
Esalen 係一個幾特別嘅地方,係由一班 "嬉皮仕" 喺 60 年代開始喺喱個地方定居,自己種田自給自足,後來就發展成為一間 "學院",比一啲研究所謂 New Age 哲學嘅學者去 "靈修";佢地依家都經常有搞啲學術會議,同定期有啲短期課程,另外亦會開放比人去短住。



(上圖 1:Esalan 一家小屋;上圖 2:串個小瀑布的木橋;上圖 3:在崖邊的溫泉浴池)
其實如果去短住,個地方我覺得似一個渡假村多啲,最大賣點係有一個露天溫泉浴池,就喺個懸崖邊,可以望住個太平洋,聽住啲風同海浪聲,真係比錢都唔容易買到,最搞鬼係當晚個室內浴池重有人現場彈樹琴!另外係每餐啲食物都係 organic,大隻鵬咁大個仔真係未食咁甜嘅西芹。咁環境同包足三餐,每人每日收 170 美金 (不過要住就要先做會員,收 30 美金,由於我個朋友係 member 我唔洗比),如果肯瞓大房啲上下格床重平啲,低過台灣,去日本更加唔得。咩嘢叫人間天堂,喱個地方可以話喺我去過最近似。
2 comments:
鵬哥仔, 你真識玩, 做到你條菜都唔方無好日子過.. =)
It seems so nice.. but 13 hours on a plane to San Francisco is too much lor.. those in Taiwan just 2 hours away!
Post a Comment