬有朋友話當年喺大澤有份投資嘅基吧識過伊藤，不過點都好佢就唔太係我杯茶；同伊藤差唔多，一樣都係影視一線小生仲有 "坂口憲二" (第四，下左圖)，中學已經係摔交同柔道高手，出道後代表係做足三季嘅 "医龍"，外型係正，不過做戲就真係麻麻。

另外唔知係未玩嘢，個排名入面居然有個變態殺人犯 "宅間守" －呢位人兄 2001 年喺大阪用刀劈死 8 個小學生被判死刑，03 年都已經死咗，唔明點解會上榜；另外估唔到老牌演員 "役所広司" 都有份－役所都 50 幾，自從 "Shall We Dance" 大紅之後，近年都仲好勇，早排套 "十三人の刺客" (好睇﹗) 仲做緊主角。順便提下，大家見到個名單 "木村拓哉" 排尾，其實木村一直唔受日本同志歡迎，比人話佢太吋，不過由女人選就成十年都係三甲，都幾好笑。

本月假相之最 (18)

2011-09-20T16:52:00.017+08:00

呢個網友提供嘅 "廣告"係 GayRomeo 入面一個明賣嘅會員 profile，叫 "strmantop"，有用開啲老友可以去 search 下。咁解話假？首先照片本身可疑，另外個 profile 有個電話，又對得上嘅 GayHK 呢個 "飛哥"，經圖片搜查，就揾到呢批正相，出處就未肯定，咁如果 "strmantop" 同 "飛哥" 係同一人，就其中一個啲相造假，又如果有一個係真，而事但一個都係咁好賣相嘅上菜，又咁解要喺另一個用假相？

咁亦即係全部都假都有機會，不過先列佢做疑似個案，有無邊位見 / 試過 "飛哥"，可以確定下；另外用 "strmantop" 啲相 search 到呢批，就真係流哂口手，順手貼下堂同大家 share (點圖放大)。

同文化︰"Angels in America" 的二十年

2011-09-20T10:35:00.022+08:00

早排寫個一部八十年代尾公演，以愛滋病同早期同志運動做主題嘅舞台劇 "平常心" ("The Normal Heart")，其實跟住仲有一部更震撼、更接歡迎嘅 "美國天使" ("Angels in America")，呢部個作者係 Tony Kushner，今年就係呢套劇首演 20 週年記念，除咗啱啱喺 New York 再公演過，美國至世界好多地方都接住有上演。

如果未接觸過，故事內容係講八十年代中喺紐約住嘅 Prior，剛發現自己係 HIV+，而且病情惡法得好快，而佢多年男友 Louis 因為無法面對就同佢分手；同時雙缐劇情講另一對摩門教嘅年青夫妻，男方 Joe 係個前途無限嘅法官秘書，但同時又係個 "衣櫃男"，所以一直對好愛個老婆 Harper 非常冷漠，搞到佢有啲神經質，成日一個人喺屋企拍鎮靜劑，而阿 Joe 又被一個好有政治勢力嘅律師 Roy Cohn (真有其人，下面講) "睇中"，想安排佢去華盛頓嘅司法部做官，目的係要阿 Joe 幫佢 "洗橫手" 搞停一單正進行緊對 Roy 專業操守嘅調查。

而 Prior 就越病越重，男友 Louis 走咗路就得翻個做護士嘅 "好姊妹" Belize 照顧佢，有晚瞓瞓下特然有個美國天使出現，同 Prior 講佢係一個 "先知"，比佢一本 "天書"，入面個訊息係叫世人停止所有活動同交流 ("stop moving and mingling")，因為班天使都相信人類亂咁嚟嘅行為令到 "神" 唔單企放棄咗個地球，仲離開咗天堂，唔理班天國子民一去不返；同時阿 Joe 由於慢慢接受唔到自己係基，加上唔肯去做官同 Roy Cohn 反面，雙重壓力下有晚飲醉咗打電話比佢阿媽 Hannah 話自己係基，嚇到佢第二日就由猶他州飛去紐約揾仔，而同時都係基同都染上愛滋病嘅 Roy Cohn 又開始病發，入間醫院就咁啱係 Prior 個老友 Belize 返工嗰間，仲係佢個病房嘅病人。

當 Hannah 去到紐約，加上老婆 Harper 又同佢攤牌，阿 Joe 離家出走，點知就偶上 Louis，仲發生咗一夜情之後愛上咗對方，但係後來 Louis 就因為自己決定離開 Prior 一直內疚，加上經 Belize 發現阿 Joe 同佢認為係一個十惡不赦嘅大魔頭 Roy Cohn 有關連，一晚兩個人大打出手而分手；同時入咗院嘅 Roy Cohn，雖然因為政治關係，攞咗成雪櫃當時唯一可以用嘅藥 AZT，不過都已病入膏肓，而對佢專業操守嘅聽證會又正喺到決定要唔要除去佢嘅律師資格；當 Roy 一心以為佢班敵人喺佢死前都做唔到決定，可以心安保住佢視為命根個律師牌，一 "隻" 喺 50 年代比佢用政治迫害害死，叫 Ethel Rosenberg (都係歷史人物) 嘅女科學家嘅鬼魂出現，同 Roy 講佢已經被打敗，司法部用加快程序將佢除牌，送佢最後一程。

同一晚 Prior 偶上阿 Joe 媽，喺佢做義工個摩門教中心發高燒，Hannah 出於同情送咗 Prior 去醫院，仲陪佢留夜，高潮係個美國天使又再破墻現身，要迫 Prior 接受做班天使喺地上嘅 "先知"，Prior 就死都唔肯，最後仲制服咗佢，迫個天使打開天梯比佢送返本天書上天堂；同時照顧緊 Roy Cohn 嘅 Belize，發現佢斷咗氣就 call 阿 Louis 去醫院，偷哂 Roy 個雪櫃入面啲 AZT 送去比 Prior，而 Prior 上到天堂後將本天書交返比所有天使，仲要求天使比佢祝福，因為佢想返到人間後再活下去。

"Angels in America" 全長 6、7 個鐘，分兩部，第一部 "Millennium Approaches" 喺 1991 公演，第二部 "Perestroika" 就喺 1992 年年尾，跟住 HBO 又拍過電視電影 (2002 年，上圖)，個 cast 就好勁，由 Al Pacino (演 Roy Cohn) 搭 Meryl Streep (下第一排左，演 Hannah 同 Ethel Rosenberg) 再加 Emma Thompson (下第一排右，演美國天使)，仲有當時相對較新進，但係鵬佬都好鐘意嘅 Jeffrey Wright (下第二排左，演 Belize，最近喺大片 "Source Code" 演科學家) 同 Mary-Louise Parker (下第二排右，演 Harper)。個劇本身同部電視電影都攞獎無數，大家讀完上面個介紹都知個劇好天馬行空，有天使破天花板飛出嚟，又有條 (視覺上) 著火嘅天梯由台頂降落嚟，當年有幸喺三藩市睇過 "Perestroika" 嘅原版製作，真係到今日都記憶尤新。

依家愛滋病雖然有藥控制，但係對於個病同啲病友嘅偏見仍然嚴重，廾幾年後都仲有好多政客神棍將 HIV 等同 (男) 同性戀，今日再睇返 HBO 個電影版，對現世依然切題，尤其係 Roy Cohn 呢個人物，本身係基，除咗唔肯認，仲對 "同類" 加以迫害；其中有場戲好驚典，講 Roy 見佢私人醫生，對方話佢有 AIDS，而當年得病又多數係基佬，Roy 就警告佢話佢唔係 "基" 又唔可能染到愛滋病，要個醫生 "識做" 封口 (下面有片段)。

香港情況就無從得知，但係睇返美國，近年有好多恐同政客同教會領袖，大力推展反同權，最後都比人發現係衣櫃男，睇翻呢段戲，就知呢種對同性戀嘅自我否定有幾恐怖。未睇過嘅巴打，鵬佬大力推介各位去揾返 HBO 個電視電影版嘅 DVD，有出過中文字幕行貨。如果都已經係 fans 班老友，想知作者對好似 Prior 同 Harper 之後嘅下場嘅睇法，最近 Tony Kushner 上電台做訪問就提過，跟住條 link 有得聽。

音樂：以色列基爆 The Young Professionals

2011-09-19T10:21:00.005+08:00

呢隊以色列二人跳舞組合 The Young Professionals 最近喺網上勁紅，尤其喺呢首 "D.I.S.C.O." 個 MV (下面有得睇)；入面有個好搞鬼、留八字鬚嘅 drag queen，個名叫 Arisa，情況就唔太清楚，不過佢喺 youtube 上面都有自己 channel，成日同一班壯男有好多大胆表演 (見圖，特別係佢右手著藍色短褲嗰個，好似個個表演都有份)；其實近年以色列個 gay scene 都幾多姿多彩，鵬佬幾年前路經過 Tel Aviv 一次，覺得嗰邊啲猶太仔正過喺國外啲，可能係同台灣、韓國咁一樣要參軍，後生班好多都好 fit，真係流哂口水。

