遊記 － 玩玩日本鴨 + 東京基場指南 (五)

寫 到第 5 版有關東京，終於寫到骨場同叫鴨，原因係大隻鵬咁多年一次都無係日本叫過，不過就識過啲出嚟做 part time 同拍過吓小電映，又幫過朋友叫鴨，所以要先做吓 research 同問吓人。其實日本咁多發展場，加上 saunas 同啲搞嘢吧，我每次返到去都玩到盡興 (笑)，上 24 一次就可以搞 6、7 件，加上已經有班波友，都無時間叫鴨。不過佢地啲網站我有時都會望吓，可能下次返過去會試試。

先講骨場 － 可能經濟唔好，自由職業人數多咗，喱 10 年見到開多咗按摩中心；同香港一樣，日本一直有啲骨女場，但係好多入面啲骨女係嚟自泰國、菲律賓咁，喱幾年就多咗大陸妹，返正出嚟賣班日本妹好少做按摩， 啲場就全部有黑社會背境。專比同志嘅男同男按摩就好似越開越多，由最初學啲泰國 style 做傳统按摩，到有啲做全裸人體推由等，包出火有啲重做全套。不過情况就同香港一樣，有無嘢搞好睇個師夫；另外有啲就講明有啲乜 "睪丸" 按摩，咁好明顯就係搞嘢。

喱幾年去過又覺得 OK 嘅有間叫 Moonrise， 喺西新宿，其中一個老板算係朋友，賣點係正宗泰式按摩，個大師夫喺泰國住過幾年，而入面啲師夫全部係 G-Men 同熟男，開正大隻鵬個 type。上次返去 (10 月頭) 特登走去睇吓，之前先打比個老細，佢叫大隻鵬一定要試吓佢地個主將浜田 (下圖)，見到張相我都流哂口水。個 massage 其實唔算好特別，做得 OK 但係都好落力；最後有無嘢搞？點講，現場無，不過收咗工佢就去咗我間酒店房囉 (笑)。



(Moonrise 其中一個師夫)

如果鐘意大隻啲，喺上野有間 "韓式" spa 叫 "氣樂"，舊年去過試咗個啱啱當過兵嘅韓國仔；入面好似全部係韓國人，如果一定要玩日本仔就唔啱，不過我啲日本朋友話無其他地方有咁多筋肉男做 massage 同比你任摸。去返近新宿有間叫 Cure Hands，有個朋友話入面有個講到啲英文，又話有個大隻佬叫吉川好正；另外有間喺涉谷叫 HutCozy Men，話一定搞得，大隻鵬未去過唔知。不過你問我依家有幾多間喺東京，真係好難講，而且流動性都幾大，加上有好多個體户，一個人自己喺屋企做，返正買張按摩床再佈置吓又開得檔，要揾大家要比啲心機上網。

去 喱啲場做按摩一啲都唔平，做全身一粒鐘 10,000 yen 起步咁上下，今日算大慨 800 港紙，最加半鐘或其地菜單上有嘅好似 "睪丸按" 咁再加 3,000 yen 到開個 double，我估平均消費你要準備 15,000 yen，不過啲仔唔會再要小費，我亦未聽過有人講條仔喺房入面話要加錢就可以有特別服務；佢地覺得想同你玩就會比 signal 你，作為客人你亦可以大胆小小，睇定條仔啲反應慢慢上，搞唔搞得你好快知。大隻鵬私人貼士 － 日本人唔怕你有啲誇張反應，例如佢按到啲敏感位你就係唔係都 "呵阿" 聲叫幾吓，"典典吓" 比佢知道你好舒服同 turn on，有嘢搞嘅機會大好多。

上面講啲 massage ("マッサージ") 骨場，另外亦有好多個體户，後者有啲真係專業按摩師，但係好多其實都可以提供上門性服務，即係 "出張"，日文係指出外做嘢或出差；咁當然有好多只係做性交易，另外有好多鴨仔會跟啲鴨頭喺 Host Bars 做，或喺啲專門提供 "個室" 比你同仔玩，講得白啲就係妓院，重有啲係只做 "出張" 送外買。

