安全貼士：北上叫鴨安全「十戒」

大隻鵬差不多每星期都會收到啲朋友問究竟北上叫鴨安唔安全 － 其實由開 blog 到依家都寫過三、四次 (見右邊 "叫鴨安全第一提示" 下面嘅 links)，可能比較分散，又可能大家無睇返啲舊文章，加上最近有單師奶比大陸「泥鴨」勒索新聞，所以决定再提多次。最主要原因係怕各位有個錯悟嘅感覺係叫鴨好玩好刺激，尤其係啲未試過嘅巴打，如果唔小心一但出事，輕者洗完錢失望而回，重者比人屈錢又傷身 (心？)；要玩得開心放心，總括一下經驗同交流，以下有十條注意項目及貼士： (一) 揀仔揀鴨頭要醒目，要用有啲信譽，切記啲相越正越多做手腳就要小心，經驗多咗再試吓其他都未遲。(好似左圖，喺東方男摸，見到咁假都叫，如果係貨不對板就真係叫者自負) (二) 有疑問就先叫條仔係公衆地方等 (酒店大堂等)，佢唔知你乜樣，見到對板先雙認。 (三) 如果要用手機聯絡，唔好用或比出街自己常用個號碼，可以買定幾張 sim cards，用完即棄。 (四) 如果用酒店房叫，先將所有可以認到你身份嘅任何例如証件、卡片等收好，再想穩陣啲就手機都收起，最好同銀包一齊鎖入保險箱。 (五) 身上唔好帶多錢，講好收幾多肉金，頂多再留多二、三百喺身預比貼士就得，其他同錢包等一齊鎖好或收起。 (六) 千萬唔好比佢玩 "自拍"，要拍都係由你自己控制，唔比隻鴨仔一份，就算係一般相，只要見到你個樣都唔比得佢影你。 (七) 唔好比條仔有機會獨自喺房，好短時間 (例如你特然要小解等) 都唔得，除非你好肯定乜嘢都鎖好哂。 (八) 切記自己帶套同潤滑油 (lube)，自己要識點套 (唔係講笑，有啲人用咗十幾年都未必真係識)，要佢做 1 都最好由你幫佢笠。 (九) 自己要有個 "勢"，唔好見到靚仔就軟哂，成個老襯咁樣，一開始要比佢知你係老細，比佢 "食" 返住就麻煩；切記錢喺你袋，買唔買比幾多由你决定。 (十) 唔洗同任何鴨仔玩到 "交心"，亦無需要留戀，只要你一日有經濟條件做 "客"，成個森林都係樹，唔洗為咗一棵而勞心。 重有啲嘢都要提吓 － 有啲朋人鐘意 high 咗去玩，又有啲巴打唔比個伴知成日北上叫鴨，等等，大隻鵬唔會有任何道德批判，只不過閣下要擔當嘅風險就大好多。死啦，成個口水佬咁喺到講耶穌，其實都係想大家安心，因為好多時點解重有咁多假相、老屈同偷錢等，都係啲客比咗機會佢地，只要十家小心，有好多麻煩可以唔洗發生。 重有，祝各位 Happy Thanksgiving！

安全貼士：再談大陸叫鴨安全問題

大隻鵬一直想揾個機會同大家講下我對叫鴨喺一啲睇法 － 其實最初只係想通過個 blog 同啲有叫開嘅朋友交流情報，互相推介下啲正鴨，或公開一啲揾老襯同古惑嘢，但係睇返已前啲文章同有時收到啲 emails，就覺得可能會比一啲無乜經驗嘅朋友一個錯嘅印像係叫鴨好好玩、好刺激，好似鼓勵緊大家去叫咁。其實除咗啲安全守則以外 (寫過兩次，一次講安全性行為，一次講人生安全)，大家有無諗過自己係未適合做 "玩家" 呢？

點解咁問，唔係話出嚟玩一定要乜特別技能，不過要真正享受同玩得開心放心，首先大家要多啲去明白一下啲鴨仔同鴨頭嘅心態，同點解佢地會有喱種心態，尤其喺大陸。點解大陸咁多麻煩嘢，最主要係個社會未開放，無乜法治可言，加上資訊唔流通，整體貧富不均，好多人有啲所謂 "心理不平衡"，結果係社會入面有唔少人成日諗住走「精」面，想不勞而獲，而且攞到着數又唔會有罪惡感，最難搞係有時啲人啲水平又唔夠好，想行古惑但係又唔識做全套，被人識穿就好易發難同有過激反應。

普遍同性戀重係禁忌，已經好被邊緣法，而且我地啲中國人嘅道德觀又係講一套做一套，好扁低啲色情行業，但係又成行成市，加上依家大陸乜嘢都係為錢，有啲人又乜都做得出，咁未得出喱個情况，即係好多仔願意為錢賣身，但係又有啲 "心理不平衡"，所以有啲會好唔用心去做，返正佢覺得我地比得起錢去玩，一千幾百唔多，而且你又無得 complaint，錢佢收到手就算；當然又有一批用假相招搖撞騙，更麻煩係有啲人一時諗唔通去搶同掘錢，一單成功就走路，揾都揾唔返。