客籍鴨評︰台北黑壯個人按摩

2011-09-19T09:50:00.003+08:00

週未收到位 JE 兄 email，話除咗上骨場同去網站揾上門外賣，如果識揾台北都有啲個人廣告，佢最近就試咗呢個 "阿泉" (見圖)︰

"阿泉是小弟喺某 gay spa 見到嘅個人按摩服務，佢本身有地方 ("工作室")，喺台北市中山北路靠近長安東路啲巷仔入面，如果住喺林森、中山區域啲酒店，去揾都算好方便，同時都可以直接叫上房；師傅外型就跟網頁上一樣，非常粗曠有男人味，好地盤佬 feel，身材結實黑壯但係唔算做 gym 啲肌肉型，至於重要部位大小無實際度過，單睇應該都有 5、6吋，而且夠飽滿。

服務內容就唔太方便詳詳述，畢竟師傅本身都無喺網頁上寫明，只可以話喜歡呢種男人味十足嘅壯爺，應該唔會太失望，唯一係佢當日狀況唔係咁好，中途要休息一陣先回到氣，所以都無玩足全程 90 分鐘。"

多謝 JE 兄提供－呢個阿泉睇相真係重 G-Men 味，係鵬佬杯茶，有機會真係要去台北走走。另外 JE 兄托我提下佢個 blog，內容係介紹男裝內褲，有興趣可以上去探下佢 (JE 兄個 blog 有商業成份，要聲明下同鵬佬無關係)。

客籍鴨評︰南下鴨兵團綜合小報告

2011-09-16T16:26:00.010+08:00

又要多謝另一位巴打 Kenny 兄發咗個 email 比鵬佬，因為都唔洗點改所以馬上貼畀大家分享︰

"最近玩得比較密，可以簡單介紹幾個值得推介比你放上 blog 做參考－首先係呢個 "王松" (下左圖)，真人比較矮，5' 6" 多啲，啲相上面啲肌肉都只係 photoshop，不過都預咗，身材都好粗壯，多毛，加上啲紋身整體係幾 "痞"；服務算交到貨，上次叫係幾個星期前，最近又嚟咗，鐘意 "痞子" feel 呢個可以一試。

另外呢個 "虎子" (上右圖) 就嫩啲，個廣告啲數字準確，真人比相有 7 成，偏瘦但係幾好摸手，牌就真係大，足 7 吋，做一功夫得，不過我揾佢嗰陣個電話不停響，要揾最好唔好咁夜，怕到你佢都已經做咗兩、三個。另外卒之叫咗呢個 "啊忠" (下左圖)，之前睇你啲鴨評一直都想試下係未咁正，今次玩過我可以話佢係叫過幾十個之中最物有所值之一，同相比仲大隻咗，對胸同手臂都又脹又實，加上有鬚根，man 到震；經驗同你寫啲之前差唔多 (鵬佬按︰啊忠有兩個 reviews，跟條 links 去返其一同其二)，佢真係大色狼，叫床又 "騷"，800 比佢插一鑊好過上幾次 sauna。

唯一有少少出事係呢個 "啊偉" (上右圖)，其實係 "啊亮"，呢個係自己有啲唔小心，因為其實好易睇得出；啊偉個廣告啲相係就係本人，不過最少 7、8 年影，依家個樣同啊亮啲相一樣，偏瘦，賣相唔太健康，賣點只有大牌 (有 6 吋近 7) 同好聽話，價錢又唔高，出下火都 OK。"

呢幾個喺 GayHK 仲有廣告，另外 Kenny 兄想問有無巴打同下面啲玩過 (點相會跳去廣告)，有就留言或發 email 比鵬佬，因為我都想知係未咁正同服務得唔得 (笑)。

客籍鴨評︰大嚿 U 熊 + 本地網站警報

2011-09-16T10:51:00.006+08:00

最近好唔够鴨評，大家真係要幫下手；有位新網友 FT 君就提供咗兩個，同一幾有趣嘅小插曲︰

"呢個 "啊鵬" (見圖) 一直喺北京，應該係第一次嚟，真人好大嚿，有成 5' 9" 以上，又夠磅數，手腳都好粗壯，個樣同張相一樣都幾可愛，條 J 就只算 OK 大，5 吋多啲，唔太粗，不過一搞就硬；服務都可以，不過就唔係好放，我地只係玩 69，佢都好肯用口，如果喜歡年青啲嘅 U 熊，收 500 上房整體算可試。

不過想提一件事，係完事後我沖完身出返嚟，啊鵬正喺到同人 QQ，佢問我知唔知有間本地會所叫 "男湯" (Hong Kong Body Spa)，我話未聽過，不過可以用我部 iPad 上網幫佢揾下；原來呢間個鴨頭用 QQ 揾佢，話佢地有個客想揾佢出鐘，但係其就其在啊鵬同我講之前雙方未有聯絡過，咁明顯係未得到事主同意就放人地啲相上佢地個網站 sell 比啲客。咁都未夠衰，我喺旁邊睇住佢地 chat，啊鵬都算客氣，只係同對方講下次先經佢同意，條友就發悔氣，鬧人 "廢柴" 又叫人 "去死"。

唔知呢間男湯係唔係香港人 run，係就真係丟架，另外亦係話好多呢類本地網站都係用呢個方法紹客？相就先放上去，有人揾上門先再去聯絡啲鴨仔？呢單料特別請鵬鵬你喺個 blog 上面提下。"

先多謝 FT 兄－鵬佬好早期用過一、兩次啲好似係 HK Stud Club (好似都無咗)，後來都好少喺香港叫，不過同其他啲玩家同鴨仔傾開，本地好似係有幾間都無自己 "團隊"，只係靠揾啲南下自由行鴨仔打包上網做中介抽佣，有啲就專門針對啲外國遊客，尤其啲唔識中文，咁大部份啲鴨仔英文又唔得，個中介就可以做個串連，反正啲仔上到房開波用 "身體語言" 就夠。呢類網站收費一般高，有個鴨仔同鵬佬講試過幫一個中介出鐘接個鬼佬，收成 1,500，6 / 4 分再加貼士都比一般到 5、6 百好賺，所以好多仔都願接。

其實喺本地同大陸都一直存在本地人同外地人兩個客源，後者比慣 "國際價" 一、二百美金，亦唔會識去自己揾，語言又唔通，畀人開天殺價好正常，不過 FT 兄你個 case 就只可話個鴨頭好無品，放相之前同條仔打個招呼我估好多都唔介意。另外鵬佬都好懷疑個網站係未本地人開，個 style 太大陸 feel，又多無頭相，咁先發個警報，大家留意下。

本月假相之最 (17)

2011-09-15T13:25:00.005+08:00

又一次証明點解叫到正相要特別小心－呢個 "草原驕子" 點睇都似泰仔，張相又縮到咁細，原來係要大家睇唔出做個修改，遮咗原本張相由個攝影師加上去自己在大名。大家咁精明都唔洗鵬佬提呢個咁手低嘅 case，不過張相個 model 咁養眼，就放出嚟分享下。

同文化︰"哥哥"，生日快樂

2011-09-12T11:07:00.009+08:00

今日係張國榮 55 歲冥壽 (9 月 12 日)，週未咁啱心血來潮特然攞返部 "春光乍洩" 同 "阿飛正傳" 出嚟睇，唔覺唔覺後者都有近廾年；好記得佢自殺跟住嗰日有事要去東京，上機前買咗幾份報紙追單新聞，到咗撘火車由成田出市區，坐喺旁邊係個中年西裝上班族，個樣好嚴肅嗰隻，佢一見到鵬佬打開份幾版彩頁嘅 "生果" 報，見到上面啲大彩照同漢字，就好緊張咁問係乜事。

大家熟日本人都知，除非好大件事，佢地好少會去望公車上啲陌生人，莫講話 "及" 人份報紙。佢借咗幾頁自己好專注咁睇咗一陣，唔係講笑，再望下佢原來眼都紅哂，跟住直情喊咗出嚟，搞到要去廁所抹面；後來同佢傾咗陣，原來佢喺美國出差返國，未知單新聞，而佢同佢老婆都係 Leslie 超級 "粉絲"，由 "霸王別姬" 開始鐘意睇哥哥做戲，又買佢啲唱片，仲買飛成家去睇 Leslie 喺 1997 年日本開個 tour，當年佢老婆仲特登走去哥哥喺新宿間 HMV 搞個簽名會，最後佢都唔怕難為情，問鵬佬可唔可以畀幾頁有大彩照嘅香港報紙特刊佢做記念。