先講叫仔上你酒店 － 單係喺東京就有幾十間上門鴨店，而且類別分得好細，有啲專門提供 "靚仔" (美少年)，有啲搞 "野狼系" 同 "體育系"，"筋肉系" 同 G-Men 當然有市場，另外過 40 啲 "熟男" 同 "親父"一樣大把人叫。咁當然重有分可以點玩 － 基本分做 0 或做 1 或兩樣都得，有啲就可以提供 "另類" 服務，好似玩 "束縛" (bondage)、S&M (都分好多) 等五花八門都可以。專做大隻佬又比較出名有間叫 G-MEX (見下面兩張佢地啲鴨仔相)，另外有間叫 "ヅムケイ" (Gym K)，啲仔除咗大隻之外，有好多重係拍過 AV，特別係 "ヅムケイ"，好似係同好出名嗰間叫 Sportus 嘅製作公司有關。



(G-MEX 啲仔算係我見過最大隻嗰班)

其 實如果識日文，要叫一啲都唔難，先上網揀仔，check 清楚佢喺你想要嘅時段有無 "返工"，因為好多都只係做 part time，唔會日日 24 小時都 on call；喺日本喱類網站都好專業，一般會列明條仔幾時得閑，客人亦可以網上做 booking，再唔係就打電話上去問。日本人好準時同講規律，一般習慣先做好 booking，加上東京又大交通又咁繁忙，除非個客願意比的士錢，佢地要 "出張" 會預時間用公共交通，所以要叫最好先做預訂，臨時叫未必一定叫到。

好多人覺得喺東京叫會好貴，咁當然無喺大陸 5、6 百有得玩咁平，但係相對起日本喺生活指數，相比其他消費喺嗰邊叫鴨唔算好貴：好似 G-MEX，最低消費 18,000 yen，今日算 1,400 港幣，時限 90 分鐘 ("ヅムケイ" 平啲，"90 分" 收 17,000 yen)，不過大家要留意係喱個價未包交通費，一般喺市中心再加 1,000 yen，重有最緊要係 90 分鐘唔係指同你玩足個半鐘，好多時係指由條仔出門口到返到去合共 90 分鐘，即係話如果佢來回交通要用半個鐘，佢只會喺你房留一個鐘；如果佢接住又有 job，分分鐘你未玩完佢就要走。所以一般人都會叫足兩粒鐘，或者包過夜 ( G-MEX 收 35,000 yen，2,700 港幣，未計其他)。

重 有係佢地有啲嘢係明碼實價，講明加錢，好似 bondage、S&M 咁當然要加，如果你要條仔射精又要加 (一般多收 2,000 到 3,000 yen)，重有好多細項要事先講好；如果咁計法，大家要玩啲質素好又想盡興，你最少要預 2,000 港幣，如果你想玩啲 "變態" 嘢就要再加。其實講明分項收費有佢嘅好處，亦係日本人做嘢嘅方法，最後好唔好玩當然睇個別條仔啲水平，加上佢同你啲 chemistry。所以喺日本叫係要乜都問清楚，之前講好價錢，做完再比唔比貼士就睇你玩得開唔開心。

如果唔識日文，依加有幾間就有專門有講英文嘅鴨頭，好似 Abba Boys 同 Kings of College， 中等價錢，啲仔比軟後生。上面講啲除咗係做外賣 "出張"，有啲重會提供 "個室"，即係時鐘租房；有啲鴨店可能自己有地方，另外啲會同有啲時鐘酒店合作，價錢就睇你要啲乜房，因為時鐘酒店喱個行業喺日本好發達，玩到水床到有按 摩池都有，但係一般基本啲嘅就 3,000 到 5,000 yen 咁上下。一般我覺得租房比較方便，而且比嘅錢會少啲，因為唔洗預條仔啲交通時間，一個鐘就一個鐘；其實啲日本仔咁精，條數佢地計好哂，無死錯人。