個人經驗係上海係全大陸最多喱類麻煩嘢係地方 － 上網睇下啲網站着咗一半用假相，佢地無乜成本，最怕無人 call，有人 call 就送個貨不對板，老掘個客，大隻鵬就試過一次，好在我夠大份，直情要推佢出房了事。所以話，係咁嘅社會環境下，叫鴨係有一定風險，要減低風險除咗要熟識下啲一般古惑嘢以外，就要睇下大家本身嘅應變能力；老實講，社會經驗越多，出事就越識得控制住嗰局面同無咁易比人當做目標。

唔係針對個別案例，只係以事論事 － 好似睇完阿 Legend 君個留言，咁樣比人搶成幾千銀當然係好不幸，但係點解喺隻鴨上房前唔收哂啲銀包入保險箱喱，或盡量唔留咁多現金係身？唔係話叫大家被搶就去同條仔頂到底，不過如果事前收好啲嘢，損失就無咁大。Legend 君講嗰間 "君豪" 我無用過，只係有朋友經常去，依家會放佢入黑名單；有睇開個 blog 都知一般大隻鵬係上海好少叫，因為兩、三年前有次都傻更更比人搶過，希望 Legend 君好似我咁能夠經一事長一志，以後萬事小心。

安全貼士: 北上叫鴨安全守則之二 + 揀仔心得

終於發覺要 keep 住寫 blog 真係幾難；早兩個星期原本諗住去馬尼拉過長週未，點知星期四由北京返嚟開始覺得唔多 alright，到上星期二卒之要去睇醫生，原來胃潰瘍又發作，要攞咗兩日病假，上個週未係屋企死死吓咁，好鬼痛苦，食咗幾日藥今日先開始返得工。講開又講，論玩仔大隻鵬經常同人講話馬尼拉比曼谷好玩好多人唔信，又開定張期票，遲啲寫下啲正賓仔 (照片中位好壯直仔，唔算係鴨，但肯收錢玩，同佢係馬尼拉玩過幾次)。

好多老友問大隻鵬點去深圳玩，點知邊間中介可信，最後點樣先可以玩到盡興同安全；咁當然可以同大家 share 吓啲心得，但係首先講明各師各法，無人可以寫包單，而且可以話大家要有定心理準備啲仔唔會千依百順，因為好多都係直，唔好咁多期望反而有驚喜，更加係千萬不要上心，玩得到開心可以返叫，唔洗要包養，因為一般都無乜好結果；玩得唔爽或貨不對版或比條仔大返你轉頭，咁就要馬上放狗送客。

大隻鵬好少只係為叫鴨而上深圳，一般都係做完嘢留多晚，或係北京、上海等出完差路過留一晚先返香港；我就從來未去過啲會所或骨場玩 (GayHK 個 Toilet Wall 有好多關於啲骨場討論)，所有經驗都係叫仔上房，一般都係住好近羅湖間 "香記" 外資酒店，雖然貴啲但貪方便外係比較安全，無咁易比人玩查房屈錢，加上喱啲酒店都管得好，而且有經驗啲 managers 都見好多嘢，一但出事佢地都會識處理同幫個客。

點解咁講？因為試過單咁嘢 - 大隻鵬入到房通常會將啲銀包、所有錢同其他可以 identify 到我，好似卡片咁先鎖哂入個保險箱，好早期有次玩完條仔，等佢沖涼個陣未去開保險箱攞錢，點知按錯密碼，個櫃自己鎖返實，咁唯有叫個經理上嚟開；條仔都無乜嘢，都要等，佢個面口當然唔係咁好；個manager入嚟見到咁，先同我解碼，但係話要等 15 分鐘咁上下先會開得，跟住最 impress 係佢同我點頭，示意叫我跟係去房門口，佢先細細聲問我係未有麻煩，有事佢地可以叫 secure 咁話。所以以後我去香記都好放心。

深圳好多中介係 GayHK 個網站有買廣告，老字號有阿根、酷龍、魅力先生等，加上星話、西北狼，新名堂我都經常用，新啲有間鑫欲海，未試過，另外你去深圳個 SzGay 都有大把廣告，用過有健美先生同健美男子 (唔同皮條，好似)；個人感覺，阿根可以算係龍頭，仔多又轉得密，揾到新仔佢地會先同佢地包裝下，除咗一次以外啲仔都準時；問題係喱幾間出名高檔都越嚟越貴，500百算好平，有啲叫到成千。其他啲服務態度 (指皮條) 差唔多；由於大隻鵬都係熟客，佢地對我都好識做。