出到市區行過啲書店同報紙檔，全部都貼哂 Leslie 死訊啲當地報紙頭版；大家可能估唔到，依家喺日本最多人識嘅華人藝人，除咗成龍都仲係哥哥，邊個更受尊敬就唔洗講都知。有時都會諗，如果 Leslie 仲在生，佢嘅演藝發展應該會更成熟。可惜，依家只可以喺光影同音樂裡面記念哥哥。

音樂：鵬佬嘅 "開心音樂" (2)

2011-09-09T15:46:00.007+08:00

上次去東京最大收獲之一係買到好多香港揾唔到嘅唱片，講真自從大吹韓風之後，日文歌喺本地無哂市場，其實都幾可惜；唔係話鵬佬 "哈日"，雖然日本唱片市道都越嚟越差，呢幾年反而整體多咗好多可聽性好高嘅歌手同組合。呢個 "冨田ラボ" 喺近年比較受歡迎嘅監製同創作人，同好多好似中島美嘉、平井堅咁寫過唔少大熱嘅 singles，風格偏向走啲大路但係又就些少爵士唱嘅霖歌，配上大量弦樂，聽得人好舒服。

另外冨田都有自己出碟，仲揾好多重量級歌手幫佢唱，上年就請咗秦基博唱咗首 "パラレル" ("Parallel"，收錄喺一張叫 "Works best" 嘅精選 CD，今期鵬佬 K 場飲歌，笑)；秦基博出道都有幾年，一直以為佢係韓國人，因為日本得翻好少人仲用呢個古老嘅 "秦" 姓 ("はた"，音 Hata，好多原姓秦都改成 "羽田")；基博人就幾靚仔 (見上圖)，不過音樂方面太主流 J-Pop 咗啲，無乜特別，不過唱呢隻歌就真係好合適佢把聲。隻碟仲有一 cut 舊歌叫 "眠りの森" 都好正，有幾會揾得到用嚟做週末 soundtrack 都唔錯。

PS - Youtube 無呢個 MV，只有用好煩多好廣告個 Youku。

同文化︰"真愛又如何"

2011-09-09T12:34:00.009+08:00

最近有套新紀錄片叫 "This Is What Love In Action Looks Like" (當然無中文名，不過唔知點解我會想翻譯做 "真愛又如何")，講呢位已經成年嘅 Zack Stark (見圖)，喺 05 年仲讀緊中學嗰陣比爸媽強迫送咗去一個叫 "Love In Action" (LIA) 嘅耶教 "變直" 治療中心，之後 Zack 上網外向求救，件事再經當地傳媒報道引起好大反響，不斷有人去 LIA 各地嘅分所示威，搞到個中心兩年後要接哂所有旗下強迫性入住治療服務。

套片提到 LIA 其中一個 "療程"，係要當時人詳細寫低佢地已前所有嘅 "罪孽"，即係同同性發行過嘅性行為，如果仲係處男 / 女，就記錄佢地對同性有嘅性幻想，而每當有人探訪，啲接受治療者就被迫喺班家人朋友面前讀出呢份 "罪孽" 報吿，而之前班探訪者都先要經過中心一個 briefing，要求佢地唔可以向當時人講啲好似 "我原諒你"、"我接受你" 之類嘅正面說話，而係要啲親人好似開 "批鬥會" 咁聲討個當時人。

當場啲情況同對被迫去接受治療班人有幾大傷害可想而知，尤其係年青人，真係諗下都毛管棟，亦唔怪得會影響到啲當時人日後有情緒病，分分鐘嚴重到會搞到去自殺；套片要睇只希望電影節會有，或等 DVD，下面有片花。

同文化︰真係咁難揾工？

2011-09-09T12:00:00.004+08:00

信不信由你︰

佢話要去亞洲都無所謂，唔知有邊會巴打係 "大賓架" 又對呢位鬼仔 "直" 帥哥有興趣 (下圖)，有就上 Craigslist 揾下 (笑)。

客籍鴨評︰兩個壯熊短評

2011-09-07T11:36:00.011+08:00

上個月大運會好多巴打都少咗上深圳，幾間比較有信譽嘅網站又唔見有乜新臉孔，所以都無乜 "鴨評" 可以同大家分享；依家好似正常返啲，老友陳兄上週又出動，繼續專攻啲大嚿壯熊︰

"呢個 "山東猛男" (上圖) 應該未個網站講咁老，我估未夠 30，其他數字都準，真人比相仲要好啲，夠壯實，右邊膊頭仲有好大片紋身，賣相都好 "爺們"；條 J 就唔算好大，有 5" 多啲，不過好快硬，一開始吹佢都好好反應，又特鐘意比人舔對姩，舔幾下就叫哂床咁捵捵下，好好玩，另外佢都好主動，口技算交走貨，又肯接吻，做一方面都好落力，只差在出得快咗啲。收費例價 500 人民幣加車費，值得推介。

另外呢個 "大牌壮熊" (下右圖) 都係山東佬，其實都係 30 未出頭 (發現有時啲壯熊專賣店經常喺年紀方面報大數)，真人就偏肥，不過都幾扎實，另一差在塊面有啲豆皮 (張相修哂)；條 J 都係細咗啲，5" 中粗，功夫方面比較嫩，不過好在夠殷勤，玩得好放，乜都肯做；後來傾下佢話一直喺農村大，都係前年先識去網吧上網，最後自己揾到啲會所聯絡，跟過北京一間鴨店先開始 "入行"，佢話之前根本就未同男人做過。

呢個 "壯熊" 賣相就唔算標青，鄉下味較重，不過我就玩得幾開心，都係例價，可以比個可試。最後順便提下鵬佬你上次提過呢個 "雄威" (上左圖)，早排我上 "香江明珠" 試過做抽油，高大中年，賣相幾得，雖然無搞嘢，不過按得好專業；今次見到佢嚟咗香港，可能都會揾佢再做個全身。"

多謝陳兄經常 keep 住比料﹗

同政治︰"基督國教主義" 在香港？

2011-09-05T14:05:00.025+08:00

最近 "變直治療" 喺美國同香港都係熱門話題，前者就更加因為其中一個爭緊做 2012 年共和黨嘅總統候選人 Michele Bachmann，佢老公 Marcus 就係專提供呢類 "禱走" (pray away) 同志傾向 "服務" 嘅輔導員，有留意美國政治嘅巴打都知 Michele 十分恐同，唔單止反對同性婚姻，就連同志參軍就唔讚成，不過佢老公就更 "趣怪" －只可以咁講，如果 Marcus 喺任何一間基吧出現，你會唔單只覺得佢好 fit in，而且佢可能係全場最 camp 嗰個。

最近幾本包括 New Yorker 嘅雜志對 Bachmann、現任德州州長 Rick Perry 等幾個共和黨準總統候選人嘅宗教政治觀有好詳盡嘅分析，結論係喺啲好似同性戀、墮胎等 "道德" 議題方面，大熱嗰幾個都係幾十年未見過咁極端保守，而且佢地亦唔避忘所謂 "政教合一"，堅持美國應由基督 / 新教徒倫理主導；呢類通過參政得到權力，再進一步以政策同立法推行所謂耶教道德觀叫 Dominionism，有人譯做 "基督國教主義"，呢幾年特別喺美國班福音派 (Evangelical) 入面好流行，加上 "茶黨" 坐大，呢個思想喺極右保守派入面嘅影響力越嚟越大。

唔單止喺美國 "內消"，呢種以政治權力強制推行耶教道德觀亦有 "出口"，一路提住嘅烏干達 "殺基法" 就明顯有美國呢班極右教會喺後面推波助瀾，而我地更要關心係呢類口口聲聲要向好似同性戀 "宣戰" 嘅耶教霸權思想，喺本地教會有幾大市場－按鵬佬初步調查，最極端嗰班，好似要跟足聖經咁處死我地班基佬 (代表組織叫 "American Vision")，都暫時 (好似) 未喺香港落腳；不過值得留意係，一個叫 "國際使徒聯盟" ("International Council of Apostles")，自 80 年代就被 "突破" 嘅蔡元雲引入。

ICA 嘅現任第一把手叫 C. Peter Wagner，近十幾年同香港教會都有聯系，06 年更喺本地開過 "使徒高峰會"；Wagner 係所謂 Dominionism 最重要嘅 "理論家" 之一，近十幾年不斷推廣一個所謂 "七山訓令" (Seven Mountains Mandate) 主議，意思係要教徒主動重新 "佔據" 整個社會七個最根基，但係喺現代呢個 "未世" 被認定為比 "撒旦" 侵佔嘅 "支柱"，按次序係媒體、政府、宗教、教育、藝術娛樂、經貿同家庭；而呢個 "重佔七山" 嘅行動喺現世對教徒嚟講係必須嘅責任，因為只有通過得到政治話事權喺 "地上" 推行上帝嘅法律，打敗 "魔鬼"，耶穌先可以重回地上。