最後係啲 host bars － 即係 "居酒屋" 差唔多，就算唔想玩鴨仔都可以去睇吓，上面提過間 Kings of College 就係其中之一；喱間大隻鵬前年去過一次，係帶個美國朋友上去，之前跟其他啲日本朋友去過一次。一入到去會有個 Mama San (男人) 招呼你入去坐定，跟住佢會叫一個 host 坐枱，不過喱個 host 唔係賣身，只係負責陪你飲酒、傾偈，最緊要係幫你揀仔。一般未出鐘又啲仔會喺吧枱嗰邊，客人見到邊個心水就可以同個 host 了解吓情况，例如佢係 0 定係 1，下面大唔大，有乜係專長同佢有乜嘢唔做，咁個客就可以决定要唔要，或者叫條仔嚟再傾吓。不過去喱類 host bar 會好貴，飲幾杯又請吓啲仔飲分分鐘又幾千 yen。

嗰次我個 friend 原本見到個好鐘意，點知個 host 答話佢係直仔，要一路睇女人 AV 先做得嚟，咁當我個 friend 重考慮緊，大隻鵬就同個 host 打牙鉸 － 佢話啲仔乜背境都有，有啲係直，而且好多係喺遠啲嘅地方去東京打工，無親人依靠就要揾多啲錢喎；另外有好多本身係 gay，有正職，大部份都係 part time。其實大家都知喺日本生活乜都講錢，唔理男或女，有啲條件又無乜包袱嘅都唔介意賣身，你睇 "援友" 咁流行就知。最後喺 Kings of College 都揀唔到，返到六本木間酒店再幫個 friend 打上 G-MEX 約，又好彩咁夜揾到個大隻 0 號 (張相揾唔返)，講好 25,000 yen，咁我先走得甩返去新宿間 24 (笑)。

早幾年前返去東京比較多，出去玩之餘都識到啲搞雜誌同拍 AV 嘅朋友，當年再經佢地介紹都叫識過吓啲 AV 男優，好似喱個雄太 (下左圖)；好似話佢依家都重有做鴨同拍 AV，當時識佢真係覺得正到無倫，流哂鼻血，好惜大隻鵬當時重有個 boyfriend，依家無聯絡，重聽啲朋友話佢都係大 0 號，唉。另外有次去 Ageha 又識咗專拍 Kong 系列 AV 個 Tadashi ("ただし"，漢字應該係 "正"，不過又可能係忠司，下右圖)，當晚佢喺到表演，依家一直有聯絡。睇怕真係要揾時間整一下喱啲資料，如果失業可以寫書！



最後比個貼士大家 － 要玩日本仔就要問清楚，因為喺東京有好多外勞，以韓國為主，泰國同台灣人都有，近來更有可能多咗大陸仔；尤其你問啲唔怕做外國人生意啲鴨站，有啲會寫明唔 係日本人，無寫啲都要問清楚先叫。下面係一份張名單，不過講明除咗 King of College 同 G-MEX 之外，其他無親身經驗，另外亦都無包一啲細細粒染哂金髮啲瘦骨男嘅鴨店：

外語通

Abba Boys
Kings of College (Host Bar)
Aron's Rod (Host Bar)
T's (多數係 twinks)

筋肉系

G-MEX
ヅムケイ
Men's Staff
Hitアスソ一卜
Five Star

G-Men / 熊系

Scrum Bear
Scrumtry
GG 東京

野狼系 / 體育系 / 等等

Check Boys
Action
Fuckers Tokyo
A Boby
FU GA (好似都有 massage)
B Flat (host bar)
Secret Boys
Porn Star (host bar)
T Club
Cowboy

PS －上面提過 Ageha，去玩 Circuit Party 班一定好熟，大隻鵬喱幾年都少去，不過去開東京又有時間都要跟住啲 theme party 去玩，好似 Bulk！咁，下次有機會寫下。

PSS － 另外有朋友問大板，我明年頭可能去一轉，到時有 update 再寫。