遊記：淫亂之最發展場 + 東京基場指南(四)

之前提過啲吧同 saunas，好多香港人都識去，雖然有啲如果你唔識日文會好難玩到盡興，但係最少佢地都會歡迎外國人。喱啲都係日本同志色慾市場最表面嗰層，更入啲就好難比外地人接觸到，莫講話唔識日文，唔喺當地住同好留意啲最新動向都 catch up 唔到。之前一路講 "发展場"，有老友問係乜，亦都有朋友指出 "乜 saunas 就唔算係發展場"？老實講，無深入研究過，以下都係大隻鵬自己同朋友討論同觀察到嘅結果，若有偏差請其他高人指教。

我記得重喺東京讀書嗰陣，發展場喱個形容詞未有咁多人用，嗰時有人用嚟指一啲可以比人 "釣魚" 嘅好似浴場、公廁同公園咁；"釣魚" 日文可以叫 "クル一ヅソグ"，即係英文 cruising，所以啲 saunas (日文係 "サウナ"，由於都有房出租所以一般叫 sauna hotel，"サウナ.ホテル") 都唔歸入發展場嘅定議。到十幾年前 90 年代中後就有喱批新興嘅公開同半公開式，專門比人揾嘢嘅地方，叫 "ヤリ部屋"，個場地一般只會喺啲商厦，有時重會喺民居入面，而早期就係專比人玩啲服裝 fetish，例如指定只能著某類內褲或六尺禈，更有啲係專玩 S&M，由玩剃毛、 性玩具、"水運動" (watersport) 到 hardcore 到拳交 (fisting) 都有；另外當然又可分開不同客層去玩，好似專門比 "熊系"、"筋肉系"咁，如果你唔係嗰類，個場直情唔會比你入。

久而久之，由最初用 "ヤリ部屋" 指啲專玩 S&M 同 fetish 嘅細場，到依家用 "发展場" 泛指喱所有喱類收費嘅搞嘢場。係東京最早咁玩應該係 Dobermann Group，就喺新宿，我知由佢地主理嘅場就有 Destruction (見左上圖係佢地嘅廣告) 同 Gripper，都喺近大久保駅嗰邊同一座樓，另外喺嗰邊重有幾間好似淫獸野郎館 (比啲年紀細啲)、Grizzly 咁，數得出都有十幾間。喱幾年返到去有時會撞上去玩吓，對上一次係年頭，有個朋友話有間喺五丁目叫 Magunum 好玩，嗰晚主題叫 "乱交交尾熊祭"，又話要著皮短褲，好彩都入到，不過係星期三，人唔算多。係正二丁目又有間叫 Deep，舊年去過，重有間叫 Battle，好似話歡迎外國人；近排又去個一間叫 Popeye，喺池袋，玩得都好放。重有幾間好似 A Studio (喺上野) 就比啲年紀大啲，40 - 50 代都歡迎。

要去喱啲場首先要住意係佢地啲客層，重要先上網睇清楚佢邊晚玩邊科，而且有啲喺擺明唔受外國人玩，就算係其他亞洲人都唔比入；我有個台灣朋友，日文算 OK，個樣都有 9 成似，有次上某一間一開口講嘢就比人發現，都比人請走。視乎門口個管理員，有時佢地會好揀擇，例如當晚話係比 "30 代 "，佢覺得你超過或未夠就要睇 ID；另外佢地又會因人收費 － 例如嗰晚係玩 "筋肉系"，大隻佬入場有節打；又或者玩咩 3P4P，佢地會係 0 仔同 1 仔身上打啲唔同嘅記號。所以一入場要答問題，如果大家唔識日文，想扮嘢入場好易會比人識穿，衰啲班真係會唔比你入。

喱啲長期開張做生意嘅，喺東京市就已經有幾十間，另外重有啲係不定期咁開，重有啲更家係自己友幾個人，揾到地方搞再上網宣傳，多啲人玩之餘重分分鐘有錢賺。日本好興用電話上網，好鬼多喱類流言版比班 "玩家" 交流情報；不過外地人要跟得到就非常難，尤其啲 forums，你一句佢一句好鬼亂，我自己通常會間唔中上吓好似喱個 "メゾソ.ド.メ卜ロ"，如果有人想開私家 party，都會上吓喱啲流言版發報。

所以話，如果大家只係去旅遊，又唔識日文，最好先上 Fridae 咁識吓啲日本仔，做到朋友再問吓佢地關於喱啲發展場，佢如果係去開玩話唔定可以帶你一齊去；真係想感受吓啲淫亂 feel，重有個選擇係去好似 HX 咁 － 佢地喺新宿嗰間都好多遊客識去，雖然間唔中有 theme night，但係就好似 sauna 咁乜人都入得 (除咗啲醉酒佬同年紀真係好大)，限制少好多。好似 HX 基本上就佢一個大黑房，佈置係迷宮加房間，有大有細，有啲房有門但係多數 floor space 都係開放式，入去要脫光或用小布巾，見到啱就上。

都包入發展場當然重有啲 video box，廣泛啲講重有浴場同公廁，尤其後者，啲日本仔真係玩到明目張膽。喱啲再等下期，依家馬上開始寫東京啲骨場同 Host Bars，同點叫仔 "出張"。