當年有份參加支持呢個 Wagner 喺香港嘅會議就主要包括本地神枱級傳道人王一平－就算唔係教友，大家都應該聽過王牧個大名，佢老人家係現任國際亞洲歸主協會會長，出名做大 show，本地好多大型宣道會都有佢份，無論喺教會內外都有好大影響力，近幾年更加經常親自參與或組織北上大陸傳教；喺 2009 年嘅萬人 "全球禱告日"，王牧更加用普通話帶領禱告︰

他為中國政府禱告時說，政府和諧和增長帶到中國，願公平、正義和智慧成為他們的標誌。

此話一出，"河蟹" 媚權味道十分明顯，而更有趣，王牧有時更有意無意向外表示佢同中共官員有 "交流"，包括政治性最強之一嘅統戰部︰

王一平牧師表示，根據他與中共統戰部的對話，中共自認為是無神論者的人，都發現耶穌是具最大動員力的人、最偉大的革命家。

另外仲有當日出席禱告日，仲有成班高官以貴賓身份出現，個個星級 (上圖)，擺明要示意教會同本地政府權力中心十分接近，而最 "妙" 嘅係，當美國一班極右保守政客都唔太想比人直接同 "基督國教主義" 拉上關係，怕過份明顯比人話搞耶教專權，更用大量文字 "打手"，喺唔同報紙發文話 Dominionism 只不過係班反對基督徒從政嘅左派自由主議者作出嚟嘅 "鬼話" (myth)，但係早於 2009 年喺香港舉行嘅全球禱告日，就非常直接，特登為 "七山" 開禱告環節，而當時又有一班包括林瑞麟、李少光、黃仁龍咁在場，明顯有針對性。

鵬佬當然唔知本地班長老級教會領袖同班高官有無啲超越牧者同信衆嘅關係，或好似 Wagner 呢班 Dominionists 對本地教會有幾大影響，但係咁 "瓜田里下"，我點估都唔信佢地決定為 "七山" 禱告而唔知道 Dominionism 喺回歸之後嘅 "特區" 有好大政治敏感性，而好似李少光班高官到底係傻下傻下唔知比人擺上枱，定係 "buy" 咗呢套嘢？大家可以話鵬佬 "陰謀論"，不過從呢個角度分析，近年本地教會一啲 "動作" 會變得好 "有趣"，又可唔可以理解為本地教會向 "七山" 進發？

幾個例子－某些教會高調支持梁美芳參選同大力同高官搞公關 ("政府")、不斷招收藝人信徒及用藝人傳道 (鄭秀文、王祖藍等等，"傳媒" 及 "娛樂")、富貴以至 "富豪" 教會如港福堂嘅出現、再加上政府 (尤其係另一個活躍信徒高官，發展局局長林鄭月娥)、新鴻基同幾個好似突破、福音使團同中華基督教會等之間喺馬灣 "挪亞方舟" 公園呢單嘢有無 "特殊" 關係 ("經貿")、教署同社署都批過錢比資挌受到質疑嘅 "嗚肛" 同新造的人搞人權課程同同性戀培訓 ("教育") 等等。

而喺 "家庭" 方面，本地教會係就算無人大力提倡同志婚姻咁嘅大議題，近年都照跟住美國，好似家暴條例事件，唔單止 "恐" 咗十幾嘅 "嗚肛"，咁都要高調反對仲有恩福堂個蘇穎智，而整體傾向媚權，更比人批評向大陸 "揮手" 自願以基督教理做 "河蟹" 基礎又有個吳祟文 (港福堂第一把手) 等等，背後又有幾多被美國班 "基督國教主義" 份子直接或間接影響，以求達到可以進入中國，一個一直比好多西方耶教領袖認為係未來最大嘅未開發 "市場"，就真係要多啲關注下，因為對於呢班 Dominionists，任何能達到目的嘅手段，就算係向迫害教會嘅同產黨低下頭，都只係得到權力嘅 means，成功就係合 "神" 嘅意思。

音樂︰"There is Rockn' Roll in Chyna"

2011-09-05T12:14:00.010+08:00

前幾日去朋友屋企食飯，好驚喜發現佢有一張雙 CD 合輯，入面全部係啲 80 年代本地組合流行過嘅單曲；一般好似 "達明"、"太極" 咁就無乜特別，不過其他冷門啲又難揾得返仲有 "凡風"、"浮世繪" 幾隊，不過最開心係入面有一首 Chyna 嘅英文歌 "Within You'll Remain" (下面有 Soundcloud player)。有咁上下年紀可能都記得，Chyna 嘅主音就係有 "香港鼓王" 之稱嘅 Donald Ashley，其他三個成員就係後來嘅 "Blue Jeans" (呢個 link 有 Donald Ashley 同當年有關本地相關 rock 友嘅介紹)。

Chyna 好似只喺香港出過一張大碟叫 "There Is Rock and Roll in China" (見圖，後來 Donald 單拖去咗台灣從組 "新 Chyna" 出國語碟，都紅過一陣)，應該係 83、84 年咁上下推出，大路 80 年代英文 MOR 搖滾，紅嘅呢隻就加咗小調元素 (後來徐小鳳翻唱一個廣東話版)，用英文唱又出其地好 "合拍"，可以話都 "前無古人，後無來者"。呢張大碟就從未見過出 CD，我家當年有卡帶 (應該係阿哥買)，依家當然唔知去咗邊。

隻碟以香港本地製作算少有咁高水準同國際化，入面仲有幾隻歌好得，不過除咗 "Within You'll Remain" 可以聽返，其他都只喺鵬佬記憶中；如果邊位高人有成隻喺 mp3，一定要通知﹗

Within' You'll Remain

客籍鴨評︰兩個深圳個體戶

2011-09-05T10:35:00.007+08:00

最近同一個經常北上嘅網友阿 B 兄傾開，佢話依家開始多咗喺深圳嘅鴨仔自己放廣告，唔再經會所，當中有啲都好得，佢最近就試咗兩個︰

"首先係呢個 "忠興" (見上圖)，上個星期卒之喺深圳叫咗；我話 "卒之" 因為上個月喺中環某 sauna 見過佢，當時見到真人就覺得佢超正，成晚包括我都有好多人跟住想 mark 佢，不過都無見佢入過房，後來上網見到個廣告先知原來係賣，可惜打比佢當日佢已經返咗深圳；今次北上之前先用 QQ 聯絡，約好上我酒店房。

阿忠興真人有 5' 10"，身材靚過啲相，修長肌肉型，有胸有六嚿腹肌，好黑實，腳毛同陰毛又密，後者生到上肚臍，好性感；個樣方面幾 "純"，無乜 "撈" 味，另外佢係廣東人，認講白話，有分加；服務方面好實在，夠主動，同佢吹幾下就硬哂，仲叫哂床，條屌有成 7 吋，同個人一樣 "修長"，做 top 都有技術，不過出得快咗啲；價錢就實收 500 人民幣，無話另收車費，今次經驗整體我可以收夠佢 4 分，如果可以插得長時間直情係 perfect。

另外又叫過呢個 "唐龍" (下圖)，同忠興一樣都係我好受嗰 type，夠高同好 slim fit；由於佢喺廣告放啲相明顯做假，我又先用 QQ 同佢 chat 咗先，佢都好認做發咗幾張 "生活照"；見到真人確實係唔差，數字基本準確，條屌就比忠興細少少，服務都交足貨，但係又衰在出得快，前後唔洗 15 分鐘就玩完。

同忠興比佢就好 "撈家"，而且幾多口水，之後同佢傾偈佢就猛咁彈我地啲香港客麻煩，要求多又唔願比錢；不過就賣相同服務整體都算中上，加上都係收 500，可以比佢 3.5 分可試，但係要翻叮就一定揀忠興。"

多謝 B 兄提供。

本月假相之最 (16)

2011-09-01T12:08:00.005+08:00

呢個 "飛韓" 上次有巴打叫過，如果要玩壯熊其實都 OK，不過呢張就真係要攞出嚟笑下。

同文化︰最詳盡本地 saunas 介紹 / 評論

2011-09-01T10:24:00.004+08:00

最近有網友向鵬佬提起一個本地開咗幾年嘅 blog，係用英文寫，作者應該係喺香港住咗好多年嘅一個老外，話自己係大隻靚佬，經常喺唔同 saunas 出入；個 blog 唔單止對每間入面喺設備、衛生情況有詳盡介紹，對邊間多乜客、邊日幾時多人同容唔容易揾食都有好多資料；不過呢位叫自己 "FuelMix" 嘅老友寫嘢比較尖酸刻薄同 bitchy，又經常叫我地本地人做 "chinks"，實情係唔太客氣。