咁點選？真係無乜特別心得，見到鐘意未打上去問，最緊要係留意下啲身裁數字，因為有時睇相你覺得高大，但係真人都可能得 5'5"；依家嗰幾間都無話用假相，但係重會加工，大家注意下就好易發現到啲有問題嘢。其實當打電話上去問嗰陣，最緊要乜都問清楚，講明你想點玩，大隻鵬重會問條仔係未好直，而好多皮條都會答乜都得，咁大家就要 "大" 下佢，加多句話自己係熟客，好多時佢地就無事但。

有時對啲唔 sure 佢啲服務得唔得，但係又好想玩嘅仔，超過 500 人仔我都會講下價，如果個皮條企硬大家未話唔要囉；有時佢可能會有仔推比你，其實都可以聽下考慮下。最緊要係大家知道錢喺你袋，你係客你有權問對盡，選到真係放心先叫；出面大把仔，個個月有新上場，無必要話一定要玩邊個邊個，有時啲搶手貨未必真係好得。

依家深圳啲 competition 越嚟越大，係我地啲玩家有福氣。

安全貼士: 北上叫鴨安全貼士之一 - safe sex駛得萬年船

開 Blog 到依家都收到啲 emails 問點玩至 "安全"，尤其喺深圳；其實安全唔單指係人生安全，當然包括安全性行為，因為好講唔好聽真係好多唔會成日用套，重有啲本身係直仔，佢同男人做用套唔代表佢自己同女玩都會用。大隻鵬講咗咁多玩鴨仔，都覺得有啲責任提下各位巴打 － 小心駛得萬年船，咁早比人打沉點可以玩盡天下男兒！

作為大零佬，大隻鵬就要更加小心，條底線要守得住。一講 safe sex，唔理 0 號或 1 仔，上去想玩足 1069 首先要自己有準備，帶足喺香港買啲安全套，重要自己帶 lube，係 water-base 嗰種先係正確；啲仔一般都會自己帶套，但係有時會唔記得，而且有都可能係假貿，啲 lube 又唔知係乜，佢地又唔識分，因為用錯 oil-base 嗰啲或其他 cheap 嘢個套好易穿，有帶等於無。

喱啲最基本動作防染 HIV 就無論係一夜情同叫仔都要做足，另外大隻鵬亦會係條仔嚟之前先同自己入面搞好清潔，而且會幫自己先加啲 lube，除咗因為衛生啲以外，好多時穿套都係因為個 0 號入面重有啲嘢，或係用唔夠 lube；重有一招係通常大隻鵬會先做 "上面"，即係我先慢慢坐落佢條 J，除咗可以控制條仔插入去啲速度之外，重可以先等自己放鬆同保證個套載得實同無穿，先同條仔玩其他姿勢，最後當然唔比佢內射。

其他就視乎每個人條底線 － 怕染其他病就同條仔吹都要用套，同先 check 下自己有無流牙血同生痱子之類口腔問題，唔 sure 或唔想 take risk 就叫佢吹你算囉；另外吻肛都算高危，唔係怕 HIV，而係肝炎，因為 Hep A 都係無得醫。大家係成年人，出嚟玩就要識保護自己，啲病分有得醫同無得醫，做足上面啲中頭獎機會等於零，但都要定期驗身 (其實所有有較活躍性生活嘅都要最小半年一次)，要有心理準備，發現染上其他就要馬去揾醫生。

(加料)

估唔到咁多巴打有興趣知道點樣洗肛 － 其實除咗衛生，用正確方法清洗同先 lube 下自己入面係可以減少穿套嘅機會。咁點洗呢？當然要有工具幫下手。大隻鵬每次去玩都會帶個 Enema Bag，中文唔知點叫，好似叫洗腸袋，一般藥房都有得賣；用法其實好明顯，跟住上面條 link 有好多料，個人貼士係啲水温最好同體温差不多，同喺插入肛門個喉頭加啲 lube。

有無簡單啲方法？市面有啲好似個泵嘅小工具 (見下圖)，唔知香港啲 sex shops 有無，係日本好容易揾到，但係大隻鵬覺得無咁好用；其實如果想玩得安心，花多啲準備功夫係有必要，已前我就算去 sauna 都會係屋企洗好先去，覺得入面有嘢都費事比人入。

下期講下其他防搶防屈貼士。

安全貼士: 北京掃黄

都係聽人講，早兩日去上海出差碰到個往北京的舊波友，佢話北京因為奥運依家成日掃黃，加上又有地震啲咁大型國難事件啲大陸官就條件反射地要做嘢；個朋友話北京有間出名sauna比公安大掃場(邊間唔講，因未經証實)，見人就拉，老外都無放過，最得人驚話有啲比公安監咗兩三日；各友好自己顧自已啦，北京啲冲凉按摩場最好去小啲。