遊記/回憶錄 － 大隻鵬在東京的日子 + 東京基場指南 (一)

係朋友當中自己算係 "日本通"，原因係大隻鵬做過交換生，係東京讀咗兩年書，加上之前一直有學日文，都算 talk 得下，出嚟做事打工同日本個市又有關，所以有咩關於當地啲 gay 場嘅問題好多人都會揾我。其實一直想寫東京，不過寫寫下就發覺好難唔提自己啲背境 － 其實雖然香港唔少人去日本讀書，不過大部份係去讀日文，入到好似東京大學同自己讀嗰間早稻田大學讀研究院就真係好少，所以再寫落去一定會比人知。

老實講，當年去日本 (91年) 自己好細，加上又無錢又要半工讀，出去玩又貴，去到頭半年追功課追學日文追到半死，雖然個 campus 唔係好遠，真係一次新宿二丁目都未去過；加上當年 HIV 先開始真係漫延到日本，我其他啲外國留學生 gay 朋友都話好多場唔歡迎我地；後來識多咗日本人，重同一個大自己好多嘅大舊熊拍下散拖先開始去下啲 bars，好似 saunas 咁都係要佢帶住先會去，因為怕比人趕。讀完一年原本應該返加拿大，一心諗住寫好論文畢業揾工，點知早稻田居然話比獎學金，請我做助教，咁就返去住多一年。

嗰一年諗返真係好快過，又要寫文又要上堂同幫手改 papers，不過啲人生經驗就好難得，而且我啲日文係嗰年進步最多，識多咗人加上學哂佢地啲動靜 (body language)，開始比人當咗係日本仔，咁先開始多咗去新宿玩。當時嗰 gay scene 已經好成熟，一路睇住啲變化，基本上覺得日本個 scene 同新一代都比較外向咗，無十幾年前咁仇外同 xenophobic，尤其係啲基民；已前去到除咗好似 GB 專門做外國人生意嘅地方以外，唔識日文真係無人理你，依家會好咗啲。早兩次返去同班老朋去我地個聚腳點九洲男唱歌，識咗個係北京做嘢，啲普通話重好過我，大家會發現依家多咗好多日本識講中文。

不過如果大家係自己或一班幾個朋友去，唔識日文又無人帶，要真係玩啲本土風情好有難度；先講下酒吧 － 係新宿嘅 gay bars 加 mix bars 都有幾十間，有啲同我地去開啲差唔多，係比人飲酒吹水識下人，多數係地舖；多香港人識去就有 GB、Advocates、Kinsmen 嗰幾間，不過就會多鬼老，而且有唔少係專要揾鬼嘅日本基民出入，但係如果唔識日文去喱啲比較容易識人；大隻鵬一般會叫啲朋友先事但去喱幾同人譗下，可能會問到啲好情報，再睇下下一場去邊。如果我自己或同朋友一齊我地多數去一間叫 "ゲイバ一"，雖然係 mix 但係個氣氛好好。另外要提吓有間熊系 / G-Men 吧叫 Magnum，喺三丁目，個老細叫 Mikio，正到不得了，而且英文講得唔錯，另外有個員工叫 Makato，大隻鵬對佢流哂口水，不過佢只係同鬼玩，而且鐘意啲超肥超多毛，可惜。

唔怕口啞啞我會叫啲 friends 去九洲男 － 喱間係老字號，七幾年就開張到依家，係吧同有 karaoke，一般去係啤啤熊，但其實乜客都有；個老板 (死，一時醒唔起個名) 係個二目丁村子好出名，個場好多名人去過，佢一見到新客人無論你識唔識日文佢都會比佢同啲名人影過啲相，好似死鬼咗個 Queens 主音 Freddie Mercury 同板本龍一；佢話同 Mercury 上過，真唔真就唔知。


(九洲男有時有表演睇..)

九洲男係比較近日本啲所謂居酒風格，即係細細間，個老板 (係基場叫 "媽媽生" － 唔係指係 club 做嗰啲，日文係 "ママ"，又或者叫 "女王樣") 同啲員工 (會叫 "社員/會員"，member咁解，日文可以係 "メソバ一") 會 "照顧" 啲客，同你有傾有講，又會同你唱下歌，目的係要造出一種家庭 feel，入得嚟玩都係 "一家人"。最重要係個 "女王" 同啲員工要控制住個氣氛，尤其係下會提到啲有嘢搞嘅玩嘢場，佢地個角色就較重要。好多喱類吧都要上樓，除咗九洲男可以試下 Club Zip (後生仔多啲)、group 咁。

其實一般日本基民普通消費都會去咗啲細細間嘅 "居酒屋"，而且唔一定只係去新宿，成個東京週圍都好多，上面提過啲都係比較大同人流多；喱類吧一般只坐得幾十人，非常家庭 feel，而且類別分得好細 － 不過去啲客可能都會比較成熟啲，去嘅目的都只係放工吹下水、飲下酒，所以大部都係熟客，唔好話遊客，日本人都好自己一個摸上門，通常都係有人介紹，一個跟一個去，或已前同個老板都熟先會上去。所以如果只係去玩，又唔識人日文不唔通，喱類吧去唔去都無乜所謂。

跟住會寫下啲到肉嘅 "黑房" 吧同有嘢玩嘅脫光同六尺褌 (fundoshi, "ふんどし"，即係襠布) 吧，重有啲好出位有 SM 嘅 "ヤリ部屋"或者叫"發展場" 等，同大隻鵬幫朋友叫仔 "出張" 嘅經驗。下面有張英文地圖可能對啲新宿初哥有幫助。