不過事實係呢個 blog 主對有啲本地 sauna 客嘅所謂 "態度" (attitudes) 又寫得幾生鬼；鵬佬之所以少去，都有小小因為覺得本地同志比較難 cruise，成日黑哂塊面咁，咁大家都係為出火，歡容啲未更給引。最記得有次同個朋友去 Alexander，大家分頭喺迷宮揾食，特然聽到個 friend 好大聲鬧︰"我 (小狗) 你，你做乜 (能) 嘢﹗"，見到問佢原來佢之前跟緊個大隻仔 (我個友人本人都唔差)，最後大家停咗排排企，我個朋友以為有機，就輕輕拍下條隻仔個膊頭，點知佢好大反應好大力咁馬上推開我個 friend，好似想打人咁。

所以呢，去玩都玩到咁火滾，不如喺屋企開住 G 片打飛機好過 (笑)。如果有興趣個 blog 叫 "Fuel Injected Male"，都幾搞笑。

遊記︰我在東京的 Shangri-La (2) 日本 GV 業

2011-08-31T09:28:00.015+08:00

上回講到友人浜田係都要鵬佬同佢兩個做基片視頻嘅朋友見面，咁佢地出 VIP 飛請我去 Muscle Beach Party，點都要比下面；佢地做邊個 website 就唔開名，不過後面有兩個集團嘅社員做搞手，都係喺大阪嘅大 GV "企業"，手上有幾個 labels，大部份香港同志都識，一間主要做筋肉同壯熊系列 (代表個社員是但叫 "小林")，另一間就做啲年輕啲 ("井上")，而且主力拍好多在校直仔大學生片 (下面詳談)。

食飯嗰間大家都好客氣，其實都係因為有我呢個外人，不過好快都入到正題，就係本日 G 片同其他大嘅成人制片市場唔同之處，就係佢地定期需要好多新面孔，咁當然新人嘅質素就越高越好，但係同時又要控制到成本，所以好多呢類片商都打緊大陸人主意；原因當然佢地有個 (錯誤嘅) 睇法係大陸人會較平，另外係近年某啲片商嘅揾仔手法同拍片內容都雙繼出事。

佢地講事原係日本近年好流行 (即係賣錢) 啲以所謂 "現投" 運動員同大學生系列，又啲又以 "喰い" (揾) 直仔做招來，揾啲願意為錢做一、兩次嘅非專業演員，大部份都係用完即棄，要不段有新片出就好靠一班專幫呢班片去揾仔嘅專業 "說客"，喺啲人流多，學生、年青人經常留連嘅地方落手；出事就在於近年有好多運動員同學生被發現後比人踢出隊 / 校，而且為咗要啲傻仔肯落搭，除咗用錢，有時更加會有其他 "好處"，例如前年有單喺大阪有說客向班肯上鏡嘅大學橄欖隊隊員提供大麻，卒之拉咗幾個。

不過鵬佬心中有數，佢地更大鑊係為咗競爭，尤其係呢類以年青直仔做買點嘅基片，唔單止要新面孔，"動作" 方面單係打下飛機、比人含下同用玩具 "通櫃" 已經唔得，近年好多都見到啲仔比人 "生掘" (無套被插) 嘅場面；雖然好多片商都有幫演員定期做體檢，不過始終有好大風險，尤其係好多呢類片都係來來去去用幾個 "蛙鏡男" 做 top，其中一個中招都會好快咁傳染開去，對於呢班腦筍都未生得埋又等錢洗 (當然好多係貪錢加貪玩) 嘅年青人係好唔公平，而明知危都要求佢地做，手法更加係無乜道德可言。

知道咁情況同 "小林" 加 "井上" 傾到題都好小心，怕講錯嘢得罪人；咁講翻大陸，佢地的確揾過人，拍過啲短片放上網 (有個係上次佢地喺深圳叫過)，不過實情就無佢地諗得咁易，因為啲鴨佬一聽到係日本人就開天殺價，而且好多傾傾下最後都唔願拍，鵬佬就解釋話可能佢地要揾啲較成熟嘅壯爺優熊，好多都結咗婚有家室，單係網站掛想都仲可以唔認係自己，錄像有露面就點到走唔甩，話就話只係喺日本 / 文網站播，出街後唔洗幾日就比人下載咗喺 BT 同 eDonkey 放通街。

講講下都知無乜可能更進，只怪自己當日多口，未諗清楚就同人話有興趣搞一份。不過日本個同志色情出版業真係一個好有趣嘅題目，真係去探討嘅學者同書籍少之又少，近年外文嘅就我知只得由一個住喺美國嘅攝影家畑智章 (Tomoaki Hata)，一本叫 "The Night is Still Young" 嘅相片同文章集 (見上圖加下面兩張，書入面幾張 GV 拍攝現場相)，大家有興趣可以去揾下 (據聞喺 Page One 賣過)。如果班位高人知道有其他，就記住通知聲。

下期講下遇返過出嚟賣過嘅朋友。

遊記︰我在東京的 Shangri-La (1) Muscle Beach 2011 現場報道

2011-08-25T11:28:00.018+08:00

上個月去咗東京一次，除咗有啲公事要辦，最大原因都係大地震後去探下朋友，同去喺 Ageha 個 "Muscle Beach" 派對。比人追咗成個月，卒之都要開始寫－老實講去 Ageha 去過十數次，後生啲嗰陣仲可以，依家見到咁鬼多人，仲要通頂玩到朝早，好似我咁班又咁唔劈酒又唔拍嘢嘅中佬，飲幾多罐紅牛都捱唔到。之不過有貴賓 passes，又有人開車接送，加上請我地去個老友識班搞手，話明可以介紹識啲 gogo dancers，咁都要推真係會比雷劈。

行程中午開始，因為攞到入場飛個友人 "浜田" 約咗幾個舊年去過深圳做炮兵嘅日本朋友喺東京站附近食飯，佢地話仲想鵬佬幫手喺大陸揾人拍 AV 喺網上做收費下載 (講下就得)，另外就加多兩個當晚會演出嘅 "舞男"，因為佢答應食完飯先開車先送佢地去採排；同班鹹片佬傾過啲乜下回再詳談，不過就幾服我老友浜田，識咁多呢啲 "江湖中人" (喺日本拍得 AV 無論係直或者 gay 唔多唔少都有啲 "背境")。

去到食飯地點浜田已經到咗，張枱仲有兩個著住小背心嘅大隻猛男，其中有一個有紋身嘅好熟口面，介紹先知原來係做過 G-Men 男模又拍過片嘅 "篤志"，另外一個叫 "TAKe"，都係浜田大阪啲鄉里，跟往啲鹹片佬先到；有美男陪食當然好過癮，一路傾佢地都問大陸嘅情況，有無 party scene，因為話有同行話比人請過去上海同北京啲 clubs 跳舞；鵬佬又未聽過，不過呢幾年日本經濟死魚一條，雖然啲排日新聞都好多炒作，好多人仲好抗拒大陸，不過無論乜嘢行業，學普通話同想去揾工嘅人確實多咗。

食飽浜田就先開車送兩個舞男去新木場，自己再返新宿三丁目嗰邊行街 (主要係揾舊黑膠唱片同書)，再約啲舊同事 dinner 先返酒店瞌陣再換衫 (指定要著背心)，阿浜田先再車我同佢另外幾個朋友去 Ageha；真係好彩有 pass，十一點多啲去到都打哂蛇餅，喺入口留連咗一陣，都已經聽到啲廣東話同國語 (不過成晚都無遇到香港朋友)；我就跟住浜田由另一邊入，直去大舞池個後台，不過就有啲失望，只係見到幾個 "人妖" drag queen 喺到化緊裝 (不過原來係大名鼎鼎個 "生森明菜"，下面講)，阿篤志又唔知走咗去邊，大部份啲 dancers 都未開始準備。

行返出去先去由喺二丁目間 "Wordup Bar" 搞嘅 "Women's Secret" 部份，都開始有啲人剝衫曬肌肉，大嘅午夜就開始有 gogo dancers 喺主舞池嗰邊表演；今年個 show 係幾有心思，兩排壯男一上一下喺搭台上面扭扭下，中間有塊半透明磨砂布遮住，好似一個兩層嘅 shower room 咁 (見上圖)，絕對有睇頭；舞池入面就越嚟越多人，鵬佬就嘢多過跳，不過今次就覺得多咗好多 "喪女"，玩得仲忘型過啲基佬。

