壯男圖：大陸越嚟越多健身男，港男可以收皮？

哈，上面句唔係我講；大隻鵬有個 friend 係北京住，成日去 gym唔係健身而係去睇仔，佢話依家多咗班中產同好多"海歸"，啲 gym 越開越多，做 trainer 都叫揾到下錢所以啲 staff 同客啲水準都好咗好多，佢重話最正嗰批肯定好過香港啲，有相為証喎。左圖係我個 friend 個新 PT，話佢好多中年有錢太客，有無得"賣"佢話要慢慢睇！下面啲係佢間 gym 其他啲 PT。

咁睇咗啲相，你話呢？我話似"阿根"記啲仔... (淫笑)....

同文化： 三島由紀夫影集

早排有個老反send咗啲相嚟，係佢係網上揾到一本好舊啲三島由紀夫影集入面啲"美男圖"；佢係乜水？佢係日本戰後最重要作家之一，而且成名得好早，作品有好多，出名啲有「金閣寺」同寫同性戀部「禁色」，好後生就入圍過諾貝爾文學獎；我諗依家未必咁多人重讀佢啲小說，但係佢係武仕道精神上腦，最後為反對日本日漸西化而「殉道」切腹自殺就好多人會知。

依家好多日本極右所謂愛國主議者都重封佢係偶像，佢本身係唔係同性戀啲事實對某啲日本人嚟講都係好禁忌。除咗寫書，佢都影好多相，流傳較廣就係呢批"美男圖"；相中可以睇到佢認為乜嘢係傳統日本男性美，可以話佢係四十年前已經同日本主流同志情慾(homo-erotic)定咗型，加上有啲SM啲所謂極端男性化表現，大家係好似田亀源五郎喱一批作家同創作人啲漫畫都睇得到。

大隻鵬係日本早稻田大學讀書嗰兩年都有修個有關三島由紀夫啲小說啲courses，好鬼多啲日本衣櫃男去讀；無論如何，喱批相絕對有收藏價值，大家去開東京二丁目啲書店重應該揾到好多佢啲照片集。

(下面可點圖放大)