再夜啲喺另一個叫 "BOX" 嘅場區就開始有表演，原來就係 "生森明菜" －聽到個名都知佢專扮 Akina，個樣就只可話同 "難破船" 嗰陣個熟女造型有幾分似，不過把聲就似到十足，尤其喺佢出名嗰下 "低震音"，開頭你話佢係放唱片 "咪嘴" 我都信；後來同班新朋友講開話 "生森" 近年喺二丁目個 scene 幾出名，加上仲有同一個扮松田聖子一齊拍住出 show，好搞嘢；在場班明顯年紀大啲，不過都好似小粉絲咁好投入，高潮之一喺大合唱明菜隻嘅舊歌 "スローモーション" ("Slow Motion")，呢隻睇怕無 40 出頭都未必記得。(笑)

跟住就係當晚個高潮，由班叫 "乱雄會" 嘅壯男著住六呎禈嘅出面個草地打太鼓 ("六尺夏祭り 2011"，下左圖)；打就打得幾好，不過唔明點解包得咁密實 (係包到上肚皮)，露多啲肉未更正 (笑)，不過好在下面啲觀眾好多都脫剩條小短褲，而且好多都 high 鬼哂，如果係幾年前鵬佬一定唔理三七廾一去咗抽水。

最後個幾鐘都喺 Box 同主舞池兩邊走，阿 "生森" 繼續有表演 (真係好似個 full concert 咁，又唱 "Desire" 又唱 "十戒")，班 gogo dancers 又走到舞池中間同大家親密啲 (上右圖)，氣粉真係好好；我地班就無諗住玩到天光，之前都約好咗四點半後門口集合，攞車出返市中心。今年都算玩得開心，只可以話服咗班日本人，搞呢類 party 喺亞洲只有佢地做得咁 pro。

其餘幾日所見所聞下次再講。

PS - 鵬佬無 smart phone 又無帶相機，啲 friends 又未 send 返啲相比我，暫時用住網上揾到啲頂住

同政治︰本地反河蟹教徒成立 "監官聯"

2011-08-24T14:56:00.016+08:00

鵬佬一直提住 "鳴肛" 同其他班所謂耶教保皇黨，其實無咁多人關注仲有成村高官教徒喺建制入面；唔洗講邊個，我地個特首就係一位自認好堅貞嘅天主教徒，跟住由唐唐、曾俊華到下面個林公公、律政司司長王仁龍、保安局個李少光都係 "教友"，有人計過數，香港主要官員耶教徒佔嘅 "職位比重" 有近 82%。咁當然信乜宗教對佢地做官未必有好大影響，加上出面大把 "週日教徒"，返聖堂去聚會當社交，有啲又信得低調，無乜幾個好似林瑞麟咁又去見証，又喺議事堂 quote 聖經。

不過去到某啲位，確實又有啲可疑；好似社署比錢 "新造的人" 去做社工培訓，其實早有前科，大家都可能唔記得早幾年教署批個錢比 "鳴肛" 搞人權課程，都比人嘈過一鑊 (明珠台個 "Pearl Report" 當時就做過一集)，佢地又一邊反睹、一邊收政府錢搞戒睹 "輔導"，所以都有人質疑過到倒佢地當年咁落力反對馬會搞睹波張低牌係乜，而只係作為一個壓力團體，政府都放水比佢地搞啲涉及專業范疇嘅 counseling 工作，攞到資助之餘又開哂路比佢地傳道，咁係唔係只係買佢怕，又或者只係搭台戲做大龍鳳，其實一早 "預咗份"？

講返康貴華單嘢，鵬佬之前提出過作為一個主管社會福利事項嘅部門，社署入面啲官就算幾低 B，都無理由唔知 "新造的人" 對同性戀套理論客氣啲都只能話係 "極端少數"，都仲批到比姓康呢個蛋散，一定會令人質疑社署入面係邊個做呢個決定，咁依加個署長叫聶德權，"咁啱" 又係教徒，而且都經常性 (以個人身份？) 參加教會活動，而有啲明顯有宣教成份 (呢單上聖公會直情話聖經改變佢 "生命")，咁問題係，社署入面上致聶德權，到下面班都係教徒，又或者知道 "上有所好" 嘅 AO、EO 喺呢類 "資助" 活動入面有無因為佢地或上司嘅宗教背境，加上佢地同某啲教會勢力 "雙熟" 而有所偏幫？

鵬佬唔係記者，不過上網 check 下，呢個 "假定" 唔係完全對聶德權或社署唔公平，因為 (有教會網站報道) 佢自己講過 "要看到更多教會出來關愛社區"；其實單係呢句，如果係真，由社署署長講出口，你都唔好話唔 O 哂嘴，而作為同志，喺當下主流教會越嚟越保守、恐同嘅日子，你都咪話唔擔心。唔知有邊位睇開個 blog 嘅巴打做新聞嗰行，真係要鼓吹下多啲關心呢個題目。

講返呢個有班開明啲基督徒，喺 Facebook 搞咗個叫 "監官聯"，網上話佢地︰

..期望那些不能符合人民基本期望的現任高官，在執行違反基督信仰的政策與政務時，不應再使用基督徒的身份。我們尊重每一個人的工作選擇，卻不能接受基督徒身份被專制政治挪用。

簡單啲講就係反對有人利用耶穌搞 "河蟹"；上次 71 遊行鵬佬都見到好多教徒，又唔係個個信教都會跟住班反睹偽道德同 "鳴肛"，咁確實係好事。佢地另外又自制 videos (下面)，結尾嗰句真係問得好︰"林瑞麟信耶穌？唔係呀嘛？" 唔單止可以針對班高官，其實呢個問題我地成日仲會套用喺蔡志森、康貴華同蘇穎智身上。

同政治︰加拿大 "同權之友" Jack Layton 過身

2011-08-24T12:02:00.005+08:00

雖然近幾年都少關心加拿大新聞，不過近幾日都收到唔少喺嗰邊嘅老友用 email 同喺 Facebook 提起佢地第二大政黨 New Democratic Party (即係最大反對黨) 嘅主席 Jack Layton 特然逝世嘅消息，大家都好傷心，尤其係班同志；Layton 個政治 career 可以話幾傳奇，一路喺保守同自由 (liberal) 兩派之間主張一套所謂 "正面民粹主義" ("positive populism")，而且對同權議題特別關心，由鵬佬喺多倫多讀大學嗰陣 (90 年代初) 已經支持同推動同志婚姻立法，同對 HIV 病友提供全面醫療。

DNP 一路都只係細黨，直致今年年頭個選舉先贏到開哂巷，而且好大部份新議席都喺魁人政黨 (Bloc Québécois) 手上搶翻嚟；喺加拿大或比較清楚嗰邊局勢嘅老友都知，上個大選之所以咁大 impact，就係一直都只肯比票魁黨，大部住喺北克嘅法語羣體，都好大原因係 Layton 嘅個人魅力，轉駄投 DNP 票。

早排 Layton 已經公開過自己有 cancer，當大家都以為佢嘅病情有轉機就特然過身，真係好可惜；加上佢又係 DNP 嘅支柱，早幾個月先帶領個黨贏到咁多新議席，對未來加拿大嘅政局一定有影響。

本月假相之最 (15)

2011-08-24T11:00:00.006+08:00

最近忙到啊媽都唔認得，莫講話去玩同 update 個 blog，連瞓嘅時間都唔夠，大家見諒無乜新料；講翻啲出神入化嘅鴨仔 PS 相，有時未見過真人係無得對比，好少有人傻到兩個版本都喺同一個廣告或網店出現，所以真係要頒個 "誠實" 大獎比呢個 "東北爺們" (下圖)；都好，可能佢上次比人 reject 得太多都唔定，以為點咗個肌肉爺，原來係個瘦骨妹，咁已後見到呢個 style 嘅相，真人要打幾多節大家心中有數。 (笑)

客籍鴨評︰新疆靚仔

2011-08-19T12:19:00.005+08:00

近排成日話多咗同胞南下香港揾食，不過就良莠不齊，假相勁 photoshop 又多，擺明係呃，成百個喺 GayHK 嘅廣告得個亂字；但最近就收到一位新朋友啊 KT 兄，話其實咁樣先係好市，只要小心啲揀可能會有驚喜︰

"其實一直都有留意幾個廣告，特別係呢個 "David" (見上圖)，佢頭一、兩次嚟香港我有打去問，不過就打極唔接，揾到就一開價就叫一千 (港幣)，好似唔憂做咁，所以跟住再見到個 ad 都無 followup；今次再試，前日只先發短信，一陣就覆，而且只叫 600，都無再講價就 book 咗放工見。真人比相正，個樣好 "乾淨"，返而無張相影得咁老相，而且同 Solar 對孖仔真係有 7 成似。

個廣告上面啲數字基本準確，身裁好修長，真係有 6 嚿腹肌，加上有胸毛，脫光係有啲拉丁人 feel (無問，估係維族人)，條 J 唔算大，有 6 吋中粗，好直，唔洗點搞就硬哂；開始唔算太主動，有啲 cool，不過做 top 就真係一流，比佢又快又慢咁插咗成十幾分鐘，只係我自己未出到，佢又差唔多到但係又唔想射，我就叫佢先出返嚟，再用手指入我，跟住佢都好有耐性咁 "撩"，直到我 high 哂射到為止。

雖然開始好似唔太熱情，整體感覺都幾投入，就算只係用手指插我嗰十幾分鐘佢條 J 都無軟過，又會好似色迷迷咁望實我，間中又會同我惜下嘴，幾 romantic；我出完佢又無立刻去沖身，仲係咁攬住，玩咗粒幾鐘都無特別想要我走。以咁上菜嘅賣相，加上交足貨，我會比夠 4.5 分，如果佢肯陪我射更好，不過都了解啲仔想 "留精"，反正我玩得開心就 OK。"

多謝 KT 兄﹗

音樂：鵬佬嘅 "開心音樂"

2011-08-17T16:28:00.003+08:00

最排日日都 loop 住呢首 "Mi Bendición" 嚟聽，就連個 ringtone 同個鬧鐘都 set 咗，一早聽到真係會笑住起身；Juan Luis Guerra 係老牌拉丁音樂唱作人，喺美國同西班牙都勁紅，不過佢已前啲出品鵬佬覺得老土咗啲，不過呢隻新碟可以話轉到風格，咁正，當然要分享下。

客籍鴨評︰大嚿 "雄威" + 深圳 "直" 骨場

2011-08-17T14:22:00.006+08:00

其實一路都有巴打問喺某啲深圳直場有無 "境"，鵬佬真係答唔到，因為去得太少，又無特別留意，另外喺外面有幾個骨場專家，好似 "老趙" 兄就有自己嘅 "情慾按摩院" forum，小弟都無謂班門弄斧 (講開又講，唔知老趙兄有無上呢個 blog，有就聯絡下)，不過最近同 "老馬" 兄傾開，佢話發現喺 "香江明珠" 有班 "熊技師" (見上圖)，有一、兩個肯定已前跟過啲網站上架做過外賣 (下面再講)，有啲都幾熟面口，加上佢早排喺香港叫咗個南下揾食，都同老馬兄提過佢都係喺 "香江明珠" 做 (雖然張相見佢唔到)。

先講老馬兄叫過呢個 "雄威" (下左圖)，個廣告喺 GayHK 落咗，不過跟住呢條 link 仲上到；真人同相差唔多，有成 6 呢高，200 磅以上，夠哂壯同大嚿，加上個樣都幾爺同有 goatee，賣相好 "優"，如果係鐘意 "追熊" 班巴打應可以收貨；阿雄威先幫佢做咗 15 分鐘按摩，手勢力度都算唔錯，不過按按下佢地雙方都開始有反應，所以都無再做哂個 course 就開始搞嘢。

一開波阿雄威都好玩得，可以接吻又肯幫客做 rimming，只差吹簫啲功夫就生硬咗啲；條 J 都有 5 吋，夠粗，做一夠落力，但係老馬兄話唔知會唔會係接得多客，又或者差少少 chemistry，加上年紀都過 40，中間插插下有啲放軟，不過整體都交足戲，加上外賣都係收 600 港幣，喜歡玩熊可以等佢再嚟去試下 (廣告上面有 QQ 號)。

講翻香江明珠班 "中醫技師"，心水清啲可能會記得個部長 558 號，就係早兩、三年寫過，同好多人有興趣個 "滄海一帥熊" 阿龍 (上右圖)；自從個鴨評出咗無幾奈就失咗蹤，無見佢再喺啲網站掛牌，原來都仲喺深圳，照咁睇有佢領班啲其他技師會唔會都有加碼服務，就真係要明查暗訪一下。不過老實講，鵬佬覺得係要做按摩就做按摩算把，無謂喺嗰啲場搞其他，加上呢陣大運嚴打，都係小心啲好。

同政治︰國外支持香港反 "變直" "治療"

2011-08-17T13:16:00.004+08:00

估唔到香港單社署比錢支持 "新造的人" 搞社工培訓班，喺外國都有啲 noise －上個星期就有人喺 (好似) New York 嘅香港經濟貿易辦事出面示威 (下面有 video)，另外美國韓裔同權人仕 Dan Choi 喺網上發文同收隻網上簽名，要求香港政府馬上停止用公共開支比錢呢班耶教極端份子搞話動；阿 Dan 當然唔只關心亞洲地區同權發展，從佢喺美國嘅角度，係要美國人都知道近年當地班極右耶教份啲恐同毒素，已經向世界各地漫廷︰

I write with great concern because Hong Kong's Social Welfare Department recently held a workshop for its staff led by a psychiatrist who claims he can "cure" LGBT people by having them take cold showers. The quack doctor, Hong Kwai-wah, is affiliated with Exodus Global Alliance, a discredited group whose work is rejected by every major medical and mental health organization. As the "ex-gay" message fails in America, Exodus is looking to exploit new markets and export hate overseas. Exodus' last global "outreach" was in Uganda, leading to the notorious and deadly Anti-Homosexuality Bill. This is why it is crucial that we stand up today against Exodus' opportunistic spread of homophobic lies in Asia. By signing our petition, you will tell the Social Welfare Department that its endorsement of "ex-gay therapy" is bringing great shame to Hong Kong and making a mockery of the department's mission to empower communities with dignity, harmony, and happiness.

段文提到烏干達，亦係鵬佬近期好關心嘅新聞，經常喺 blog 同大家 update，另外 "Exodus Global Alliance" 近年確實喺大中華地區好活躍，除咗香港，喺台灣更加有正式分會，叫 "台灣走出埃及輔導協會"，除咗同康貴華班一樣收錢幫人做 "輔導"，早排更帶頭反對將同性戀列入性教育課程，又照抄喺美國班耶教保守派啲仇恨言論，週不時都四圍演講同發文鼓吹恐同，中毒程度同本地個 "嗚肛" 有得揮。

關心之外各位巴打記住上網幫忙簽個名。

同政治︰最後一個 "粉紅三角" 幸存者過身

2011-08-08T13:22:00.006+08:00

美國經濟同政治呢幾個月七國咁亂，加上大選在即，班所謂 "茶黨" 同極右耶教原教旨主議者開始聚集，整體社會繁體保守勢力抬頭，同性戀已經肯定又會比人擺出嚟做磨心；近期好多人將 "保衛傳統家庭" 扭曲成為反對給予同性戀者基本人權嘅一大理由，道理越講唔通，就要越將我地妖魔化，如果唔係怕呢類仇恨言論真係會影社會政策 (睇下烏干達就知可以幾嚴重) 加上同志族群嘅人生安全，聽完都只係覺得好搞笑。

可以極端到點？例如呢個 Tony Perkins，係 "傳道人" 又係美國頭號恐同仇恨組織 (hate group) "Family Research Council" 嘅話事人，實牙實齒 "預言" 將會未世出現個反基督 ("Anti-Christ") 惡魔一定會係個基佬；另外一個叫自己做 "先知" 嘅女 "傳道人" Cindy Jacobs 又事後孔明話早排無原無故死咁多雀，就係因為美國通過廢除 "唔問唔答" 政策 ("Don't ask don't tell")，容許公開身份嘅同志參軍，搞到阿上帝好唔 likie，先比個警告咁話。

呢啲咁充滿煽動性嘅言論當然好危險，不過更有毒性嘅就係啲所謂歷史修正主議 ("Historical Revisionism")，將一啲全無政據支持嘅理論硬加於某啲歷史事件上面；例如上世紀歐洲最殘暴嘅人為災難肯定係德國納粹二戰屠猶，其實一直都有人提出話希持拉係同性戀，目的係要將 "屠猶" 呢個罪名 "莫須有" 地加喺所有基佬身上，英文叫 "guilt by association"；最近又有個 Bryan Fischer，週不時最多驚人費話，又係另一個 "保衛家庭" 仇恨組織 American Family Association (AFA) 嘅高層同電台節目主持，再加多兩腳話如果無一班同性戀嘅心腹，希持拉根本無辦法殺咁多人，因為只有啲基佬先可以咁無人性跟隨命令。

呢類將同性戀拉上納粹惡行嘅 "修正" 思想，近年喺好多耶教組織成為主流，要 "多得" 呢個 Scott Lively；佢早年出身於 AFA，後來自組一個叫 Abiding Truth Ministries，十幾年前出過本書叫 "The Pink Swastika"，話同性戀者先至係納粹主議嘅發明者 (個 quote 係 "homosexuals [are] the true inventors of Nazism and the guiding force behind many Nazi atrocities")；當然本書無主流歷史學家認同，但係偏偏就比班極端耶教恐同份子照單全收，包括烏干達班支持 "殺基法"，好似 David Bahati 咁班議員、官員同有勢力嘅 "傳道人"，而 Lively 更加 "功不可未"，因為近幾年佢就成日去非洲 "講學"，勁讚烏干達先至係依照阿神旨意嘅 "理想" 國度。

事實又係點？先唔講納粹班精英 "黨衛隊" ("Schutzstaffel"，簡稱 "SS") 係基超錯喺邊 (下次再寫)，歷史事實就係二戰期間納粹德國一直迫害同性戀者，被拉就最少有 54 萬人，其中估計 15 萬人送咗去集中營 (全部被紋上一個 "粉紅三角"，亦係 Pink Triangle 嘅典故)，當中 6 成死喺入面，最悲係德國戰敗後營入面啲猶太人同其他幸存者都被解放，唯一係呢班同性戀者，好多人被送返原地仲要繼續按當時嘅刑法收監 (德國要到 90 年代先全面合法化)。

呢位 Rudolf Brazda (上圖)，就係最後一位同志集中營幸存者，早幾日 98 歲過身；Brazda 早年喺捷克，年齡好細就好公開，大戰前都比人拉過，到德國入侵後喺 1942 年因為 "重複再犯" 罪 ("repeat offender"，係未有啲似烏干達條草案) 被送入集中營，解放後移居法國，一直都有積極參興教育活動，將呢段歷史留意落嚟，前年出咗部自傳，記錄當年點比納粹軍官喺營入面被煎熬同其他同志嘅悲慘經歷。

鵬佬成日都提住呢班美國耶教極端恐同份子，大家可能唔多在意；但係久而久之，呢類毒性咁強嘅仇恨，加上本地班保守教會勢力將啲思想移植本地，同佢地支持班 "嗚肛"、梁美芬同黃成智咁推波助瀾，一有同同權有關嘅課題就出嚟抽水，嗰邊越毒，班本地恐同就越跨張；碰到啲例如基佬係 "anti-christ" 之類神棍嘢，對唔信教啲影響唔太大，不過呢啲歷史修正，對啲無基本認識嘅一般港人 (即係大部份)，可以被呢隻仇恨 "病毒" 傳染到嘅機會唔可以話細。

認識多啲、了解多啲喺呢個亂世總係好事。

音樂：近期值得注意 "拉闊"

2011-08-05T16:49:00.004+08:00

上次寫 Elbow 個 show，有巴打投訴話有好嘢做乜唔先單聲，咁以下兩個 Gigs 就唔好話鵬佬無通知 (笑) －先係呢隊新進啲嘅 Friendly Fires，英國組合，以跳舞嘢為主，風格個底係 Talking Heads 啲 New Wave 加啲熱帶節奏，再加 The Avalanches 啲怪雞 drum beat 同 remix 手法，主流得嚟又唔會太公式化。佢地到依家出過兩隻大碟，鵬佬仲係比較鐘意第一張同名 CD (下面隻 "Kiss of Life" 應該係 debut single)，夏天用嚟炸機最正；第二張叫 "Pala"，新鮮出爐，仲未有時間聽哂，不過有幾 cuts 都唔錯；所以除非特然要行開，雖然都知道自己可能係全場最老餅嗰個，都會 16 號去又九展襯下熱鬧。

另外下星期 Suede 又返嚟唱，喺機場，都仲有飛賣；其實都係有老友叫去，由於都要成 780 一張企位，都仲有啲心大心細，因為從來都唔係粉絲，最鐘意嗰隻大碟返而係後期好 rock、好多舊 fans 話佢地 sold out 隻 "Head Music"，尤其入面 cut 主打細碟 "Electricity"，到依家都間唔出放喺個 iPod，不過我估都仲有班 "成熟" (i.e. 老嘢，笑) 會去睇。

遠啲仲有日本友人叫下個月去仙台睇 "ケツメイシ" (決明子) 同 Funky Monkey Babys 為大地震籌款開嘅大型戶外 concert；FMB 自己麻麻地，不過一直都有追住聽決明子 (雖然近兩、三隻專集只算 OK，都仲係覺得 05 年隻 "ケツノポリス 4" 最正，特別係呢一 cut "ドライブ")，鐘意佢地啲歌夠明快，而且又係出名玩 live 一流嘅樂隊，加上可以順便放個長週未，返去宮城嗰邊睇下變成點都算係支持下佢地啲本土經濟。

咁呢個 summer 都算好節目啦。

客籍鴨評︰大牌西北多毛爺門

2011-08-05T13:06:00.010+08:00

最近都無乜特別鴨評好寫，真係要靠各位多多幫忙，以下幾個要多謝新朋友 JC 同長期過料比鵬佬嘅老馬兄；先講個好讚嘅 "超班" 鴨，JC 提供－呢個 "多毛爺們" (見左圖) 經 "亞克西" 揾到，張相雖然有修過，啲六嚿腹肌都係畫出嚟，又清咗上身啲紋身，塊面都有些少改動，真人有眼袋，不過整體算中上，夠高 (5' 10" 咁上下) 夠壯，而且真係多毛 (不過下面啲體毛都修剪過，唔會又密又亂)，重點係佢有條靚牌，有 7 吋，唔會太粗，個 shape 有小小向上彎，係 0 仔恩物。

JC 話佢入到房好自然，笑得又靚，一開波就主動同佢對嘴接吻，摸幾下就起哂機；JC 唔慣做 bottom，雖然阿多毛哥好想插佢，佢地都只係用口，不過都玩得好熱烈，因為條仔好放，鐘意帶住對手玩，又多 dirty talks，一路頂佢喉嚨又一邊按住個頭，交足戲；到佢出嗰下就更不得了，好似開水喉咁，阿 JC 話比佢 "顏射"，唔單只係塊面，仲噴到佢成個膊頭都係，勁過日本出名係高射炮個基片明星 "航君"。

"亞克西" 間唔中有啲獨家筍貨，好似早排提過呢個新疆仔，一般都係收 5、6 百人民幣加車費 (阿毛爺收 600)，大家可以留意下；另外 JC 有單 complaint，話同一日喺 "阿根" 叫咗個，原本話半個鐘到，遲咗打上去個鴨頭啲聲氣又差，一味答話 "在路上"，最後成個幾鐘先有人拍門，而且唔係叫嗰個，JC 當然車費都唔肯比叫退貨；今日同佢 check 下條仔個 number 同張相都無再見到，可能 "炒" 咗，不過個 agent 咁嘅態度就真係唔要得。

加多個老馬兄提供呢個 "一品壯熊" 嘅 066 號 (下圖) －雖然喺熊店掛牌，呢個其實係 "小朋友"，得廾幾歲，5' 8" 多啲，偏瘦，都算多毛，不過就一定唔爺，但係服務主動，玩得放又可以 kiss，條 J 都有 6 吋，夠硬，做 top 功夫方面就未算太熟手，不過都交足貨，阿老馬兄雖然偏向喜歡玩熊，呢個 twinky 啲都玩得幾開心。

釘橋哂兩位﹗

同政治︰烏干達 "殺基" 法隨時死灰復然

2011-08-05T11:58:00.004+08:00

有跟開個 blog 都知鵬佬好留意烏干達條 "殺基" 法案，原因已前都提過，而之前最新發展係喺五月國會解散之前，條法案都只係停留喺審議階段，未得到通過；根據最新報道，呢條法案可能會喺八月前再提交新一屆國會，而且會用 "快線" 程序盡快要求立法；另外嗰項 "aggravated homosexuality" 嘅罪行仍然會保留係死罪，即係包括與未成年或智障人仕咁發行同性性行為，加上所謂 "repeated offender" (指多次被判同性戀罪行) 都會被入罪。

而呢條法案嘅發起人 David Bahati 雖然比好多外國政府同傳媒批評，但係佢喺烏干達國會入面嘅權力就越嚟越大，已經升到做國會核心小組 (caucus) 嘅副主席；另外仲有另一個議員 Otto Odonga，都係耶教狂人，講明如果有日法案通過，佢會親自去處死啲基佬，就算係自己個仔都照殺，而呢幫人將會喺未來幾個星期從新提出通過 "殺基" 法。

有興趣想知多啲可以跟住呢條 link 下載條法案嘅 PDF；照咁情況睇落就唔太樂觀，如果有乜新進展，鵬佬會馬上 update 大家。